Mukaanda kuri bari Loma 15:26 - Musamu Wamubwete 2013

²⁶ Mukwongo, bari Makedonya na bari Akaya, bamwiini ti buri bwabubwete, mu kusoongo kintwaari mu ntoono bawelu bangisi ba ku Yerusalemi.

Mukaanda kuri bari Loma 15:26 ပူးပေါင်းရင်းမြစ်များ

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Musamu wamubwete watina Matayi 26:11

Mukwongo, mu mantaangu momanso, beenu luri kintwaari na bawelu, ngo kasi beenu lwahele kuba kintwaari na me mu mantaangu momanso.

Musamu wamubwete watina Luka 14:13

Ngo kasi, habaanaa wuyirika mbwaanunu baatu, lo teele bawelu, bari na bipfuumi, babeele miilu na bafwa miisu.

Musamu wamubwete watina Luka 6:20

Nde bu kasyeetele miisu myaandi kuri bayiki baandi, waleele ti: «Kiminu kuri bawelu, bukuri Kimfumu kya Nzaambi kya beenu.

Biyiriki bya Bantumu 16:12

Bu twayisika haho, twayende ku Filipo, bvula dyatete dya nkoonsi ya Makedonya, kimvuka kya bari Loma. Beetu twalutisa mwaa-biluumbu ha bvula didyo.

Biyiriki bya Bantumu 16:9

Ngo mu butsuku, Pawulo wabaka mamono-miisu: muutu mosi wa ku Makedonya waba wateleme na waba muyiingikila, na kumuleele ti: "Wasa ku Makedonya, wutubakisa."

Biyiriki bya Bantumu 18:12

Ngalyono waba kimonikisi kya nsi ya Loma ku Akaya; Bayudayo bayukusina batelemise kitaatu mu Pawulo, na bamunata ku nzo ya miyalu,

Biyiriki bya Bantumu 19:21

Mamo bu mayirima, Pawulo wabaka kitsimi mu kutaba Makedonya na Akaya mu kweende ku Yerusalemi. Nde waleele: "Bu nyiyisika kukwo, bwayelemene ti me mono Loma."

Biyiriki bya Bantumu 9:13

Ananya wabvutula ti: "Mfumu, baatu balaka badzoonsiri me mu muutu wu, nde wayirika mamabi malaka kuri bangisi baaku ku Yerusalemi.

1 Kol 16:15

Me nyilusyaamisa bampaangi: beenu luyaa kuri ti baatu ba mu nzo Estefana, ngo batete bayiingiri madyeele mu Akaya; na bo bayekele manyutu mu kisalu kya bangisi.

1 Kol 16:5

Me sa nyiisa kuri beenu ha nyilutila ku Makedonya; bukuri me ku Makedonya nyilutila.

2 Kol 1:16

Tumi nyisikaa kuri beenu, nyeende ku Makedonya, na nyisikaa ku Makedonya mbweese kwiisa kuri beenu, na beenu lumbakisa mu kunamitina budyeengi bwaami, ku Yudaya.

2 Kol 11:9

Ha nyaba kuri beenu, bu nyaba na nzala lubakusu, me nyasii diila muutu manene ko; ngo me nyataambula lubakusu kuri bampaangi bafumini ku Makedonya; mu myominso me nyabisiri kuri ti beenu lumbuungula, na sa nyanamitina kubisa ntoono yiyo.

2 Kol 2:13

ngo mpeeve me yaba yahele na kidzuunu, bukuri nyasii mono Tito mpaangi yaami ko, hango, me nsiisaana bari ku Torowasi, ha nyeki kweendaana ku Makedonya.

2 Kol 7:5

Mukwongo, beetu tutubukaana ku Makedonya, twasii baka ntaangu ya kuwuumisa manyutu meetu ko, ngo kasi, kwokunso mpasi na mpasi; nwaanunu ku mbasi, boomo kunsa mitima.

2 Kol 9:12

bukuri kisalu kikyo kya ntolulu bikabu, kari lunu lubakusu kiha kuri bangisi ko, ngo se kisa kuri ti, baatu babvutula matoondo malaka kuri Nzaambi.

2 Kol 9:2

Mukwongo, me nyaari kifiki kya beenu, na mu kyo me nyiri na kimweese mu beenu kuri bari Makedonya. Bari ku Akaya beki bayirima kuholosono mubvu wayooko, na kuheme kwa beenu kwaheeri nsyamusunu kuri balaka mu bo.

2 Kol 9:4

mu kubata kuri ti, mu nsiitu dza bubwo beetu tufwa nsoni, mu kuhele kuleele ti beenu lufwa nsoni, mbuti heki bari Makedonya biisaana kintwaari na me, bamwii kuri ti beenu lwahele kuyirima.

Mukaanda kuri bari Filipo 4:15

Beenu bari Filipo luyaari se ti, mu mbandukulu Musamu Wamubwete, me manaa kupala mu nsi ya Makedonya, kwasii ba dibuundu ti dimosi ko, dyatolo mboongo na dyapalisa mboongo mu me, mbuti ka beenu kitsu ko.

1 Tes 1:7

Mu didyo, beenu lwayeki kifwaani kuri bobanso basiila kanyi, bari ku Makedonya na bari ku Akaya.

1 Tes 1:8

Bukuri, kuholosono kuri beenu, kari mani Maampu ma Mfumu mayukukuna, mu Makedonya na mu Akaya ko, ngo kanyi dyeenu mu Nzaambi se dyayabakana mwomunso, kuri lo beetu twahele kubweese kwaandi ti kudidzonsolo.

1 Tes 4:10

Bubwo se beenu luri mu kuyirikaana kuri bampaangi bobanso bari ku Makedonya, ngo beetu tulusyaamisa bampaangi, mu kubweese kutoombolo kiteesu,

1 Tim 1:3

Bunu bu nyabee kuleele, ha nyabee kweende me ku Makedonya, dzakala ku Efeso, mpisi heki wedika babamosi, yaa beyikisa nyikusulu dzikimi ko,

Film 1:5

bu nkooyukaana badzoonsolo mu ntiilu na kanyi bi wuri na byo mu Mfumu Yesu, na mu ntoono bangisi bobanso,