Mukaanda kuri bari Loma 12:3 - Musamu Wamubwete 2013

³ Mukwongo, me nyileele ti, mu bweese bu bari baha kuri me, kuri mpisi muutu mu beenu, mu kuhele kuba na ndyaatulu ya masiiku, yalutila kiteesu, ngo beenee na ndyaatulu ya madyeele, bunu buri kiteesu kya kanyi, dyaha Nzaambi kuri muutu-muutu.

Mukaanda kuri bari Loma 12:3 ပူးပေါင်းရင်းမြစ်များ

Musamu wamubwete watina Luka 18:11

Mufarisi bu kateleme wasaambila kunsa mutima ti: "Ho! Nzaambi, me mvutiri matoondo kuri ye, bukuri me nyahele kuba bunu baatu bakaka bari bangaa-kwiibi, bangaa-bubayi, bangaa-kimpala, bunu pe, buri mutori-mpaku wumawu.

Musamu wamubwete watina Yowane 3:34

Mukwongo, wunde wuri Nzaambi wamuheeke, wuleelaa Maampu ma Nzaambi, bukuri Nzaambi wamuha Mpeeve kwahele bwa kuteesele.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 11:20

Bwabubwete; bimpaala bibyo babitaburi bukuri byahele na kanyi, ngo kasi ye wakangimina mu kanyi. Yaa ba na masiiku ko, ngo ba na boomo.

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

1 Kol 15:10

Mu bweese bwa Nzaambi, me nyiri bu nyiri, na bweese bwaandi ku nyiri me, bwasii ba bwabuunu ko, kasi me nyabvula kusala na bobanso, ngo kari me ko, kasi bweese bwa Nzaambi buri mu me.

1 Kol 3:10

Bunu buri bweese bwa Nzaambi bu kari kampa, me nyatuunga lufulu bunu mutuungi-manzo wamadyeele, ngo muutu mukimi wuri mu kutuunga ha yulu. Ngo mpisi muutu kasa madyeele, mu ntuungulu yi kari mu kutuungula ha yulu.

1 Kol 7:17

Mu myakaka ngo miri, hemese mpisi muutu kaba mu kiteesu kya muha Mfumu, mpisi muutu kadyaatila bunu buri mbila yamuteele Nzaambi. Mamo me nyiri mu kuloombo munsa mabuundu momanso.

2 Kol 10:13

Beetu ngo bari twahele kusa kimweese kwa mansaalisi, ngo beetu kusiila bunu buri kiteesu kya kisalu kya tuha Nzaambi, mu kutubuka natee kuri beenu.

2 Kol 12:13

Mukwongo, nki beenu luri lwabaka biri mwaa-byantele, ti na biri na mabuundu makaka, buti ka kuri ti, me nyahele kuludiila manene ko? Hemesenee me mu bubayi bubwo.

2 Kol 12:7

Mu ntoono manyabusulu mankimukunu. Hango-nkuumbu, mu kuri ti me mpele kuba na masiiku, me bankotoso lunseende mu nyutu, mbasi ya Satana yikwendata, mpisi heki me mpele kuba na masiiku.

Mukaanda kuri bari Ngalatya 6:3

Mukwongo mbuti muutu wutsima ti wuri mufunu, koomosoko wabuunu, lo nde wuwunukinaana.

Mukaanda kuri bari Efeso 3:2

Kampe beenu lwayukiri, bunu buri kisalu kya bweese bwa Nzaambi kibari baha me, mu ntoono beenu.

Mukaanda kuri bari Efeso 3:4

Lumanaa kutaanga, beenu sa lwabakula nkya madyeele me nyiri na mo, mu mitariri mpaanu dza Kiristo,

Mukaanda kuri bari Efeso 4:16

Mu nde nyutu yoyinso yiri yayirima, na yasokomo kwakubwete, mu biyikulu byobinso byayikwaata, bunu buri kisalu kyayelemene na mpisi muutu, na yikwebuuka mu ntuungulu ya yo-meene kunsa ntiilu.

