Mukaanda kuri bari Loma 12:2 - Musamu Wamubwete 2013

² Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

Mukaanda kuri bari Loma 12:2 ပူးပေါင်းရင်းမြစ်များ

Musamu wamubwete watina Matayi 13:22

Wuri bunu butoto buri na manseende, bu bwiiri nsaangi, ngo muutu wuri kayukaa Maampu, ngo minyoongi mya nsi, na mawunu ma busina biswetikisi Maampu, na mo mahele kubuta bimbutu.

Musamu wamubwete watina Malako 4:19

kasi minyoongi mya nsi yi, mawunu ma busina, na nyiimunu dza bitsuumbu-bitsuumbu, bu bikotiri mu bo, biswetikise Maampu, na meki bimbutu kubuta pe.

Musamu wamubwete watina Yowane 14:30

Me ka nyibweese kudzoonso kwalaka na beenu ko, bukuri mutumi nsi wiisiri, ngo nde wahele na lutumu ti lumosi mu me,

Musamu wamubwete watina Yowane 15:19

Mbuti beenu lwaba ba nsi, nkani nsi yaketi kulutya, bukuri beenu lwaketi kuba ba yo. Ngo bukuri, me nyalusooriri na nyalupalisiri mu nsi, na beenu lwahele kubweese kuba baatu ba nsi, mu ntoono yiyo, nsi yiri mu kulubele.

Musamu wamubwete watina Yowane 17:14

Me nyabaheeri maampu ma ye; na nsi yababele, bukuri bo bahele ba nsi, bunu bu nyiri me, nyahele wa nsi.

Musamu wamubwete watina Yowane 7:7

Nsi lo, yibele beenu ko, ngo kasi me lo yimbele, bukuri me nyiri mu kuta kimbaangi ti, biyiriki byaandi byabibi.

Mukaanda kuri bari Loma 12:1

Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.

Mukaanda kuri bari Loma 13:14

ngo kasi lwaateenu Mfumu Yesu Kiristo, na yaa lweyirika ma tiiri muswinyi ko, mu kuhele kuyukutisa nyiimunu.

Mukaanda kuri bari Loma 7:12

Mu didyo, mangisi matsyeemeke, na lutumu lwangisi, lwasuunguma na lwalubwete.

Mukaanda kuri bari Loma 7:14

Beetu tuyaari ti mangisi mari ma kimpeeve, ngo me nyiri na nyutu ya muswinyi, bayeki banyarika kuri masumu.

Mukaanda kuri bari Loma 7:22

Me nyimono kiminu mu mangisi ma Nzaambi, bunu buri muutu wa kunsa-kati.

1 Kol 3:19

Mukwongo, madyeele ma nsi yimayi ngo bulawuku ha busu bwa Nzaambi. Bukuri diri dyatinu ti: «Nzaambi wubakaa bangaa-madyeele mu mweete wabo-meene.»

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

2 Kol 5:17

Hango-nkuumbu, mbuti muutu wuri mu Kiristo, lo nde kiyiriki kyamoono; byabikulu byayeki byaluta, byamoono byayiingina.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Mukaanda kuri bari Efeso 1:18

Hemese Nzaambi katsyeemese mwiinunu yeenu mu mitima, mpisi lubakula nkya nsiitu yiri mu mbila yikari kaluteele, nkya busina bwa nkeembu yiri mu saala dyaandi, ha kakati dya bangisi,

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 5:17

Hango-nkuumbu, yaa luba madzeeke ko, ngo kasi bakuleenu buri kutya kwa Mfumu.

Mukaanda kuri bari Kolosayi 1:9

Mu didyo se beetu, kuholosono kiluumbu kitwayukiri mamo, twahele kuhoto kusaambila mu beenu, na kuloombo kuri ti, luba lwaluula mu nyaabulu ya kutya kwaandi, mu madyeele momanso na mbakukulu ya kimpeeve,

Mukaanda kuri bari Kolosayi 3:10

na bu lwayeki lwalwaata muutu wamoono, wubweese kukituka wamoono, mu kubaka nyaabulu mu kifwaani kya wamuyirika.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

1 Tes 4:3

Kutya kwa Nzaambi kuri ti, beenu luba bangisi na luhele kwesalila buyala.

Mukaanda kuri Tito 3:5

nde watubvuukisa, kari mu ntoono biyiriki byansuungumunu, bi twaba twayirika ko, ngo mu ngebe dzaandi, mu muswaaka wa mbutukulu yamoono, na mu nkitukulu yamoono ya Mpeeve Yangisi.

Mukaanda wa Yakobo 1:27

Nsambukulu ya ngwanwa, na yahele nsumukunu ha busu bwa Taayi Nzaambi, ngo yimayi: kweyilimina bisaani na bafwiilila balumi, kunsa mpasi dzaaku, na kukebe nyutu yaandi mu nsumukunu dza nsi.

Mukaanda wa Yakobo 4:4

Bangaa-kimpala! Buri beenu lwahele kuyaaba ti kinduku na nsi ngo kitaatu na Nzaambi? Mpisi wunde wutiiri kuba nduku nsi, lo kitukiri mutaatu Nzaambi.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

1 Pet 1:18

bu luyaari kuri ti, kari mu bitotolo bifuukila ko, mboongo bunu pe woolo, beenu bari balukuula mu ndyaatulu yeenu yabuunu, yi luri lwakondolo kuri bataayi beenu,

1 Pet 2:3

mbuti lwabiimbiri ti Mfumu wuri wa mubwete.

1 Pet 4:2

mpisi heki beenu lunata kidziingu kya muswinyi, mu ntaangu yisiiri, bunu buri kutya kwa Nzaambi, nkani ka buri nyiimunu dza baatu ko.

2 Pet 1:4

Mu byo bari bamusiila nsiilulu dzantalu na dzibvuriri bunene, mpisi heki mu dzo, beenu luba kintwaari mu nzelu ya kinzaambi, mu kubata nyiimunu dzadzibi dziri mu nsi.

2 Pet 2:20

Mukwongo, mbuti babaanaa bamwabvuuka mu nsumukunu dza nsi, mu ntoono nyaabulu ya Mfumu na Mubvuukisi weetu Yesu Kiristo, babweesiri kuba bakaangama lukimi mu nsumukunu dzidzo, na beki batumuma, lo kiteesu kya bo kisyeeriri, kyeki kibvuriri bubi ti na kyatete.

1 Yow 3:13

Bampaangi, yaa lwekimuka ko, mbuti nsi yikwelubele.

1 Yow 5:19

Tuyaari ti beetu turi baatu ba Nzaambi, na nsi yoyinso yiri kunsa bubi.

Nyabusulu ya Yowane 12:9

Batuba ha butoto Maŋataŋo mamanene, nyoko yayikulu, yi bateele ti dyabulu na Satana, wunde wudziimbisa nsi yansiina, bamutuba ha butoto, bambasi baandi se babatuba kintwaari na nde.

Nyabusulu ya Yowane 13:8

Bobanso badzakala ha butoto, sa basaambila kibulu kikyo; bobanso bari mankuumbu mahele kutina, mu mukaanda wa mwooyo wa Mwaana kimeeme, wubakekiri, kuholosono kunu mbandukulu nsi.