Mukaanda kuri bari Loma 12:13 - Musamu Wamubwete 2013

¹³ Bakisee bangisi mu manzala maaku, namitinee mu ntambukulu banzeense.

Mukaanda kuri bari Loma 12:13 ပူးပေါင်းရင်းမြစ်များ

Musamu wamubwete watina Matayi 25:35

Bukuri me nyaba na nzala, na beenu lwampeeri bya kudya; nyaba na mpwiisu, na beenu lwampeeri bya kunwa; nyaba munzeense, na beenu lwantaamburi;

Biyiriki bya Bantumu 10:4

Nde watala yo kisoosi tumi na boomo bwobunso, nde waleele ti: "Bi nki Mfumu?" Mbasi yaleele ti: "Nsaambulu dzaaku na lubakusu lwaaku bitoombokirye bunu kikabu ha busu bwa Nzaambi.

Biyiriki bya Bantumu 4:35

na baba suusaana ha miilu mya bantumu, baba kabulaana kuri muutu-muutu bunu buri nzala yaandi.

Mukaanda kuri bari Loma 12:8

mbuti musyaamisi, lo mu nsyamusunu; mukabiri, lo kaheele mu mutima-kikabu; mutwaalisi, lo katwaalisila mu kuheme; ngaa-ngebe, lo kasalila mu kiminu.

1 Kol 16:15

Me nyilusyaamisa bampaangi: beenu luyaa kuri ti baatu ba mu nzo Estefana, ngo batete bayiingiri madyeele mu Akaya; na bo bayekele manyutu mu kisalu kya bangisi.

2 Kol 9:1

Mu mitariri kisalu kya mbakusulu bangisi, me nyahele kumono mufunu mu kulutinina.

2 Kol 9:12

bukuri kisalu kikyo kya ntolulu bikabu, kari lunu lubakusu kiha kuri bangisi ko, ngo se kisa kuri ti, baatu babvutula matoondo malaka kuri Nzaambi.

Mukaanda kuri bari Ngalatya 6:10

Mu didyo, ha twakiri na ntaangu, tuyirikeenu mamabwe kuri baatu bobanso, ngo bvula-bvula kuri baturi kintwaari mu kanyi.

1 Tim 3:2

Mukuutu dibuundu yelemini kuba wahele na di bamuseembele, mulumi wuri na mukasi mosi, wuri na ndiilu na nwiinu byayelemene, wasoongolo, wakiinsuma, mutaamburi-banzeense, wakuka mu kuyikisa;

1 Tim 5:10

wayabakana mu biyiriki byabibwete, wayeki wabuukisa baala, wataambula banzeense, waswaaka miilu mya bangisi, wabakisa bari mu ngebe, na wasa mutima mu mpisi kiyiriki kyakibwete.

Mukaanda kuri Tito 1:8

Ngo nde yelemini kuba mutaamburi-banzeense, nduku mamabwe, wasoongolo, wasuunguma, wangisi, yaa kukebe nyutu yaandi.

Mukaanda kuri Tito 3:14

Baatu ba beetuneenu se, bayelemini kuyika kuheele mutima mu biyiriki byabibwete, mu kubaka bibari na nzala byo bya mufunu, mpisi heki bahele kuba baatu bahele na bimbutu.

Film 1:7

Me nyamwii kiminu kyalaka na nyataamburi mboondulu, mu ntoono ntiilu yaaku; bukuri mu ye mpaangi, mitima mya bangisi myadzuunini.

Mukaanda kuri Bahebeleho 13:16

Yaa ludzimikina nyirikulu mamabwe ko, na kwebakisina beenu na beenu, bukuri Nzaambi wumonaa kiminu mu bikabu bya bubwo.

Mukaanda kuri Bahebeleho 13:2

Yaa ludzimikina ntambukulu banzeense ko, bukuri mu yo, baatu babamosi bataamburi bambasi kwahele kuyaaba.

Mukaanda kuri Bahebeleho 6:10

Mukwongo, Nzaambi wahele na bubayi, mu kudzimbikina kisalu kyeenu, na ntiilu yi luri lwasoongo mu nkuumbu yaandi, bu lwasariri bangisi, na bu luri mu kunamitina kubasalila.

1 Pet 4:9

Yendee lwetaambula bambaasi beenu na beenu, kwahele kwemunguta.

1 Yow 3:17

Mpisi wunde wuri na lubaku lwa nsi, na mwiini mpaangi yaandi watikila, ngo kaangiri mutima, lo dyaburi ntiilu ya Nzaambi yitsiitsa kuba mu nde?

3 Yow 1:5

Nduku ya mutima, ye wuri mu kwesala mu nkwikumunu, mu ma wuri mu kweyirika mu bampaangi, na bunubwo se mu banzeense.