Mukaanda kuri bari Loma 12:8 - Musamu Wamubwete 2013

⁸ mbuti musyaamisi, lo mu nsyamusunu; mukabiri, lo kaheele mu mutima-kikabu; mutwaalisi, lo katwaalisila mu kuheme; ngaa-ngebe, lo kasalila mu kiminu.

Mukaanda kuri bari Loma 12:8 ပူးပေါင်းရင်းမြစ်များ

Musamu wamubwete watina Matayi 25:40

Mbyaasi sa kabvutula, sa kaleele kuri bo ti: "Mu ngwanwa me nyiluleele ti: Mamo ma lwayirikiri kuri mosi, mu bampaangi bamaba, babvuriri buntele, lo kuri me lwayirikiri."»

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

Biyiriki bya Bantumu 13:12

Hango ngoforo, bu kamwiini myayirimini, wasa kanyi mu nyikusulu dza Mfumu.

Biyiriki bya Bantumu 13:15

Ha mambisa ma ntaangulu mangisi na babikiri, bamfumu ba nzo-nkutukunu baleele kuri bo ti: "Bampaangi, mbuti luri na dyaambu dya mboondulu dya kudzoonsolo kuri baatu, lo dzoonsee kweenu."

Biyiriki bya Bantumu 15:32

Yuda na Sila, bu baba bo-meene babikiri, bo basyaamisa bampaangi na babakumisa mu dzoonsolo dzalaka.

Biyiriki bya Bantumu 20:2

Bu kaba kwetaba mankoonsi mamo, nde wabasyaamisa mu maampu malaka, watubuka ku nsi ya Bahelene,

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 4:36

Yosefi, wubaluka Barnaba kuri bantumu, mambangukulu ti mwaana wa mboondulu, mosi mu kisari kya mu Nzo-nzaambi, wafuma ku Kiporo,

Mukaanda kuri bari Loma 12:13

Bakisee bangisi mu manzala maaku, namitinee mu ntambukulu banzeense.

Mukaanda kuri bari Loma 13:6

Mu ntoono yiyo se, beenu lukoofutaa mpaku; bukuri bo se bari mu kisalu kya Nzaambi, na bakaangama mu kisalu kikyo.

1 Kol 12:28

Mu dibuundu, Nzaambi bakasuusiri, dyatete bantumu, dyamoolo babikiri, dyamatatu bayikisi, tumi bangaa-bimaangu, bari na bikabu bya kutsinikisa babeeru, bya kubakisa baatu, bya kutwaalisa, bya mandiinga ma bitsuumbu-bitsuumbu.

1 Kol 14:3

Ngo wunde wubikula, wudzoonsaa kuri baatu misamu mya ntuungulu, mya nsyamusunu, na mya nkumusunu.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 11:3

Ngo bunu bwaba wuna nyoko Eva mu lupyelu lwaandi, me nyibata ti bitsimi bibiya na biba la na nkulukulu na nsyemukunu ha busu bwa Kiristo.

2 Kol 8:12

Bukuri mbuti bitsimi biri byabibwete, lo bataamburi kikabu, bunu buri bi tubakiri nkani ka mu bi tuheriri kubaka ko.

2 Kol 9:11

Beenu sa lwaba bisina mu myominso, mpisi lweha bikabu bya bitsuumbu-bitsuumbu, bisa kuri ti mu kisalu kya beetu, baatu babvutula matoondo kuri Nzaambi;

2 Kol 9:13

Bamonaa bubwe bwa kisalu kikyo, bo sa bakeembese Nzaambi, mu ntoono kutumuma ku luri mu kusoongo beenu, mu Musamu Wamubwete wa Kiristo, na mu kukabula lubakusu lweenu kintwaari na bo, na baatu bobanso.

2 Kol 9:7

Mpisi muutu kaha bunu bu kari katsima kunsa mutima waandi, kwahele nyoongunu bunu pe mu kukwiikisa; bukuri Nzaambi tiiri wunde wuhaanaa mu kiminu.

Mukaanda kuri bari Efeso 6:5

Bankutu, tumumeenu kuri bamfumu beenu ba muswinyi, mu kibvumi na mu ntekutulu, kunsa nkulukulu mutima, bunu ti kuri Kiristo.

Mukaanda kuri bari Kolosayi 3:22

Bankutu, tambukilee mu momanso, kuri bamfumu beenu ba muswinyi, kari hani ha busu bwa bo ko, mu nzala kubweeye kuri baatu, ngo mu nkulukulu na mu kibvumi kya Mfumu.

1 Tes 2:3

Mukwongo, nyikusulu dza beetu ka dziri dza nzimbusulu ko, dza nsumukunu bunu pe dza mawunu ko.

1 Tes 2:8

Mu musoongo wu turi na nde mu beenu, beetu turi na kiminu mu kuluha, kari wunu Musamu Wamubwete wa Nzaambi ko, ngo na kidziingu kya beetu-meene se, bukuri beenu luri bampaangi ba mutima.

1 Tim 4:13

Natee ku nyikwiisa me, sa mutima mu ntaangulu, mu nsyamusunu, na mu nyikusulu.

1 Tim 5:17

Bakulu ba babakala bari mu kwetwaalisa kwa kubwete, bayelemini kutaambula lukiinsu lwa biteesu byoolo, mbiki ti bakwemono mpasi mu maampu na mu nyikusulu.

1 Tim 6:18

Baleele bayirika mamabwete, baba bisina mu biyiriki byabibwete, bangaa-kikabu, baatu bayirima mu kukabula,

Mukaanda kuri Bahebeleho 10:25

Yaa tuyekelee dibuundu dyeetu ko, buri kifu kya babamosi, ngo tusyaamisineenu beetu na beetu, bu tuyaari kuri ti kiluumbu kikokisiri.

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.

Mukaanda kuri Bahebeleho 13:22

Bampaangi, me nyiluloombo ti kuundeenu maampu mamama ma nsyamusunu, bukuri mwaa-myantele me nyiri na myo mya kulutinina.

Mukaanda kuri Bahebeleho 13:24

Heenee mamboto kuri batwaalisi beenu bobanso, na kuri bangisi bobanso. Bampaangi bari Italya ba luheekiri mboto.

Mukaanda kuri Bahebeleho 13:7

Tsiminee babo bakwelutwaalisa, bo baluyaabisa maampu ma Nzaambi. Monee bwaba nsukulu kidziingu kya bo, na namee kifwaani kya kanyi dya bo.