Mukaanda kuri bari Loma 11:22 - Musamu Wamubwete 2013

²² Ngo moneeti buri mbweeyulu-mutima, na nkubulu mutima ya Nzaambi: nde wuri na nkubulu mutima kuri babo babwa, ngo wuri na mbweeyulu-mutima kuri ye, mbuti ye namitini kuba kunsa mbweeyulu mitima yiyo, mbuti ka bubwo ko, lo ye se sa bakuyusula.

Mukaanda kuri bari Loma 11:22 ပူးပေါင်းရင်းမြစ်များ

Musamu wamubwete watina Luka 8:15

Bibwiiri ha butoto bwabubwete, ngo babo bayuka maampu, mu mutima wamubwe na wayirima, bamakebe, babuta bimbutu kuri banamitina.»

Musamu wamubwete watina Yowane 15:2

Nde kooyisilaa mpisi kimpaala kiri mu me, kyahele kuha bimbutu; na nde wu bweeyesaa mpisi kimpaala kiri na bimbutu, mpisi kabvula kubuta bimbutu.

Musamu wamubwete watina Yowane 8:31

Hango Yesu waleele kuri Bayudayo basiiri kanyi mu nde ti: «Mbuti beenu lunamitini mu maampu maami, lo ngwanwa, beenu luri bayiki ba me;

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

Biyiriki bya Bantumu 14:22

bo bakumisa mitima mya bayiki, babasyaamisa mu kunamitina mu kanyi, na kubaleele ti mu nwanusunu dza makwa, tukotoleenu mu Kimfumu kya Nzaambi.

Mukaanda kuri bari Loma 11:21

Bukuri, mbuti Nzaambi kasii wuungula bimpaala bya muti wamene mu nde-meene ko, lo ye se kakuwuungula ko.

Mukaanda kuri bari Loma 2:7

Sa kaha kidziingu kyahele manunu kuri babamosi, bakwesaka mu kifiki kunsa kisalu kyaandi, nkeembu, lukiinsu na kiteesu kyahele mbolulu.

1 Kol 15:2

Mu nde beenu lutaambula mvuukulu, mbuti lumukebiri mu kiteesu ki nyiri nyaluyaabisila nde; mbuti kari bubwo ko, lo kwa buunu luri lwasiila kanyi.

Mukaanda kuri bari Ngalatya 6:9

Tweyirikeenu mamabwe, yaa tuholo-bito ko, bukuri ntaangu bu yikuka, sa twatolo, mbuti twahele kubwoongolo.

1 Tes 3:5

Hango-nkuumbu, me nkoonaa kukiinga, ha nyaheekiri Timoteho mu kwiisa kuyaaba bunu buri kanyi dya beenu, mu kubata kuri ti Musindukiri kakwiisa kulusindukila na kisalu kya beetu kihele kuba kya buunu.

1 Tes 3:8

Ngo mu lumalu, beetu turi mwooyo bukuri beenu lwakwiikama mu Mfumu.

Mukaanda kuri Bahebeleho 10:23

Hemese tukebeenu nsiitu yi turi mu kweyaabisa, kwahele mpololo-bito, bukuri wunde wasa lusiilulu wakwiikama.

Mukaanda kuri Bahebeleho 3:14

Bukuri beetu turi bakweyeende kintwaari na Kiristo, mbuti tukebiri na keketee kibeendu kyeetu ku mbandukulu natee ku manunu.

Mukaanda kuri Bahebeleho 3:6

Ngo Kiristo, wuri bunu Mwaana mu nzo, na nzo yiyo ngo beetu, mbuti tukebiri kifiki na kimweese kya nsiitu.

1 Yow 2:19

Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.

Nyabusulu ya Yowane 2:5

Hango, baambuka mwooyo mu ha wuri wabwiilila, yiinga dyeele na bvutukila biyiriki byaaku byatete; mbuti ka bubwo ko, lo me sa nyiisa kuri ye, na sa nyiinga kibeendu kya kitetukulu kya mwiinda waaku, mbuti ye wahele kuyiinga dyeele.