Mukaanda kuri bari Loma 11:25 - Musamu Wamubwete 2013

²⁵ Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 11:25 ပူးပေါင်းရင်းမြစ်များ

Musamu wamubwete watina Matayi 13:11

Nde wabvutula kuri bo ti: «Bukuri, kuri beenu baheeri kiteesu kya kuyaaba mpaanu dza Kimfumu kya mayulu; ngo kuri bo, bahele kuha.

Musamu wamubwete watina Luka 21:24

Sa bafwiilila mu mbeesi yayila, na sa babanata ku bunkutu, mu mansi momanso, na bangooyi sa batsaamuna Yerusalemi natee ntaangu ya bangooyi yikukiri.»

Musamu wamubwete watina Yowane 10:16

Me nyiri na bimeeme bikimi biri byahele mu lupaangu lumalu. Bibyo se me nyelemini kubitwaala, sa byayuka mbeembu yaami, byobinso sa byaba mpuumbu mosi na mutari se mosi.

Mukaanda kuri bari Loma 1:13

Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Mukaanda kuri bari Loma 11:12

Ngo mbuti heki lumvuki lwa bo ngo busina bwa nsi, na mbwiilu bo ngo busina bwa makaanda, lo dyaburi bahele kutaambula mibvuriri bubwete, mu ntaangu yiri bobanso bakukiri?

Mukaanda kuri bari Loma 11:24

Mukwongo, mbuti ye kimpaala kya muti wa musitu, bakutabula na bakukwiika mu muti wakunu, lo buri dihele kubvulila bubwete mu bo, mu kuba bakwiiku mu muti wa bo-meene.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

Mukaanda kuri bari Loma 9:18

Hango-nkuumbu, kuri wunde wu katiiri kubakila ngebe, lo wumubakiri ngebe; kuri wunde wu katiiri kukubisa mutima, lo wumukubisiri.

1 Kol 10:1

Bampaangi, me ntii ko ti beenu luba kunsa lubu: bakuutu beetu bobanso baba kunsa mposi ya tuti, na balutila ha kakati dya mubu.

1 Kol 12:1

Bampaangi, mu ntoono ya bikabu bya kimpeeve, me ntii ko ti beenu luba kunsa lubu.

1 Kol 2:7

ngo kasi, beetu turi mu kweyikisa madyeele ma Nzaambi masweeku kunsa mpaanu, mari Nzaambi watekisiri kutaasila mo mu nkeembu yeetu tekesele mu bibvu.

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Efeso 3:9

na mu kuyirika kubaangula kuri bobanso bunu buri kisalu kya mpaanu ki bari basweeke, kuholosono mu mibvu, mu Nzaambi, wuri nde muyiriki bitotolo byobinso.

Mukaanda kuri bari Efeso 4:18

Madyeele ma bo mayeki mamabi, bo banzeense mu mwooyo wa kinzaambi, mu ntoono kuhele kwa nyaabulu, na mu ntoono nkubusulu mutima yi bari na yo.

2 Pet 3:8

Ngo banduku ba mutima, kuri ntoono mosi yiri beenu yaa luhele kuyiyaaba ko: kiluumbu kimosi kuri Mfumu, kiri bunu fuunda dya mibvu, na fuunda dya mibvu diri bunu kiluumbu kimosi.

Nyabusulu ya Yowane 1:20

Mpaanu dza bambwetete nsaamu, ba mwiini mu kooko kwaami kwa lubakala, na bitetukulu bya miinda nsaamu byawoolo dziri bumabu: bambwetete nsaamu ngo bambasi ba mabuundu nsaamu, na bitetukulu bya miinda nsaamu ngo mabuundu mo nsaamu.»

Nyabusulu ya Yowane 10:7

Ngo mu biluumbu bisika mbasi yansaamu mvumvuri, mpaanu dza Nzaambi sa dzayirima, bunu bu kayaabisiri dyo kuri bisari byaandi, babikiri.»

Nyabusulu ya Yowane 11:15

Mbasi yansaamu yasika mvumvuri. Mambeembu mamanene mayukukuna ku yulu maleele ti: «Kimfumu kya nsi kyeki kuri Mfumu yeetu, na kuri Kiristo dyaandi. Nde sa katuma mu bibvu ngo bibvu.»

Nyabusulu ya Yowane 7:9

Ha mambisa haho, me nyatala na nyamono mpuumbu baatu yayinene, yiri muutu ti mosi lo wahele kubangisina kutaanga, baatu ba mansi momanso, ba bitsuumbu byobinso, ba makaanda, na ba mandiinga momanso, baba bateleme ha busu bwa mboloko, na ha busu bwa Mwaana kimeeme, baba balwaata madzweele mahembeke na bakwaata matsweenyi mu myooko.