Mukaanda kuri bari Loma 1:9 - Musamu Wamubwete 2013

⁹ Mukwongo, Nzaambi mbaangi yaami, nde wu nyisalilaa me mu mpeeve yaami, mu nyabusulu Musamu Wamubwete wa Mwaana waandi: me nyibambukilaa beenu mwooyo kwahele kuhoto,

Mukaanda kuri bari Loma 1:9 ပူးပေါင်းရင်းမြစ်များ

Musamu wamubwete watina Malako 1:1

Mbandukulu Musamu Wamubwete wa Yesu Kiristo, Mwaana Nzaambi.

Musamu wamubwete watina Luka 18:1

Yesu wata nkuma kuri bo, mu kubasoongo ti bayelemini kusaambila mu mpisi ntaangu, na kuhele kuholo-bito.

Biyiriki bya Bantumu 12:5

Petelo waba mu boroko, ngo dibuundu dyasaambila Nzaambi mu makwa mu ntoono nde.

Biyiriki bya Bantumu 19:21

Mamo bu mayirima, Pawulo wabaka kitsimi mu kutaba Makedonya na Akaya mu kweende ku Yerusalemi. Nde waleele: "Bu nyiyisika kukwo, bwayelemene ti me mono Loma."

Biyiriki bya Bantumu 24:14

Me ntaambiri musamu wunde wu bari mu kuleele me, mu nzila ya kabu. Mukwongo me nyiri mu kwesaambila Nzaambi yiyo ya bataayi beetu bobanso. Me nyasa kanyi mu matinu mu Mangisi na Babikiri.

Biyiriki bya Bantumu 27:23

Mukwongo, Nzaambi yi bakiri me, na yi nkoosalila me, mbasi yaandi yiisiryee kumonokono me, mu butsuku

Biyiriki bya Bantumu 3:26

Kuri beenu Nzaambi katekisiri kutelemese kisari kyaandi; nde wamuheeke mu kusakumuna beenu, mpisi muutu-muutu mu beenu, kasiisa bubi bwaandi.»

Mukaanda kuri bari Loma 9:1

Me ngwanwa nyiri mu kudzoonso mu Kiristo, nyahele kufuta mpya, nsimunu yaami yinteelele kimbaangi, mu Mpeeve Yangisi,

2 Kol 1:23

Nzaambi mbaangi yaami, me nyilaba maalu mu kidziingu kya me-meene ti: me nyasii bweese kwiisa ku Korinto ko, mu kulubatisa misamu.

2 Kol 11:31

Nzaambi, Taayi dya Mfumu Yesu, nde wasakumunu mu mibvu ngo mibvu, yaari kuri ti me nyahele kusa mpya.

Mukaanda kuri bari Ngalatya 1:20

Ma nyiri mu kutinina beenu, nkati ha busu bwa Nzaambi, me nyahele kusa mpya.

Mukaanda kuri bari Efeso 6:18

Mu nsaambulu dza bitsuumbu-bitsuumbu na ndoombulu, saambileenu mu ntaangu ngo ntaangu mu Mpeeve. Mu didyo, beenee naana, beenee na kifiki, loombee mu bangisi bobanso,

Mukaanda kuri bari Filipo 1:3

Me nyibvutulaa matoondo kuri Nzaambi yaami, mu mpisi ntaangu yi nyibambukilaa beenu mwooyo.

Mukaanda kuri bari Filipo 1:4

Mantaangu momanso ma nyisaambilaa me mu beenu-banso, nyisambikilaa mu kiminu,

Mukaanda kuri bari Filipo 2:22

Ngo beenu luyaari ma kari kayirika nde: bunu bu buyirikaa mwaana kuri taayi, nde wasala kintwaari na me mu ntoono Musamu Wamubwete.

Mukaanda kuri bari Filipo 3:3

Mukwongo, bateende bubakala ngo beetuneenu, tusaambilaa mu Mpeeve ya Nzaambi, tumonaa kimweese mu Kiristo Yesu, na tuhelaa kusiila nsiitu mu muswinyi,

1 Tes 1:2

Beetu tubvutulaana matoondo mantaangu momanso kuri Nzaambi, mu beenu-banso, na twahele kuhoto kuluyekelaana mu nsaambulu dzeetu.

1 Tes 3:10

Butsuku na mwiini, beetu turi mu kwesaambilaana kwalaka mpisi tubweese kulumono na kukukisila mari mu kuhele mu kanyi dyeenu.

1 Tes 5:17

Saambileenu kwahele manunu.

1 Tim 2:7

Mu kimbaangi kikyo me bari bansuusa mu kuba dingisi na ntumu, mu kweyikisa makaanda mu nzila ya kanyi na ya ngwanwa; me ngwanwa nyiri mu kuleele, nyahele kufuta mpya.

2 Tim 1:3

Me nkoobvutulaa matoondo kuri Nzaambi, yiyo yi nyisaambilaa mu mutima watsyeemeke, bunu bwaba saambilaa bakuutu. Nyisalilaa bubwo, mu ntaangu yi nyibambukilaa ye mwooyo, mu nsaambulu dzaami butsuku na mwiini kwahele kuhoto.

Film 1:4

Me nyibvutulaana matoondo, mantaangu momanso, kuri Nzaambi yaami, bu nyikutoolaana mu nsaambulu dzaami,