Mukaanda kuri bari Loma 12:19 - Musamu Wamubwete 2013

¹⁹ Banduku ba mutima, yaa lubvutula kitete ko, ngo hemesee nkesi dza Nzaambi dzisala, bukuri dyatinu ti: «Me nyibvutula kitete, me nyikabula museendu,» bu leele Mfumu.

Mukaanda kuri bari Loma 12:19 ပူးပေါင်းရင်းမြစ်များ

Musamu wamubwete watina Matayi 5:39

Ngo me nyiluleele ti: yaa lutuungukila ngaa-bubi ko. Ngo muutu kakulata mbata ha tama [dya ye] dya lubakala, lo taamba se na dya kaka.

Mukaanda kuri bari Loma 12:14

Sakumunee babo bakwelukwaamisa, basakumunee yaa lubabulula mampopi ko.

Mukaanda kuri bari Loma 12:17

Yaa lwebvutula bubi mu bubi kuri muutu ko, sakee kuyirika mamabwe ha busu bwa baatu bobanso;

Mukaanda kuri bari Loma 13:4

bukuri lwo luri mu kisalu kya Nzaambi, mu ntoono bubwe bwa ye. Mbuti ye wuyirika mamabi, lo bata, bukuri kari kwa buunu ko, lutumu lukwenata mbeesi yayila. Mukwongo, lwo luri mu kisalu kya Nzaambi, lubvutulaa kitete mu nkesi kuri wunde wuyirika mamabi.

Mukaanda kuri bari Efeso 4:27

yaa luha mpwaani kuri dyabulu ko.

1 Tes 4:6

Mu dyaambu di, yaa kuba wuyirika ma lumvuki kuri mpaangi yaandi, bunu pe kumuwuna ko, bukuri beetu twatekesele ku luyaabisa na kusiingisa dyo ti: Mfumu wubvutulaana mamabi kuri bayirikaana ma bubwo.

2 Tim 4:14

Alekandere, mutsuri-biseengu, wamonisini me mpasi dzalaka. Mfumu sa kamubvutukila mamo mayelemene na biyiriki byaandi.

Mukaanda kuri Bahebeleho 10:30

Mukwongo, beetu tuyaari wunde waleele ti: «Me nyibvutula kitete, me nyiha museendu», na wabweese kuleele ti: «Mfumu sa katsuundisa baatu baandi.»