Mukaanda kuri bari Loma 12:12 - Musamu Wamubwete 2013

¹² Beenee na kiminu mu nsiitu, beenee na nkindusulu-mutima mu mpasi, beenee basyaama mu lusaambulu.

Mukaanda kuri bari Loma 12:12 ပူးပေါင်းရင်းမြစ်များ

Musamu wamubwete watina Matayi 5:12

Monee kiminu na keembeenu kweenu, bukuri museendu weenu wuri wamunene mu mayulu; mukwongo, bunubwo se bakwaamisini babikiri batekisiri na beenu.»

Musamu wamubwete watina Luka 10:20

Hango, yaa lumono kiminu, mu kuri ti mampeeve mamabi malutumumina; ngo kasi monee kiminu mbuti mankuumbu meenu matinima mu mayulu.»

Musamu wamubwete watina Luka 21:19

Bu lunamitini, lo sa lwabvuukisa miheebulu myeenu.»

Musamu wamubwete watina Luka 8:15

Bibwiiri ha butoto bwabubwete, ngo babo bayuka maampu, mu mutima wamubwe na wayirima, bamakebe, babuta bimbutu kuri banamitina.»

Biyiriki bya Bantumu 1:14

Bobanso babo, baba basyaama mu mutima mosi, mu lusaambulu, kintwaari na bakyeetu na Mariya nguri Yesu na bampaangi ba Yesu.

Biyiriki bya Bantumu 12:5

Petelo waba mu boroko, ngo dibuundu dyasaambila Nzaambi mu makwa mu ntoono nde.

Biyiriki bya Bantumu 2:42

Bobanso basyaama mu nyikusulu dza bantumu, mu kintwaari, mu mbukununu mpa na mu nsaambulu.

Biyiriki bya Bantumu 6:4

Beetu ngo bari, tunamitina mu lusaambulu na mu kisalu kya kuyikisa.

Mukaanda kuri bari Loma 15:13

Hemese Nzaambi ya nsiitu kaluulusa mu kiminu kyokinso, na kiyeengi mu kanyi, mpisi luba lwabuukula mu nsiitu, mu mpinu dza Mpeeve Yangisi!

Mukaanda kuri bari Loma 15:4

Mukwongo, momanso ma batekisiri kutina, bamatinini mu ntoono nyikusulu ya beetuneenu, mpisi heki, tubaka nsiitu mu kifiki na mu nsyamusunu ya Matinu.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

Mukaanda kuri bari Loma 8:25

Ngo mbuti beetu tusa nsiitu mu bibyo biri twahele kumono, lo tukwekiingila mu nkindusulu-mutima.

1 Kol 13:13

Mu lumalu, byo bitatu bibyo biri: kanyi, nsiitu na ntiilu; ngo mu byo, kibvuriri bunene ntiilu.

2 Kol 12:8

Me nyayingukiri Mfumu mbala tatu, mpisi kayisila mpasi dzidzo mu me.

Mukaanda kuri bari Filipo 3:1

Mu misiiri ngo miri, bampaangi baami, monee kiminu mu Mfumu. Me nyahele kuholo-bito mu kulutinina misamu myomimosi mimyo, miha nsiitu kuri beenu.

Mukaanda kuri bari Filipo 4:4

Monee kiminu mu Mfumu mu mpisi ntaangu; me nyibweese kuleele, monee kiminu.

Mukaanda kuri bari Kolosayi 1:11

Mu bubwo beenu luba na mpinu mu myominso bunu buri makwa ma nkeembu yaandi, mu kuba na kifiki na kukiindisa mutima mu myominso. Mu kiminu,

Mukaanda kuri bari Kolosayi 1:27

Kuri bo, Nzaambi katiiri kuyaabisa, ha kakati dya makaanda, bunu buri busina bwa nkeembu ya mpaanu yimayi. Mpaanu yiyo ngo Kiristo mu beenu, nsiitu ya nkeembu.

Mukaanda kuri bari Kolosayi 4:12

Epafara, wa beenu-meene wuluheekiri mboto. Nde nkutu Kiristo Yesu, wukwelunwanikina mpisi ntaangu mu nsaambulu, mpisi heki beenu luteleme nangwii, luba bakuka mu kuyirika momanso matiiri Nzaambi.

Mukaanda kuri bari Kolosayi 4:2

Syaamee mu lusaambulu, beenee naana mu lwo, mu mvutukulu matoondo.

