Mukaanda kuri bari Loma 1:24 - Musamu Wamubwete 2013

²⁴ Hango-nkuumbu, Nzaambi kari kabayekele mu nsumukunu mu nzila ya nyiimunu dza mitima myaaku, mu kuhele kukiinsa manyutu ma bo-meene.

Mukaanda kuri bari Loma 1:24 ပူးပေါင်းရင်းမြစ်များ

Musamu wamubwete watina Matayi 15:14

Basuusee! Bo bafwa-miisu bakwenata [bafwa-miisu]. Mbuti wafwa miisu wukwenata wafwa miisu, lo bo boolo sa babwa mu bulu.»

Biyiriki bya Bantumu 14:16

nde Nde wuri mu biseendu byaluta, waha miswa kuri makaanda momanso, mu kunama manzila ma bo-meene.

Biyiriki bya Bantumu 7:42

Nzaambi wabatekele mbisa na wabayekele, mpisi basaambila bambwetete ba yulu, bunu bu diri dyatinu mu mukaanda babikiri: "Nzo ya Isaheli, buri kari kuri me beenu luri luha bikabu, na bibulu bya kudzusa mu mibvu makuumi mana ku nsi yankatu ko?

Mukaanda kuri bari Loma 6:12

Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

1 Kol 6:13

Byandya bya mwooyo biri, na mwooyo wa byandya, ngo Nzaambi sa katsyaamuna byobyoolo. Nyutu yiri ya buyala ko, ngo ya Mfumu, na Mfumu wa nyutu.

1 Kol 6:18

Bateenu buyala. Mpisi masumu, mari muutu wumayirika, lo mari ku mbasi nyutu. Ngo wusa buyala, wuyirikaana masumu mu nyutu ya nde-meene.

Mukaanda kuri bari Efeso 2:3

Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

1 Tes 4:4

Mpisi muutu mu beenu kayaaba kuhololo mukasi waandi, kunsa bungisi na lukiinsu,