Mukaanda kuri bari Loma 16:21 - Musamu Wamubwete 2013

²¹ Timoteho, mbaasi yaami ya kisalu, wuluheekiri mboto; Lukyo, Yasoni na Sosipatoro bari kaanda dyaami se, baluheekiri mboto.

Mukaanda kuri bari Loma 16:21 ပူးပေါင်းရင်းမြစ်များ

Biyiriki bya Bantumu 13:1

Mu dibuundu dyaba ku Antyoke, kwaba babikiri na bayikisi: Barnaba, Simehoni wu baba teelaana ti Ningere, Lukyo wa ku Kirene, Manahene wunde wabuukiri ha kimosi na Erode mfumu mankoonsi mana, na Sawulo.

Biyiriki bya Bantumu 17:14

Hanaho, bampaangi baholo baatu mu kunata Pawulo ku teke mubu; Sila bo na Timoteho ngo bari basii sala ku Beroya.

Biyiriki bya Bantumu 17:5

Kasi Bayudayo bamono musoki, na baholo baatu ba babakala bari na mutima-bubi, babakutukisa na basa kisaangila kunsa bvula. Bu batubuka ha nzo Yasoni, bo basaka Pawulo na Sila mu ku banata ha busu bwa baatu.

Biyiriki bya Bantumu 18:5

Sila bo na Timoteho bu baba tubuka kuri ba mwaanangukina ku Makedonya, lo Pawulo wuri mu kwelutusa ntaangu, mu maampu ma Nzaambi, mu kweta kimbaangi ha busu bwa Bayudayo ti Yesu ngo Kiristo.

Biyiriki bya Bantumu 19:22

Nde waheeke ku Makedonya boolo mu bisari byaandi, Timoteho na Erasto, mu ntaangu yi kabakiingila ku Asya.

Biyiriki bya Bantumu 20:4

Bayende na nde mu nzila ngo: Sopatero mwaana Piro wa ku Bere, Aristarako na Sekundo ba ku Tesalonika, Ngayo wa ku Derbe, Timoteho, Tikiko na Torofimo ba ku ha Asya.

Mukaanda kuri bari Loma 16:11

Heenee mboto kuri Erodyono, kaanda dyaami. Heenee mboto kuri baatu ba Narkiso bari mu Mfumu.

Mukaanda kuri bari Loma 16:7

Heenee mboto kuri Anderoniko bo na Yunya, bo bari kaanda dyaami, na bambaasi baami ba mu boroko, baatu ba mvuumfu ha kakati dya bantumu, bo batekisiri kuba mu Kiristo ti na me.

Mukaanda kuri bari Loma 9:3

Me nyitiisila mu me-meene, kuba kunsa mpopi, na kuba la na Kiristo, mu ntoono bampaangi baami, bampaangi baami ba mu kaanda dya muswinyi,

2 Kol 1:1

Pawulo, ntumu Kiristo Yesu mu kutya kwa Nzaambi, na Timoteho mpaangi, kuri dibuundu dya Nzaambi diri ku Korinto, na kuri bangisi bobanso bari mu Akaya dyodinso.

2 Kol 1:19

Bukuri, Mwaana Nzaambi, Yesu Kiristo wu turi twayaabisa kuri beenu, me na Silvano na Timoteho, nde kasii kuba: «heehe» na «pele» ko.

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

Mukaanda kuri bari Kolosayi 1:1

Me Pawulo, ntumu Kiristo Yesu mu kutya kwa Nzaambi, na Timoteho mpaangi,

1 Tes 1:1

Pawulo, Silvano na Timoteho, kuri dibuundu dya Tesalonika, mu Taata Nzaambi na mu Mfumu Yesu Kiristo: bweese na kiyeengi biba na beenu.

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

1 Tes 3:6

Ngo mu lumalu, Timoteho bu kabeeri kuri beenu mwaakwiisa bvutuka kuri beetu, na watuyaabisiri musamu wamubwete mu ntoono kanyi na ntiilu yeenu, na ti, beenu bunu luri lwakebe bitsimi byabibwete mu beetu, na luri na nzala beetu kumono, bunu bu turi na beetu se nzala kulumono.

2 Tes 1:1

Pawulo, Silvano na Timoteho kuri dibuundu dya bari Tesalonika, mu Nzaambi Taayi dyeetu, na mu Mfumu Yesu Kiristo.

1 Tim 1:2

Kuri Timoteho mwaana wangwanwa mu kanyi: bweese, ngebe na kiyeengi bifumunaa kuri Nzaambi Taata, na kuri Kiristo Yesu, Mfumu yeetu, biba na ye.

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

1 Tim 6:20

Ye Timoteho, kebe maampu ma bari bakuha, yende webata nzoonsulu dza bungooyi dza mukangala, na nkalikisi dza madyeele mampya,

2 Tim 1:2

kuri Timoteho, mwaana wa mutima: bweese, ngebe na kiyeengi bifumunaana kuri Taata Nzaambi, na kuri Mfumu yeetu Kiristo Yesu biba na ye.

Mukaanda kuri Bahebeleho 13:23

Yaabee ti mpaangi yeetu Timoteho bamupalisiri mu boroko, mbuti wasiri na kwiisa kuri me, lo sa twiisa beetu na nde mu kulumono.