Mukaanda kuri bari Loma 1:14 - Musamu Wamubwete 2013

¹⁴ Me nyiri na ma nyelemini kuyirika kuri Bahelene na kuri banzeense, kuri bangaa-madyeele na kuri madzeeke se.

Mukaanda kuri bari Loma 1:14 ပူးပေါင်းရင်းမြစ်များ

Musamu wamubwete watina Matayi 11:25

Mu ntaangu yiyo, Yesu wabaangula mbeembu waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele.

Musamu wamubwete watina Luka 10:21

Mu kilookolo kinikyo, Yesu wakeembe [mu] Mpeeve Yangisi na waleele ti: «Me nyikudumusa, Taata, Mfumu ya ku yulu na ya ha butoto, bukuri bangaa-madyeele na bangaa-nyaabulu, ye wabasweeke misamu mimyo, ngo wayaabisa myo kuri mwaa-baala bantele. Bunubwo Taata, ye bubwo watiiriri ti buba ha busu bwaaku.

Biyiriki bya Bantumu 22:21

Nde wandeele ti: "Yende, bukuri me sa nyakuheeke kuri makaanda mari ku la!"»

Biyiriki bya Bantumu 28:2

Bangaa-bula bubwo batubwaana mu ntiilu yayinene. Bu banamuka mbaawu, batuteele ku kuyoto, mu ntoono mbvula yaba yimwaanoko, na mu ntoono kyoosi.

Biyiriki bya Bantumu 28:4

Bangaa-bula bu bamono nyoko yiri mu kutsinga mu kooko kwa Pawulo, bo na bo baleele ti: "Ngwanwa muutu wu mudzusi kari. Nde pariryee mpee-mpolo mu mubu, ngo nsundusulu dza Nzaambi dzimuha miswa ko mu kuba mwooyo.

Biyiriki bya Bantumu 9:15

Mfumu waleele kuri nde ti: "Yende, bukuri weki kisalulu kya me ki nyiri nyasoolo, mu kunata nkuumbu yaami ha busu bwa makaanda, na se ha busu bwa bambyaasi na baala ba Isaheli;

Mukaanda kuri bari Loma 1:22

Bo batsima kuba bangaa-madyeele, ngo bilawuku bari,

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 12:16

Beenee na nyukusunu beenu na beenu, yaa luba na masiiku ko, ngo tambukilee ma kuluka. Yaa lumonoko ba bangaa-madyeele mu beenu-meene ko.

Mukaanda kuri bari Loma 13:8

Yaa lweba na bibiimbu bya baatu ko, mbuti ka kya kutilisina beenu na beenu ko, bukuri wutyaanaa mbaasi, wukukisaa mangisi.

Mukaanda kuri bari Loma 16:19

Mukwongo, bintambukulu byeenu byayabakana kuri bobanso. Ngo me nyimono kiminu mu ntoono beenu, me ntiiri ti beenu luba na madyeele mu mamabwete, na luba kutsyeemeke kwahele mamabi.

Mukaanda kuri bari Loma 8:12

Mu didyo bampaangi, beetu turi na kibiimbu, ngo kari kuri muswinyi ko, mu kuri ti tuba bamwooyo mu muswinyi.

1 Kol 14:11

Ngo mbuti me nyahele kuyaaba ndiinga yidzoonso muutu, lo me nyiri munzeense kuri nde, na nde wuri munzeense kuri me.

1 Kol 14:16

Bukuri mbuti ye wuri mu kuha lusakumunu [mu] Mpeeve, lo muutu wabuunu wadzakala, buri kutambukila ti «Amene», mu mvutukulu matoondo ya ye, bukuri nde wahele kuyaaba, ma wuri mu kuleele?

1 Kol 2:13

Ngo mamo ma turi mu kweleele beetu, kari mu bitoolo biyikisa madyeele ma kimuutu ko, ngo mu bitoolo biyikisa Mpeeve. Beetu tukwebaangula mya Mpeeve mu kimpeeve.

1 Kol 3:18

Muutu yaa kawunukina nde-meene ko: mbuti ha kakati dya beenu, muutu wutsima ti nde ngaa-madyeele mu ntaangu yimayi, lo kaba kilawuku mpisi heki kaba ngaa-madyeele.

2 Kol 10:12

Beetu ka tutsiitsa kuba nsiisa, bunu pe kusaka nsobokoso, dzi turi na dzo na baatu bamosi, bakweha ntumunu mu bo-meene ko. Baatu babo bahele kubakula, bukuri bo bakweteese bambaasi mu kiteesulu kya bo-meene, na bakwesaka nsobokoso ha kakati dya bo-meene.

2 Kol 11:19

Mukwongo, beenu luri na madyeele, lukwekuunda mu ntiilu ya beenu-meene, babo bahele na madyeele!

Mukaanda kuri bari Kolosayi 3:11

Mu didyo, kwasaala Muhelene na Muyudayo ko, wateendu bubakala na wahele kuteende bubakala ko, munzeense, Musikite, nkutu, muutu wuri bunsaalisi ko; ngo Kiristo wuri byobinso na wuri mu bobanso.

2 Tim 2:10

Hango-nkuumbu, me nyiri mu kwekiindisa mutima mu myominso, mu ntoono basoolu, mpisi heki bo se babaka mvuukulu yiri mu Kiristo Yesu, na nkeembu ya mantaangu momanso.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.