Mukaanda kuri bari Loma 14:18 - Musamu Wamubwete 2013

¹⁸ Wunde wusalila Kiristo mu kiteesu kikyo, lo wabweeye kuri Nzaambi, na wataambulu kuri baatu.

Mukaanda kuri bari Loma 14:18 ပူးပေါင်းရင်းမြစ်များ

Musamu wamubwete watina Malako 13:34

Sa dyaba bunu muutu weensi ku budyeengi, siisiri nzo yaandi, heeri lutumu kuri bisari byaandi, muutu-muutu na kisalu kyaandi, na kuri mukebi-mweelu wumutumini mu kuba naana.

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Biyiriki bya Bantumu 10:35

ngo mu mpisi kaanda, wunde wumubvumina na wusalila nsungumunu, lo wabweeye kuri nde.

Mukaanda kuri bari Loma 12:11

Beenee na kuheme nkani ka bulyeebu ko, salilee Mfumu mu mpeeve ya bumfifu.

Mukaanda kuri bari Loma 14:4

Ye na wuri, mu kutsuundisa kisari kya ŋani? Kaba wateleme bunu pe wabwa, lo mitariri mfumu yaandi. Ngo sa kaba wateleme, bukuri Mfumu wuri na lutumu mu kumutelemese.

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

Mukaanda kuri bari Loma 6:22

Ngo kasi mu lumalu, bu bamwaalukuula mu masumu, lweki bankutu ba Nzaambi, na luri na bimbutu mu mbakulu bungisi. Manunu ya byo, ngo kidziingu kyahele manunu.

1 Kol 7:22

Mukwongo, nkutu yataambula mbila mu Mfumu, muutu wakuuluka wuri wa Mfumu; bwobumosi se, muutu wuri bunsaalisi wataambula mbila, nkutu Kiristo kari.

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

2 Kol 5:11

Ngo bu tuyaari buri kibvumi kya mfumu, beetu tusakaana kuri ti baatu babakula dyo. Nzaambi wutuyaari nkati kwafwaana; na me nsimini ti mu mitima myeenu beenu se luyaari kwafwaana.

2 Kol 5:9

Hango-nkuumbu, beetu di tutiiri mu kubweeye kuri nde, ti tuba mu nyutu yi, bunu pe tupala mu yo.

2 Kol 6:4

Ngo kasi mu myominso, beetu tutiiri kumonokono beetu-meene bunu bisari bya Nzaambi, kunsa kifiki kyalaka, mu mpasi, mu manyoongi, mu kinkuukulu,

2 Kol 8:21

bukuri beetu tutiiri kuyirika mamabwe, kari hani ha busu bwa Mfumu ko, ngo se na ha busu bwa baatu.

Mukaanda kuri bari Filipo 4:18

Me nyataambula byobinso, na nyiri na byabuukula, me nyaluula bu nyataamburi bi lwampeekiri kuri Epaforodito, biri bunu mananaasi ma mfuku yayibwete, kikabu kya kudzusa kyataambulu na kyabweeye kuri Nzaambi.

Mukaanda kuri bari Filipo 4:8

Mu misiiri ngo miri bampaangi, myominso miri myangwanwa, myominso myalukiinsu, myominso myasuunguma, myominso myatsyeemeke, myominso mi batiiri, myominso myamibwe mu kuleele, na mbuti kuri manzelu mamabwete, na myayelemene kusiika, lo tsiminee myominso mimyo.

Mukaanda kuri bari Kolosayi 3:24

bu luyaari ti, sa lwataambula kuri Mfumu museendu ngo saala. Beenee bakwesalila Mfumu Kiristo.

1 Tim 2:3

Mamo mari mamabwete na ma kiminu ha busu bwa Nzaambi mubvuukisi weetu,

1 Tim 5:4

Mbuti mufwiiri wuri na baala bunu pe bateekulu, lo batekesele kuyika bwa kusalila kinzaambi mu nzo ya bo-meene, na mamo ma bayelemini kuyirika kuri bataayi na banguri, bukuri mimyo myabweeye ha busu bwa Nzaambi.

1 Pet 2:12

Beenee na ndyaatulu yayibwete ha kakati dya bangooyi, mpisi heki ti hayuku bakwelufutukila misamu, bunu bayiriki ba mamabi, lo bo bamono biyiriki byeenu byabibwe, na bakeembise Nzaambi mu kiluumbu ki kakwiisa kulumono.

1 Pet 2:20

Mukwongo, nkya mvuumfu yiri, mbuti beenu lukuunda nseembulu, dza mamabi ma luyirikiri? Ngo mbuti luyirika mamabwe na lukuundiri mpasi, lo bubwo bweese ha busu bwa Nzaambi.

1 Pet 2:5

na beenu-meene se, bunu matari mamwooyo, beene batuunguma mu nzo ya kimpeeve, mu kuyirika kingaanga kyangisi, mu kuha bikabu byayoku byakimpeeve, byataambulu kuri Nzaambi mu Yesu Kiristo.

1 Pet 3:16

ngo diba mu bundeembu, mu kibvumi, na mu bitsimi byabibwete, mpisi heki mu ntoono yi bari mu kulusaanina, babo balusaana bafwa nsoni, mu kumono mu ndyaatulu yeenu yayibwete mu Kiristo.