Mukaanda kuri bari Loma 13:7 - Musamu Wamubwete 2013

⁷ Bvutuleenu kuri bobanso bi bari na miswa: mpaku kuri wu luyelemini kufuta mpaku; mukesu kuri wu luyelemini kufuta mukesu; kibvumi kuri wu luyelemini kubvumina; lukiinsu kuri wu luyelemini kukiinsa.

Mukaanda kuri bari Loma 13:7 ပူးပေါင်းရင်းမြစ်များ

Musamu wamubwete watina Matayi 17:25

Nde wabvutula ti: «Bunubwo.» Petelo bu kabvutuka ku nzo, Yesu watekesele kudzoonso kuri nde, waleele ti: «Simoni, nki ye wuri mu kutsima? Bambyaasi ba nsi, kuri ba nani bakooloombaa mikesu na mpaku? Kuri baala ba bo-meene, hoti kuri baatu bakimi?»

Musamu wamubwete watina Matayi 22:21

Bo babvutula kuri nde ti: «Bya Kayisari», haho nde kaleele kuri bo ti: «Hango, bvutulee bya Kayisari, kuri Kayisari, bya Nzaambi kuri Nzaambi.»

Musamu wamubwete watina Malako 12:17

Haho, Yesu wabaleele ti: «Bya Kayisari, bvutulee kuri Kayisari; na bya Nzaambi kuri Nzaambi.» Bo bamono nkimukunu mu nde.

Musamu wamubwete watina Luka 20:22

Buri beetu turi na miswa, mu kufuta mpaku kuri Kayisari hoti pele?»

Musamu wamubwete watina Luka 20:25

Yesu waleele kuri bo ti: «Hango-nkuumbu, bvutuleenu bya Kayisari kuri Kayisari, na bya Nzaambi kuri Nzaambi.»

Musamu wamubwete watina Luka 23:2

Babeke mu kumufuunda baleele ti: «Beetu twatangusini muutu wumawu kuri wusa kisaangila mu nsi yeetu. Nde wukwedika baatu ti yaa bafuta mpaku kuri Kayisari ko; na wukweleele ti nde ngo Kiristo, mbyaasi.»

Mukaanda kuri bari Loma 12:10

Mu mitariri ntiilu ya kimpaangi, beenee na bundeembu beenu na beenu, silisineenu bukwa beenu na beenu kunsa lukiinsu.

Mukaanda kuri bari Loma 13:6

Mu ntoono yiyo se, beenu lukoofutaa mpaku; bukuri bo se bari mu kisalu kya Nzaambi, na bakaangama mu kisalu kikyo.

Mukaanda kuri bari Efeso 5:33

Ngo kasi mitariri se mosi-mosi mu beenu, mpisi muutu mu beenu katya mukasi wa nde-meene, bu katiiriri nyutu ya nde-meene; na mukasi kabvumina mulumi.

Mukaanda kuri bari Efeso 6:5

Bankutu, tumumeenu kuri bamfumu beenu ba muswinyi, mu kibvumi na mu ntekutulu, kunsa nkulukulu mutima, bunu ti kuri Kiristo.

1 Tim 5:13

Ha yulu haho se, bilyeebe bari, bo misamu kweyaabila mu kweyende kyaatu-kyaatu mu manzo ma baatu; ngo kari bini bilyeebe bari ko, kasi bangaa-lusuku na bangaa-kintori se, bakweleele myahele kuyelemene.

1 Tim 5:17

Bakulu ba babakala bari mu kwetwaalisa kwa kubwete, bayelemini kutaambula lukiinsu lwa biteesu byoolo, mbiki ti bakwemono mpasi mu maampu na mu nyikusulu.

1 Tim 6:1

Bobanso bari mu kihaangu kya bunkutu, bahololo bamfumu baaku mu lukiinsu lwolunso, mpisi heki nkuumbu Nzaambi na nyikusulu bihele kuba byasaanu.

1 Pet 3:7

Balumi se bwobumosi, dzakaleenu mu kintwaari kunsa nyukusunu, bunu bu luyaabiri buyonsi bwa kitsuumbu kya bakyeetu. Bakiinseenu, bukuri bo se bari bakoondiri ba saala dya bweese bwa kidziingu. Yirikee bubwo, mpisi heki nsaambulu dzeenu dzihele kuba dzakakusulu.