Mukaanda kuri bari Loma 12:9 - Musamu Wamubwete 2013

⁹ Ntiilu yiba yahele na bumpitu-bumpyoongo. Yitikee mamabi, kaangamee mu mamabwe.

Mukaanda kuri bari Loma 12:9 ပူးပေါင်းရင်းမြစ်များ

Musamu wamubwete watina Matayi 26:49

Hanaho, Yuda bu kakokosolo kuri Yesu, waleele ti: «Mboto Muyikisi!» Na wamunyumutina.

Musamu wamubwete watina Yowane 12:6

Nde mamo kuleele, kari bukuri waba na musoongo mu bawelu ko, ngo bukuri waba ngaa-kwiibi, na nde waba kwekebaana nkangala mboongo, na bukuri waba holaana bi basokaa mumwo.

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

2 Kol 6:6

mu nsyemukunu, mu nyaabulu, mu nkindusulu-mutima, mu mbweeyulu-mutima, mu Mpeeve Yangisi, mu ntiilu yahele bumpitu-bumpyoongo,

2 Kol 8:8

Me nyahele kuluha lutumu, kasi me nyiludzoonsolo mu kuheme kya bambaasi, mu kuri ti beenu se lusoongo bungwanwa bwa ntiilu yeenu.

1 Tes 2:3

Mukwongo, nyikusulu dza beetu ka dziri dza nzimbusulu ko, dza nsumukunu bunu pe dza mawunu ko.

1 Tes 5:15

Taleenu yaa kuba muutu wubvutula bubi mu bubi ko, ngo namitineenu kweyirika mamabwete, ha kakati dya beenu na beenu na kuri bobanso.

1 Tes 5:21

ngo fyongokineenu myominso, lukebe myamibwete.

1 Tim 1:5

Mufunu ntumunu yimayi, wuri mu kuri ti luba na ntiilu yifumunaa mu mutima watsyeemeke, nsimunu yayibwete, na kanyi dyahele bumpitu-bumpyoongo.

Mukaanda kuri Bahebeleho 1:9

Ye watya nsungumunu, na wabele bubayi, mu didyo Nzaambi, Nzaambi yaaku, kari ka kukila maasi ma kiminu, na kubvula kutya ye ti na bambaasi baaku.»

Mukaanda kuri Bahebeleho 12:14

Namitinee kwesa kiyeengi na bobanso, na kweba kunsa bungisi, buri, mbuti buheriri, lo kuri muutu ti mosi ko wumono Mfumu.

Mukaanda wa Yakobo 3:17

Ngo kasi madyeele ma ku yulu, hatete mari nkati matsyeemeke, tumi ma kiyeengi, madzuuna, matumuma, maluula mu ngebe na mu bimbutu byabibwete, mahele na munsoori na mahele na bumpitu-bumpyoongo.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".