Mukaanda kuri bari Loma 1:28 - Musamu Wamubwete 2013

²⁸ Ngo bukuri bahele na musoongo wa kuyaaba Nzaambi mu ngwanwa, Nzaambi wabayekele kunsa madyeele maaku mamabi, mu kweyirika mahele kuyelemene.

Mukaanda kuri bari Loma 1:28 ပူးပေါင်းရင်းမြစ်များ

Biyiriki bya Bantumu 17:23

Bu nyabee kweyunga, na kwetala bimama byeenu byangisi, me nyamwiini dziku dimosi di bari batina ti: "kuri nzaambi yiri bayiyaa ko." Ngo, bibyo bi luri mu kwesaambila kwahele kuyaaba, bibyo me nyiisiri mu kuluyabisa.

Biyiriki bya Bantumu 17:32

Bu bayuka mfulukulu ya bafwa, babamosi bamusiila munsiku, bakaka baleele ti: "beetu ngo bari tumi bee tukuywiila mu mamo kiluumbu kikimi."

Mukaanda kuri bari Loma 1:18

Mukwongo, kunu kinsongi-yulu, nkesi dza Nzaambi dzimonokinaa mu baatu bahele na kinzaambi, na bari na bubayi, basweekaa ngwanwa kunsa bubayi,

Mukaanda kuri bari Loma 1:21

bukuri bu bayaaba Nzaambi, ka basii kumukeembese bunu Nzaambi ko, bunu pe kubvutula matoondo kuri nde ko. Kasi bayeki bamikangala mu nsimunu yaaku, na mitima mya bo mya buwulu miri kunsa mampimbisi.

Mukaanda kuri bari Loma 1:24

Hango-nkuumbu, Nzaambi kari kabayekele mu nsumukunu mu nzila ya nyiimunu dza mitima myaaku, mu kuhele kukiinsa manyutu ma bo-meene.

Mukaanda kuri bari Loma 1:26

Hango-nkuumbu, Nzaambi kari kabayekele mu mantiilu mansoni. Mukwongo, bakyeetu ba bo bahotiri kwepala na babakala, mu kwesakisina na bambaasi bakyeetu.

1 Kol 15:34

Nkati bvutukee ha lwaba, na yaa lubwa mu masumu ko, bukuri babamosi bahele na nyaabulu Nzaambi, me nyiludzusa nsoni.

2 Kol 10:5

na mpinu dzodzinso dza masiiku dzikwetungukula nyaabulu ya Nzaambi, mpisi tukitula bitsimi bya baatu kuri heki batumuma kuri Kiristo,

Mukaanda kuri bari Efeso 5:4

Mantoono mamabi, nzoonsulu dza budzeeke bunu pe dzansoni, byahele kuyelemene ha kakati dya beenu; ngo kasi byayelemene mvutukulu matoondo.

2 Tes 1:8

kunsa mbaawu ya mile, mu kubvutula bubi kuri babo bahele kuyaaba Nzaambi, na bahele kutumuma mu Musamu Wamubwete wa Mfumu yeetu Yesu.

2 Tim 3:8

Bunu Yanese bo na Yamberese babanwaanisa Moose, bunubwo se baatu bamaba bakwenwaanisa ngwanwa, madyeele ma bo mabiiya, na bo babwa mu mitariri kanyi.

Mukaanda kuri Tito 1:16

Bo bakweleele ti bayaari Nzaambi, ngo mu biyiriki bo bakwemutuna. Bo bayeki nkeensu na bangaa-tungu, bakoono kuyirika ntoono ti yimosi yayibwete.

Film 1:8

Mukwongo, bu nyiri na nsiitu dzalaka mu Kiristo, mu kukutuma mamo ma yelemene,

2 Pet 3:5

Mukwongo, bo batiiri kudzimbikina dimadi ti: mayulu maba mu ntaangu yayikulu, na mu maampu ma Nzaambi, butoto bwayirimini mu maampa na maampa,