Mukaanda kuri bari Filipo 2:13

bukuri Nzaambi koosalaa mu beenu, na kusa kuri ti, lutya na lusala bunu buri kutya kwaandi kwakubwete.

Mukaanda kuri bari Kolosayi 1:29

Mu bubwo se, me nyiri mu kubama, mu kwenwaana bunu buri makwa maandi, mari mu kwesala mu me, mu mpinu.

Mukaanda kuri bari Kolosayi 2:13

Beenu lwaba lwafwa mu ntoono lumvuki lweenu, na bukuri lwaba lwahele bateende bubakala mu muswinyi weenu, ngo Nzaambi walusa bamwooyo kintwaari na Kiristo, mu kuluhemesene lumvuki lweenu lwolunso.

1 Tim 1:14

Ngo bweese bwa Mfumu yeetu bwabuukila, ha kimosi na kanyi na ntiilu yiri mu Kiristo Yesu.

1 Tim 2:15

Ngo nde sa kaba wabvuuka mu ntoono mbutulu, mbuti namitini kuba mu kanyi, mu ntiilu, na mu bungisi, kunsa nkulukulu.

1 Tim 2:9

Me ntiiri se ti bakyeetu baba na ndwaatulu yayelemene, ya kibvumi na ya soongolo. Yaa babweeye mu mimpandi, mu bitotolo bya woolo bunu pe misaanga, na binkuta bya ntalu yalaka ko,

Mukaanda kuri Tito 2:12

Bwo buri mu kwetuyikisa, mpisi heki bu tubisiri bungooyi na nyiimunu dza nsi, twenata kidziingu kya ntaangu ya lumalu, mu kusokomo, mu nsungumunu na mu kinzaambi,

Mukaanda kuri Tito 2:2

Babakala ba binuni baba na ndiilu na nwiinu byayelemene, baba bakiinsuma, basoongolo, bakuma mu kanyi, mu ntiilu, na mu kifiki.

Mukaanda kuri Tito 2:4

mpisi heki bayikisa bantuumba, bwakutiila balumi na baala,

Mukaanda kuri Tito 2:6

Syaamisa minkuula se bwobumosi, baba basokomo

Mukaanda wa Yakobo 4:6

Nzaambi kootuhaanaa bweese bubvuriri bunene, hango-nkuumbu diri dyaleele ti: "Nzaambi wutungukilaa bangaa-masiiku, ngo kasi wuhaanaa bweese kuri bakuluka".

1 Pet 1:13

Hango-nkuumbu, beeneenu balubuka, beeneenu bari na ndiilu na nwiinu byayelemene, sileenu nsiitu dzodzinso mu bweese bu balutwalikila, mu ntaangu yimonokono Yesu Kiristo.

1 Pet 4:11

Mbuti muutu wudzoonso, lo kadzoonso bunu nde wutubula maampu ma Nzaambi; mbuti muutu wusala, lo kasalila mu makwa ma muha Nzaambi, mpisi heki mu momanso, Nzaambi kaba wakeembusu mu Yesu Kiristo, kuri nde kuri nkeembu na mpinu mu bibvu ngo bibvu! Amene.

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

1 Pet 5:5

Bunubwo se, bituuti, beenee batumuma kuri bakulu ba babakala. Beenu-banso lwaateenu nkulukulu bunu musweele ha busu bwa bambaasi, bukuri: «Nzaambi wutungukilaa bangaa-masiiku, ngo kasi wuhaanaa bweese kuri bakuluka.»

1 Pet 5:8

Beene bangaa-ndiilu na nwiinu byayelemene, beenee naana. Mutaatu weenu dyabulu, wuri mu kwedyengekele bunu nkosi yi kwewuma, yi kwesaka wu kamingutina.

3 Yow 1:9

Me nyatinini mwaa mantoono kuri dibuundu; ngo kasi Dyotelefe, wutiiri kweba watete mu bo, wahele kututaambula.