Mukaanda kuri bari Loma 16:17 - Musamu Wamubwete 2013

¹⁷ Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

Mukaanda kuri bari Loma 16:17 ပူးပေါင်းရင်းမြစ်များ

Musamu wamubwete watina Matayi 18:17

Mbuti bisiri mu kubaywiila, lo leele dyo kuri dibuundu. Na mbuti bisiri se kuywiila dibuundu, lo hemese kuba kuri ye bunu munzeense, bunu pe mutori-mpaku.»

Musamu wamubwete watina Matayi 18:7

Kyaari kuri baatu ba nsi yi mu dyaambu dya mbumukunu makya; mukwongo, mbumukunu makya yiyelemini kuba, ngo kyaari kuri muutu wunde wuba nzila ya mbumukunu makya!

Musamu wamubwete watina Matayi 7:15

«Seenee madyeele mu babikiri ba mampya, bo bari mu kwiisa kuri beenu kuri balwaata mikaanda mya bimeeme, ngo kunsa-kati bango-mbulu bansisi.

Musamu wamubwete watina Luka 17:1

Yesu waleele kuri bayiki baandi ti: «Diri dya mpasi ti, kuhele kuba misamu mi bwiilila baatu mu masumu; ngo kyaari kuri wunde wuba mpwaani yi mikwiisikila.

Biyiriki bya Bantumu 15:24

Bu twayukiri ti babamosi mu beetu bu bayisiri kuri beenu, kuri twahele kubaha ntumunu, balubamisini mu miheebulu,

1 Kol 11:18

Dyatete diri, me nyiri mu kuyukaa ti, beenu bu lukookutukunaa mu dibuundu, lo ha kakati dya beenu hari nkabunu; me nyitsima ti musamu wunde kampe wangwanwa.

1 Kol 3:3

bukuri beenu lwakiri baatu ba muswinyi. Mukwongo, habaanaa kuri bukwa, na mayumu ha kakati dya beenu, buri lo kari baatu ba muswinyi luri ko? Na kari mu kimuutu luri mu kwedyaatila ko?

Mukaanda kuri bari Ngalatya 2:4

Kwaba kwaandi na bampaangi bampya, ba mumpitu, bayolimiki ha kakati dya beetu mu kwetukete kunsa bunsaalisi bweetu, bu turi na bwo mu Kiristo Yesu, mpisi heki batusa bankutu,

Mukaanda kuri bari Filipo 3:17

Bampaangi, beenee bakwesombosolo me, talee bakwedyaatila mu kifwaani ki luri mu kumono mu beetu.

Mukaanda kuri bari Kolosayi 2:8

Seenee madyeele, muutu mu beenu kahele kubwa mu mweete wa madyeele ma nzoonsulu, na mu mawunu mabuunu, bunu buri kikulu kya baatu, na bunu buri bitotolo bya nsi, byahele kuba mu Kiristo.

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

2 Tim 3:5

bamonokono ti bangaa-kinzaambi, kasi bakwetuna mpinu dza kinzaambi. Tekele ba bubwo mbisa.

Mukaanda kuri Tito 3:10

Muutu wukwekotoso nkabunu, wumanaa kumulubula lwatete na lwadzoolo, wumuwuungiri.

1 Yow 2:19

Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.

Mukaanda Yuda 1:19

Babo ngo bakwekotoso nkabunu, bakwedyaatila bunu bibulu, na bahele na Mpeeve.