Mukaanda kuri bari Loma 11:20 - Musamu Wamubwete 2013

²⁰ Bwabubwete; bimpaala bibyo babitaburi bukuri byahele na kanyi, ngo kasi ye wakangimina mu kanyi. Yaa ba na masiiku ko, ngo ba na boomo.

Mukaanda kuri bari Loma 11:20 ပူးပေါင်းရင်းမြစ်များ

Musamu wamubwete watina Luka 18:14

Me nyiluleele ti: mutori-mpaku wunde, bu kaba bvutuka ku nzo yaandi, lo wasuunguka mabuungu maandi; ngo Mufarisi ti bele pe. Bukuri mpisi wunde wudzaangamaa mu nde-meene, lo sa bamukulula, ngo wunde wakuluka mu nde-meene sa bamudzaangisa.»

Biyiriki bya Bantumu 18:6

Mukwongo, Bayudayo bu baba kwemunyaafuna na kwemutuka, nde wakubula binkuta byaandi na wabaleele ti: "Makila ma beenu mabwa ha yulu mitu myeenu, me nyahele na kibila mu mo; mu lumalu, me ntalisiri kuri bangooyi."

Mukaanda kuri bari Loma 11:18

lo yaa sa kimweese ko kuri bimpaala byatabulu. Mbuti ye wusa kimweese, lo yaaba kuri ti, kari myaansi myamene mu ye ko, ngo ye wamene mu myaansi.

Mukaanda kuri bari Loma 11:21

Bukuri, mbuti Nzaambi kasii wuungula bimpaala bya muti wamene mu nde-meene ko, lo ye se kakuwuungula ko.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

Mukaanda kuri bari Loma 12:3

Mukwongo, me nyileele ti, mu bweese bu bari baha kuri me, kuri mpisi muutu mu beenu, mu kuhele kuba na ndyaatulu ya masiiku, yalutila kiteesu, ngo beenee na ndyaatulu ya madyeele, bunu buri kiteesu kya kanyi, dyaha Nzaambi kuri muutu-muutu.

Mukaanda kuri bari Loma 3:3

Heki mu nki? Mbuti babamosi basii ba bakwiikama ko, buri kuhele kukwiikama kwa bo, lo kuyaariri nkwikumunu ya Nzaambi?

1 Kol 10:12

Mu didyo, wunde wutsima ti wateleme, kasa madyeele kahele kubwa.

1 Kol 15:1

Bampaangi, me nyilubaambula mwooyo mu Musamu Wamubwete wu nyiri nyaluyaabisa, wu luri lwataambula, wu luri lwasikikila.

1 Kol 16:13

Beenee naana, teleme na keketee mu kanyi, lwatee kibakala, beenee na makwa.

2 Kol 1:24

Kari kuri ti beetu, turi na lutumu mu kanyi dya beenu ko, ngo beetu tukwesala kintwaari na beenu, mu kuri ti beenu lumono kiminu, bukuri beenu lwateleme na keketee mu kanyi.

2 Kol 10:5

na mpinu dzodzinso dza masiiku dzikwetungukula nyaabulu ya Nzaambi, mpisi tukitula bitsimi bya baatu kuri heki batumuma kuri Kiristo,

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

Mukaanda kuri bari Kolosayi 2:7

bu lwayeki lwamene myaansi, lwatuungu mu nde, na lwasyaamusu mu kanyi, bunu bu bari baluyikisa, bvutuleenu matoondo ha yulu matoondo.

2 Tes 2:4

Wunde wutelemese kitaatu, na wudzaangama ha busu bwa mpisi ki baleeriri ti Nzaambi bunu pe ki basaambilaana, natee mu kiteesu kya kudzakala mu nzo Nzaambi, na kuleele nde-meene ti nde ngo Nzaambi.

1 Tim 6:17

Leele kuri bisina bya ntaangu yimayi, yaa baba na masiiku ko, na yaa basiila nsiitu mu busina bwa mwaa-ntaangu mosi ko, ngo basiila nsiitu mu Nzaambi, nde kootuhaanaa byobinso mu busina mpisi tumono kiminu mu byo.

Mukaanda kuri Bahebeleho 3:12

Seenee madyeele, bampaangi, mpisi kuhele kuba mu beenu muutu ti mosi, wuba na mutima-bubi, wahele na kanyi, wutatuka na Nzaambi yamwooyo,

Mukaanda kuri Bahebeleho 3:19

Na beetu tumono ti bo basii kubangisina kukoto ko, mu ntoono kuhele kwa kanyi.

Mukaanda kuri Bahebeleho 4:11

Ngo, tubingikileenu mu kukoto mu mpuumunu yiyo, mpisi heki kuhele kuba muutu wubwa bwobumosi mu nko.

Mukaanda kuri Bahebeleho 4:6

Hango bukuri dyaleele kuri ti, babamosi bakoto mu mpuumunu, na babo batekisiri kutaambula Musamu Wamubwete, bakoto ko mu ntoono nko,

Mukaanda wa Yakobo 2:19

Ye wutaambula ti Nzaambi yomosi yiri, bwabubwe wuyirikaa; mampeeve mamabi se mataambula na matekitaa.

Mukaanda wa Yakobo 4:6

Nzaambi kootuhaanaa bweese bubvuriri bunene, hango-nkuumbu diri dyaleele ti: "Nzaambi wutungukilaa bangaa-masiiku, ngo kasi wuhaanaa bweese kuri bakuluka".

1 Pet 1:17

Na mbuti beenu luteelaa mu lusaambulu ti Taata, wunde wahele na kimpengeki, wutsuundisa muutu-muutu bunu buri biyiriki byaandi, lo dyaatileenu mu kibvumi, mu ntaangu ya kidziingu kyeenu mu nsi ya bunzeense yi,

1 Pet 5:12

Mu lubakusu lwa Silvano, wu nyihololaa me bunu mpaangi yakwiikama, me nyilutinini mwaa-mukaanda wumawu, mu kulusyaamisa na mu kuta kimbaangi, ti bweese bwa Nzaambi bu luri lwasiila nsiitu buri bwangwanwa.

1 Pet 5:9

Mutungukileenu na keketee mu kanyi, bu luyaari kuri ti bampaangi beenu se, bari mu kwekuunda mpasi dzodzimosi ha nsi.

Nyabusulu ya Yowane 18:7

bunu bu kari kakeembise nyutu yaandi, na bu kari kataanda busina bwaandi, mu moniseenu mpasi na manyoongi, bukuri nde wukweleele kunsa mutima waandi ti: "Me nyadzakala mu bumbyaasi, me nyiri mufwiiri ko, na se nyiri mwiinina mpasi dza kufwiilila ko."

Nyabusulu ya Yowane 3:17

Bukuri ye wuri mu kweleele ti: "Me nyiri kisina, mwaabaka busina, nyahele na nzala kitotolo ti kimosi". Ngo ye wahele kuyaaba ti ye wuri ngaa-manyoongi, wa kubakila ngebe, wuri muwelu, ye wafwa miisu na wuri mpene.