Mukaanda kuri bari Loma 11:16 - Musamu Wamubwete 2013

¹⁶ Mbuti ndaambu mbanda yiri yangisi, lo mbanda yoyinso se yangisi; na mbuti mwaansi wangisi, lo bimpaala se byangisi.

Mukaanda kuri bari Loma 11:16 ပူးပေါင်းရင်းမြစ်များ

Mukaanda kuri bari Loma 11:17

Ngo mbuti mu muti wu bakunini, bimpaala byabimosi byatabulu, na ye wuri muti wa ku musitu, bakukwiikiri mu muti wunde, mu kuba kintwaari na bimpaala byasaala, na kutaambula maampa mafumuna mu myaansi,

Mukaanda kuri bari Loma 8:23

Kari yini nsi yo yikaka ko, ngo na beetu se tumwaabaka mintekesele mya Mpeeve; beetu se mu beetu-meene, tukwekuuma mu kwekiingila ntaangu ya kuba baala ba Nzaambi, na ya nkuululu manyutu meetu.

1 Kol 7:14

Bukuri mulumi wa mungooyi wataambula bungisi mu mukasi, na mukasi wa mungooyi wataambula bungisi mu mpaangi; mbuti ka bubwo ko, lo baala beenu basumuka, ngo kasi mu lumalu bo bari bangisi.

Mukaanda wa Yakobo 1:18

Mu kutya kwaandi, nde watubuta mu maampu ma ngwanwa, mu kuba bunu mintekesele mu biyiriki byaandi.

Nyabusulu ya Yowane 14:4

Bamaba ngo babo bari basii kusumuka mu bakyeetu ko, bukuri baba bakiri banswaasa, bamaba ngo bari mu kwenama Mwaana kimeeme kwokunso ku ka kweyende. Bamaba ngo ba bari bakuula ha kakati dya baatu, mintekesele mya Nzaambi na mya Mwaana kimeeme.