Mukaanda kuri bari Loma 15:14 - Musamu Wamubwete 2013

¹⁴ Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

Mukaanda kuri bari Loma 15:14 ပူးပေါင်းရင်းမြစ်များ

1 Kol 1:5

bukuri mu nde, beenu lwayeki bisina mu momanso, mu maampu momanso na mu nyaabulu yoyinso.

1 Kol 12:8

Mukwongo, kuri wamosi Mpeeve waha maampu ma madyeele, kuri wakaka maampu ma nyaabulu bu tiiri Mpeeve yiniyo,

1 Kol 13:2

Mbuti me nyiri na kikabu kya kubikula, nyikwebakula mpaanu dzodzinso, nyiri na nyaabulu yoyinso, na nyiri na kanyi dyodinso kuri lo, nyinaanguna na milaandu, ngo nyahele na ntiilu, lo me nyiri wabuunu.

1 Kol 8:1

Mu musamu wutariri toongo twaha mu kikabu kuri biteki, tuyaari kuri ti beetu-banso turi na nyaabulu, ngo nyaabulu yihaanaa masiiku, kasi ntiilu yihaanaa ntuungulu.

1 Kol 8:10

Bukuri, mbuti muutu wumono ye wuri na nyaabulu, wuri mu kudya mu nzo yi basaambilaa biteki, buri lo nsimunu nde yiri na buyonsi, yahele kumutwaalisa mu kudya toongo twaha mu kikabu kuri biteki?

1 Kol 8:7

Kasi nyaabulu yahele mu bobanso, babamosi bakiri bayuku mu kwesaambila biteki natee lumalu, bakwedya toongo mu kitsimi kiri ti, twaha mu kikabu kuri biteki, na nsimunu bo yiri na buyonsi, yasumuka.

2 Kol 8:7

Ngo bukuri beenu luri na byobinso byabuukula: kanyi, lungweensu, nyaabulu, kuheme mu myominso, na ntiilu yi luri na yo mu beetu; lo beenee se babuukula mu bweese bubwo.

Mukaanda kuri bari Efeso 5:9

Mukwongo, kimbutu kya buungi kiri mu nyirikulu momanso ma mbweeyulu, ma nsungumunu, na ma ngwanwa.

Mukaanda kuri bari Filipo 1:11

na luba lwaluula mu biyiriki bya nsungumunu bifumunaana mu Yesu Kiristo, mu nkeembu na ndumusu bya Nzaambi.

Mukaanda kuri bari Filipo 1:7

Buri bwa yelemene ti, me nyetsima ma bubwo mu beenu-banso, bukuri me nyalusuusa mu mutima waami. Ti hayuku me nyiri mu boroko, nyiri mu kukalala nyutu, na nyiri mu kusyaamisa Musamu Wamubwete, lo beenu-banso luri kintwaari mu bweese bwa me.

Mukaanda kuri bari Kolosayi 3:16

Hemese maampu ma Kiristo madzakala mu beenu mu busina. Mu madyeele momanso, yikisineenu na lubusineenu beenu na beenu, mu mikuunga mya ndoombulu, mya ndumusu na mya kimpeeve. Yimbikilee Nzaambi mikuunga mya matoondo mu mitima myeenu.

1 Tes 5:11

Hango-nkuumbu, syamisineenu beenu na beenu, na tuungusineenu beenu na beenu bunu bu luri mu kwesalila.

1 Tes 5:14

Beetu tulusyaamisa, bampaangi: seembeenu babo bari kunsa kisaangila, syaamiseenu bari na boomo, kumiseenu bari na bubolo, beeneenu na nkindusulu-mutima mu bobanso.

2 Tes 1:11

Hango-nkuumbu, beetu tunamitina kusaambila mu beenu, mpisi heki Nzaambi yeetu kamono ti, beenu lwayelemene na mbila yi kari kaluteele, na mu mpinu dzaandi kakukisa nzala yoyinso yakuyirika mamabwe yiri mu beenu, na kisalu kya kanyi.

2 Tim 1:5

Me nyibaambuka mwooyo mu kanyi dyangwanwa diri mu ye, kanyi didyo dyatekisiri kuba mu Lowisi, mwankaaka yaaku ya mukyeetu, na mu nguri yaaku Enike, me nyirikiri kuyaaba ti diri mu ye se.

Film 1:21

Mu nsiitu mu bintambukulu bya ye, me nyikutinini bu nyaari ti, sa yirika mabvuriri kiteesu ti na ma nyikuleeriri.

Mukaanda kuri Bahebeleho 5:12

Beenu nkani lwayeki bayikisi na kidzika, kasi beenu, kubweese kusaka ti nkani muutu kaluyikisa misamu, nkati mya mbandukulu mya maampu ma Nzaambi, na lweki mu kiteesu kya kutya beene, nkani ka byandya byakuba ko.

Mukaanda kuri Bahebeleho 6:9

Ngo banduku ba mutima, ti bukuri turi mu kudzoonsolo bubwo, beetu tuyirikiri kuyaaba mu mitariri beenu, ti luri mu kiteesu kibvuriri bubwete, na lwakwaata mvuukulu.

2 Pet 1:12

Hango-nkuumbu, me nyelemini kwelubaambula mwooyo mu misamu mimyo mpisi ntaangu, ti bukuri lumiyaari kwaandi, na lwayeki lwakaangama mu ngwanwa ya lumalu.

1 Yow 2:21

Me nyalutinini kari bukuri ti beenu lwahele kuyaaba ngwanwa ko, ngo bukuri beenu luyiyaari, na bukuri kuri mpya ti dzimosi ko, dzifumunaa kunsa ngwanwa.