Mukaanda kuri bari Loma 13:1 - Musamu Wamubwete 2013

¹ Mpisi muutu kaba watumuma kuri batumi ba kikuutu. Bukuri kwahele lutumu, mbuti kari lwafumuna kuri Nzaambi ko. Ntumu dzodzinso Nzaambi wadzisuusa.

Mukaanda kuri bari Loma 13:1 ပူးပေါင်းရင်းမြစ်များ

Musamu wamubwete watina Matayi 6:13

Yaa tunata mu nsindukulu ko; ngo ye tukuula kuri Ngaa-bubi."»

Musamu wamubwete watina Yowane 19:11

Yesu wabvutula [kuri nde] ti: «Ye wuri na lutumu ti lumosi ha yulu me ko, mbuti bahele kukuha lwo ku mayulu. Hango nkuumbu, wunde wuyekiri me kuri ye, wuri na sumu dibvuriri bunene.»

Biyiriki bya Bantumu 2:41

Hango, bo bu bataambula maampu maandi, bababotoko, na mu kiluumbu kikyo, kampe mafuunda matatu ma baatu mayikimini.

Mukaanda kuri bari Loma 12:21

Yaa tala ko ti mamabi makubwiisa, ngo ye bwiisa mamabi mu mamabwe.

Mukaanda kuri bari Loma 13:2

Hango, wunde wutungukila lutumu, lo telemisi kitaatu kuri lutumu lwa Nzaambi; na babo bangaa-tungu sa babwa mu mutsuundu bo-meene.

Mukaanda kuri bari Efeso 5:21

Yende lwetumuma bamosi kuri bakaka, mu kibvumi kya Kiristo.

1 Tim 2:2

mu bambyaasi, na mu bobanso bari na lutumu, mpisi tubeeneenu na kidziingu kya mpolo na kidzuunu, kunsa kinzaambi kyokinso na lukiinsu lwolunso.

Mukaanda kuri Tito 3:1

Baambula mwooyo kuri bo ti, bayelemini kuba batumuma kuri baatu balukiinsu na kuri bari na lutumu; baba na bintambukulu, na baba bayirima mu mpisi kiyiriki kyakibwete.

Mukaanda Yuda 1:8

Baatu bamaba se bwobumosi, bakwesa biwobiri, hamosi bakwesumuna manyutu, hakaka bakwenyaafuna lutumu, na bakwesaana bambasi bankeembu.

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

Nyabusulu ya Yowane 17:14

Bo sa basa mudziingu kuri Mwaana kimeeme; na Mwaana kimeeme sa kababwiisa, bukuri nde wuri Mfumu ya bamfumu, Mbyaasi ya bambyaasi. Nde sa kababwiisa mu kintwaari na ba kari kateele mbila, ba kari kasoolo na bakwiikama mu nde.»

Nyabusulu ya Yowane 19:16

Mu kiyuungu na mu kito kyaandi mwatina nkuumbu ti: «Mbyaasi ya bambyaasi, Mfumu ya bamfumu».