1 Tes 1:3

Beetu tubaambukaana mwooyo mu biyiriki bya kanyi dyeenu, mu kisalu kya ntiilu yeenu, na mu kifiki kya nsiitu dzeenu mu Mfumu yeetu Yesu Kiristo, ha busu bwa Taayi dyeetu Nzaambi.

1 Tes 5:8

Ngo beetuneenu turi baatu ba mwiini, tubeeneenu na ndiilu na nwiinu byayelemene twahele kukolo malu, twalwaata kanyi na ntiilu bunu kinkuta kya mu ntulu kya mukaanda kibulu, na twalwaata nsiitu ya mvuukulu bunu mpu ya kitari.

2 Tes 1:4

Hango-nkuumbu, beetu turi na kimweese mu beenu ha kakati dya mabuundu ma Nzaambi, mu ntoono kifiki kyeenu na kanyi dyeenu, kunsa nkwamusunu dzeenu dzodzinso, na manyoongi ma luri mu kwekuunda.

2 Tes 3:5

Hemese Mfumu kutwaalisa mitima myeenu mu ntiilu ya Nzaambi, na mu kifiki kya Kiristo.

1 Tim 6:11

Ngo ye muutu Nzaambi, bata misamu mimyo. Yende wesaka nsungumunu, kinzaambi, kanyi, ntiilu, nkindusulu-mutima, bundeembu.

2 Tim 3:10

Ngo ye wanemi kwakubwete nyikusulu dzaami, ndyaatulu yaami, bitaasi byaami, kanyi dyaami, nkindusulu-mutima yaami, ntiilu yaami, kifiki kyaami,

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Tito 3:7

mpisi heki mu bweese bwaandi, tuba twalulukusu, na tuba bakondiri ba saala, bunu buri nsiitu dza kidziingu kya bibvu ngo bibvu.

Mukaanda kuri Bahebeleho 10:32

Baambukeenu mwooyo mu biluumbu byatete, biri beenu lumanaa kutaambula buungi, beenu lwakuunda kikiindu kyakinene na kya mpasi.

Mukaanda kuri Bahebeleho 10:36

Mukwongo, beenu luri na nzala kuba na kifiki, mu kukukisa kutya kwa Nzaambi, na kutaambula bi kari kasa lusiilulu.

Mukaanda kuri Bahebeleho 12:1

Mu didyo, beetuneenu se, bukuri bambaangi balaka batudyengekele, tuloosee mpisi kilemu na masumu mahele na mpasi mu kutunzungukila, na tudzumunee ntiinu mu kifiki, mu kiteesu ki bari batutakala.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

Mukaanda kuri Bahebeleho 5:7

Nde wuri mu biluumbu bya kidziingu kya muswiini waandi, wasaambila na wayiingikila, mu misaakulu myamila na mansangasa, wunde waba wakuka mu kumubvuukisa mu lufwa, na nde wataambula mvutu mu ntoono kutumuma kwaandi.

Mukaanda kuri Bahebeleho 6:12

mpisi luhele kuba bilyeebe, ngo luba basombisiri ba babo bari mu kanyi na nkindusulu-mutima, bataambula saala dya nsiilulu.

Mukaanda kuri Bahebeleho 6:15

Mu bubwo, Abalaami, bu kakiindisa mutima, wataambulaa mi bamusiiriri nsiilulu.

Mukaanda wa Yakobo 5:7

Ngo bampaangi, kiinduseenu mitima, natee nyisulu Mfumu. Monee muhati-manseke, nde wukiingila bimbutu bya butoto bya ntalu, wukiindisaa mutima natee ku katoriri bimbutu bitekesele na bisyeelele.

1 Pet 4:13

Ngo bukuri beenu luri na kikuuku mu mpasi dza Kiristo, lo monee kiminu, mpisi heki mu ntaangu yiyabakana nkeembu yaandi, beenu lutirimika mu kiminu.

1 Pet 4:7

Nsukulu bitotolo byobinso yeki bele. Ngo dyaatileenu mu madyeele, na beenee na ndiilu na nwiinu byayelemene, mu ntoono lusaambulu.

2 Pet 1:6

ha yulu nyaabulu, nkebulu nyutu, ha yulu nkebulu nyutu, kifiki, ha yulu kifiki, kinzaambi,

Nyabusulu ya Yowane 13:10

Mbuti muutu wataasulu mu bunkutu, lo ku bunkutu kakweende. Mbuti muutu wataasulu mu lufwa lwa mbeesi yayila, lo mu mbeesi yayila kafwiila. Haho ngo, ha bamono kifiki na kanyi dya bangisi.»