Mukaanda kuri bari Loma 14:8 - Musamu Wamubwete 2013

⁸ Bukuri, mbuti turi bamwooyo, lo turi bamwooyo mu ntoono Mfumu; na mbuti tufwiiri, lo mu ntoono Mfumu tufwiila. Ngo ti hayuku turi bamwooyo, ti hayuku turi bafwa, lo turi baatu ba Mfumu.

Mukaanda kuri bari Loma 14:8 ပူးပေါင်းရင်းမြစ်များ

Musamu wamubwete watina Luka 20:38

Nzaambi kari Nzaambi ya bafwa ko, ngo ya bamwooyo, bukuri bobanso bari mwooyo mu nde.»

Musamu wamubwete watina Yowane 21:19

Nde waleele mamo, mu kusoongo mu nkya mfwiilu nde kakeembesele Nzaambi. Bu kamana kudzoonso mamo, waleele kuri nde ti: «Nama me!»

Biyiriki bya Bantumu 13:36

Davidi ha mambisa ma kusalila mya tiri Nzaambi, mu ntaangu yaandi, nde wafwa na bamusuusa ha pele bataayi baandi, na nde wamono mbolulu.

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 21:13

Haho, Pawulo wabvutula ti: "Nki luri mu kusa mu kudiila na mu kutabula me mutima? Me nyayirima, kari mu kunu kuri ti bankaanga bikonyi ko, ngo na mu kufwa ku Yerusalemi mu nkuumbu ya Mfumu Yesu."

1 Kol 15:23

ngo muutu-muutu ha kibeendu kyaandi, Kiristo ngo watete, tumi bari mu Kiristo, mu ntaangu ya nyisulu yaandi.

Mukaanda kuri bari Filipo 1:20

Bunu buri ma nyiri mu kwekiinga, na ma nyiri nyasiila nsiitu, me ka nyiba na nsoni mu ntoono ti mosi ko. Ngo kasi mu nsiitu dzodzinso, bunu mu mpisi ntaangu na mu lumalu, Kiristo sa kaba wakeembese mu nyutu yaami, mu kidziingu kyaami bunu pe mu lufwa lwaami.

Mukaanda kuri bari Filipo 2:17

Ngo ti hayuku makila ma me bamayitiri ha yulu kikabu kya kuha kuri Nzaambi, mu kisalu kya kanyi dya beenu, lo me nyimono kiminu, nyimono kiminu ha kimosi na beenu-banso.

Mukaanda kuri bari Filipo 2:30

bukuri mu kisalu kya Kiristo, nde kakokosirye bebele na lufwa, na kakotisirye kidziingu kyaandi mu mpasi, mpisi kasalila me, ha kibeendu kya beenu.

1 Tes 5:10

Nde wafwa mu ntoono beetu, mpisi heki, ti hayuku turi naana ti hayuku twabwa tolo, lo tubeeneenu mwooyo kintwaari na nde.

Nyabusulu ya Yowane 14:13

Me nyayuka mbeembu mosi yafumuna ku yulu yileele: «Tina: "Kiminu kuri babo bafwa, bafwiila mu Mfumu, kubaandika lumalu!" – "Heehe, buleele Mpeeve, bo bawuumaa mu bisalu bya bo, bukuri biyiriki bya bo bikwebanama!"»