Mukaanda kuri bari Loma 11:7 - Musamu Wamubwete 2013

⁷ Hango buri? Bikwesaka Isaheli, wahele kubibaka; ngo kasi wunde wu bari basoolu wabibaka; ngo bakaka babakubisa mutima,

Mukaanda kuri bari Loma 11:7 ပူးပေါင်းရင်းမြစ်များ

Musamu wamubwete watina Malako 6:52

bukuri basii bakula mayirimini mu mampa ko, mu ntoono nkubusulu mitima mya bo.

Musamu wamubwete watina Luka 13:24

«Nwanikinee mu kukoto mu mweelu wasweeteme, bukuri me nyiluleele ti, balaka sa basaka kukoto, ngo ka babangusina ko.»

Musamu wamubwete watina Yowane 12:40

«Nde wabadzusiri miisu, na wabakubisiri mitima, mpisi heki bahele kumono mu miisu, bahele kubakula mu mutima, bahele kuyiinga dyeele, na me nyibatsinikisa.»

Mukaanda kuri bari Loma 10:3

Mukwongo, babaanaa bahele kuyaaba nsungumunu ya Nzaambi, na bakwesaka kusalila nsungumunu ya bo-meene, lo bahele kuba batumuma mu nsungumunu ya Nzaambi.

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 11:5

Ngo bwobumosi se mu ntaangu yimayi, kuri ndaambu Baatu yasaala, bunu buri nsoolulu ya bweese.

Mukaanda kuri bari Loma 3:9

Ngo nki? Buri beetu tubvuriri bweese ti na bambaasi? Pele! Mukwongo, beetu twatswiikisiri ti: na Bayudayo, na Bahelene bobanso bari kunsa lutumu lwa masumu;

Mukaanda kuri bari Loma 6:15

Hango nki? Masumu tukweyirikee kweetu, bukuri twahele mu lutumu lwa mangisi, ngo turi mu lutumu lwa bweese? Ti bele na dyo!

Mukaanda kuri bari Loma 9:18

Hango-nkuumbu, kuri wunde wu katiiri kubakila ngebe, lo wumubakiri ngebe; kuri wunde wu katiiri kukubisa mutima, lo wumukubisiri.

Mukaanda kuri bari Loma 9:23

Nde watiiri se kuyaabisa busina bwa nkeembu yaandi, kuri bisa bikari kabakila ngebe, bi katekisiri kuyirika mu ntoono nkeembu yaandi.

1 Kol 10:19

Ngo me ndeele ti kwe? Buri toongo twaha mu kikabu turi mufunu, hoti biteki biri mufunu?

2 Kol 3:14

Ngo kasi bo bari kunsa lubu. Natee mu kiluumbu ki, bo bu bataangaa lulelusunu lwalukulu, lo nsaanda yiyo yahele kuyisika, bukuri yo kuyisikila mu Kiristo.

2 Kol 4:4

mu baatu bahele na kanyi, bari nzaambi ya nsi yi wayeki wabiiyisa madyeele ma bo, mpisi bahele kutalila buungi bwa Musamu Wamubwete, wa nkeembu ya Kiristo, nde wuri kifwaani kya Nzaambi.

Mukaanda kuri bari Efeso 1:4

Mu nde, Nzaambi watusoolo, tekesele nyirikulu nsi, mu kuba bangisi na bahele na mi babaseembele, ha busu bwaandi kunsa ntiilu.

Mukaanda kuri bari Efeso 4:18

Madyeele ma bo mayeki mamabi, bo banzeense mu mwooyo wa kinzaambi, mu ntoono kuhele kwa nyaabulu, na mu ntoono nkubusulu mutima yi bari na yo.

Mukaanda kuri bari Filipo 1:18

Mukwongo nki? Kiteesu bwooso kibeele, ti kiba mu kumana mafuumbu, ti kiba mu ngwanwa, lo ngo bukuri Kiristo bari mu kwemuyabikisa, na mu didyo me nyiri na kiminu. Kasi me sa mbweese kuba na kiminu,

Mukaanda kuri Bahebeleho 12:17

Mukwongo, beenu luyaari ti, ha mambisa haho, nde bu katiiri kutaambula lusakumunu bunu saala, bamuwuungula. Nde kasii baka mpwaani ti mosi ko, ya kuyiinga kitsimi kya taayi, ti bukuri wasaka lusakumunu lulwo mu mansangasa.

1 Pet 1:2

bunu buri nyaabulu yatekesele ya Taata Nzaambi, mu mpeelu bungisi ya Mpeeve, mu ntumumunu na nyakunu makila ma Yesu Kiristo. Bweese na kiyeengi biba byafunusu kuri beenu!