Mukaanda kuri bari Loma 15:18 - Musamu Wamubwete 2013

¹⁸ Mukwongo, mbuti me nyitsiitsa kudzoonso, lo mu mya yirikiri Kiristo mu me, mu kuri ti makaanda matumuma, mu maampu na mu biyiriki,

Mukaanda kuri bari Loma 15:18 ပူးပေါင်းရင်းမြစ်များ

Musamu wamubwete watina Matayi 25:16

Hanaho, kisari kyataambiri bitalanta bitaanu wayende kweebisalila, na wabaka bitaanu bikimi.

Musamu wamubwete watina Malako 16:20

Bayiki bayende mu kweyaabisa Musamu Wamubwete mwomunso. Mfumu waba kwesala na bo, na kwetswiikisa maampu mu bidiimbu.]

Biyiriki bya Bantumu 14:27

Bu batubuka, bakutukisa dibuundu, bayaabisa momanso ma yirikiri Nzaambi kintwaari na bo, mu kudzibukila bangooyi mweelu wa kanyi.

Biyiriki bya Bantumu 15:12

Mpuumbu yoyinso yawura, yiyuka Barnaba na Pawulo bari mu kuyaabisa momanso mari mu kweyirika Nzaambi, bidiimbu na bimaangu ha kakati dya bangooyi mu kisalu kya bo.

Biyiriki bya Bantumu 15:4

Bu batubuka ku Yerusalemi, dibuundu, bantumu na bakulu ba babakala bababwaana, baleele momanso mari mu kweyirika Nzaambi mu bo.

Biyiriki bya Bantumu 21:19

Bu kabaha mamboto, wabeke kubayaabisa musamu mosi-mosi, mu myayirikiri Nzaambi, mu kisalu kya nde, ha kakati dya bangooyi.

Biyiriki bya Bantumu 26:20

Kubaandukila kuri bari ku Damasiko, tumi bari ku Yerusalemi, nkoonsi yoyinso ya Yudaya, na kuri bangooyi, nyayikisa ti bayiinga madyeele, na babvutuka kuri Nzaambi, na basalila biyiriki byayelemene na nyiingulu madyeele.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 16:26

Mpaanu dzidzo dzamonokono mu lumalu, mu matinu ma babikiri, mu lutumu lwa Nzaambi yahele mbandukulu na manunu, mu kuri ti makaanda momanso mabaka nyaabulu na matumuma mu kanyi.

Mukaanda kuri bari Loma 6:17

Matoondo kuri Nzaambi, bukuri beenu lwaba bankutu ba masumu, ngo kasi lumwaataambukila mu mutima ndemunso, kiteesu kya nyikusulu dzi bari baluha.

2 Kol 11:31

Nzaambi, Taayi dya Mfumu Yesu, nde wasakumunu mu mibvu ngo mibvu, yaari kuri ti me nyahele kusa mpya.

2 Kol 12:6

Mukwongo, mbuti me ngo mbeeri nyatya kusa kimweese, nkani me nketi kuba kilawuku ko, bukuri ngwanwa me nyileele. Me nyibisa kwaami mu kubata kuri ti, baatu bahele kumono me, mu kiteesu kibvuriri na mimyo mi bamono mu me, bunu pe mi bayuka kuri me.

2 Kol 3:5

Ka kuri ti lo tuyirikiri kitotolo mu makwa ma beetu-meene ko, ngo makwa meetu mafumunaa kuri Nzaambi,

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Ngalatya 2:8

Bukuri wunde wasariri mu Petelo, kuri ti kaba ntumu kuri bateende bubakala, wasariri se mu me, kuri ti me mba ntumu kuri makaanda.

Mukaanda kuri bari Kolosayi 3:17

Na momanso ma lutsiitsa kuyirika mu nzoonsulu, bunu pe mu biyiriki, yirikilee momanso mu nkuumbu ya Mfumu Yesu, mu mvutukulu matoondo mu nde, kuri Taata Nzaambi.

2 Tes 2:17

kaboondo mitima myeenu, na kalukumisa mu biyiriki byobinso, na mu nzoonsulu dzadzibwete.

Mukaanda kuri Bahebeleho 11:8

Mu kanyi, Abalaami katumumini mu mbila yi kayukiri, mu kweende ku nsi yi kaba kayelemene kutaambula bunu saala, na wayende kwahele kuyaaba ku kaba kweende.

Mukaanda kuri Bahebeleho 5:9

Bu kakukisa kiteesu kyaandi, nde wayeki, wunde wuhaanaa mvuukulu ya mantaangu momanso, kuri bobanso bamutambukilaa.

Mukaanda wa Yakobo 1:22

Beenee bakwesalila maampu, nkani ka bani bakwemayuka ko, bakwewunukuna bo-meene.

1 Yow 3:18

Mwaa-baala, yaa twetiilee mu bini bibori ko; ngo twetiilee mu biyiriki na mu ngwanwa.

Mukaanda Yuda 1:9

Ngo kasi, Mikaheli mbasi ya yikuutu, ha baba kalakanaa bo na dyabulu, mu kukaangina nyutu Moose, kasii tya kumuteesele mya nsaanunu ko, ngo nde bu kamuleeriri ti: "Mfumu kakuseembe!"