Mukaanda kuri bari Loma 1:13 - Musamu Wamubwete 2013

¹³ Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.

Mukaanda kuri bari Loma 1:13 ပူးပေါင်းရင်းမြစ်များ

Musamu wamubwete watina Yowane 12:24

Ngwanwa mu ngwanwa me nyiluleele, mbuti nkono saangu yibwiiri ha butoto yahele kufwa, lo sa yiba yokaka; ngo mbuti yifwiiri, lo sa yapalisa bimbutu byalaka.

Musamu wamubwete watina Yowane 15:16

Kari beenu lwasooriri me ko; kasi meenu nyalusooriri na nyalusuusa, mpisi heki beenu lweende na lubuta bimbutu, na bimbutu byeenu binamitina kuba, mpisi heki ma luloombo kuri Taata mu nkuumbu yaami, nde kaluha.

Musamu wamubwete watina Yowane 4:36

Mutori bimbutu bakiri mufutu waandi, na kutukisi bimbutu mu ntoono kidziingu kyahele manunu, kuri heki mukuni na mutori bakeembe mu kintwaari.

Biyiriki bya Bantumu 1:15

Mu biluumbu bibyo, Petelo wateleme ha kakati dya bampaangi. Mpuumbu baatu yaba ha kibeendu kikyo, yaba kampe nkama na makuumi moolo ma baatu. Nde waleele ti:

Biyiriki bya Bantumu 14:27

Bu batubuka, bakutukisa dibuundu, bayaabisa momanso ma yirikiri Nzaambi kintwaari na bo, mu kudzibukila bangooyi mweelu wa kanyi.

Biyiriki bya Bantumu 15:12

Mpuumbu yoyinso yawura, yiyuka Barnaba na Pawulo bari mu kuyaabisa momanso mari mu kweyirika Nzaambi, bidiimbu na bimaangu ha kakati dya bangooyi mu kisalu kya bo.

Biyiriki bya Bantumu 19:21

Mamo bu mayirima, Pawulo wabaka kitsimi mu kutaba Makedonya na Akaya mu kweende ku Yerusalemi. Nde waleele: "Bu nyiyisika kukwo, bwayelemene ti me mono Loma."

Biyiriki bya Bantumu 21:19

Bu kabaha mamboto, wabeke kubayaabisa musamu mosi-mosi, mu myayirikiri Nzaambi, mu kisalu kya nde, ha kakati dya bangooyi.

Biyiriki bya Bantumu 28:14

kukwo, twabaka bampaangi, batuteele mu kudzakala kuri bo, mu biluumbu nsaamu; bubwo twatubukila ku Loma.

Mukaanda kuri bari Loma 1:12

Mimyo mu kuri ti tubeenee basyaamusu ha kimosi, ha nyiba kuri beenu, mu kanyi dyantwaari kuri beenu na kuri me.

Mukaanda kuri bari Loma 11:25

Bampaangi, me ntii ko ti beenu luba kunsa lubu, mu mitariri mpaanu yimayi, mpisi luhele kumonoko bunu bangaa-madyeele mu beenu-meene, bukuri nkubulu mutima ya ndaambu kaanda dya Isaheli sa yaba, natee makaanda momanso makotiri.

Mukaanda kuri bari Loma 7:1

Mukwongo, bampaangi, me kuri bari na nyaabulu ya mangisi nyiri mu kudzoonso. Buri beenu lwahele kuyaaba, ti mangisi mari na lutumu mu muutu, mu ntaangu yoyinso yikari mu bumwooyo?

1 Kol 1:10

Bampaangi, me nyiluyingukila mu nkuumbu ya Mfumu yeetu Yesu Kiristo, yukusuneenu beenu na beenu, na yaa kuba nkabunu ha kakati dya beenu ko; beenee kintwaari mu mpeeve mosi na mu kitsimi kimosi.

1 Kol 10:1

Bampaangi, me ntii ko ti beenu luba kunsa lubu: bakuutu beetu bobanso baba kunsa mposi ya tuti, na balutila ha kakati dya mubu.

1 Kol 12:1

Bampaangi, mu ntoono ya bikabu bya kimpeeve, me ntii ko ti beenu luba kunsa lubu.

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

1 Kol 14:26

Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.

1 Kol 9:2

Mbuti mu bakaka me nyiri ntumu ko, lo mu beenu ngo bari me nyiri ntumu; bukuri beenu luri kinyemu kya kisalu kyaami kya buntumu mu Mfumu.

2 Kol 1:8

Mukwongo, bampaangi, beetu tutii ko ti beenu luba kunsa lubu, mu mpasi dzi twamono beetu ku Asya: beetu twabamini mu kiteesu kibvuriri makwa, na twaba na kitsimi ko ti, lo tubweesiri kuba bamwooyo.

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

Mukaanda kuri bari Ngalatya 3:15

Bampaangi, me nyidzoonso bunu budzoonsolaana baatu: mu misiku mya muutu mu masaala, kuri muutu mukimi wutsiitsa kuyisila bunu mpe kuteeteke ntoono ti mosi ko.

Mukaanda kuri bari Ngalatya 6:18

Bampaangi, bweese bwa Mfumu yeetu Yesu Kiristo buba na kiluunsi kya beenu! Amene.

Mukaanda kuri bari Filipo 1:22

Ngo mbuti kuba mwooyo mu muswinyi, diri ndaandu mu kisalu ku nyiri me, lo nki me nyisoolo? Nyahele kuyaaba.

Mukaanda kuri bari Filipo 4:17

Kari kuri ti me nyisaka bi bankabula ko, ngo me nyisaka kuri ti ndaandu yiba yabuukula kuri beenu.

Mukaanda kuri bari Kolosayi 1:10

kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.

Mukaanda kuri bari Kolosayi 1:6

Musamu meene watubuka natee kuri beenu, bwobumosi se kari mu nsi yansiina, wuri mu kwebuta bimbutu na wuri mu kwebuuka; bunubwo se kari mu kwesala mu beenu, kuholosono kiluumbu ki luri lwayuka, na ki luri lwabakula bweese bwa Nzaambi kunsa ngwanwa.

1 Tes 2:18

Mu didyo, beetu twaba na nzala kwiisa kuri beenu, mbiki ti me Pawulo, mbala mosi bunu pe dzoolo, ngo Satana watukabukisi.

1 Tes 4:13

Bampaangi, beetu tutii ko ti beenu luba kunsa lubu, mu mitariri babo ba mwaafwa, mpisi luhele kwenyoongo bunu bakaka bahele na nsiitu.

2 Tes 2:7

Mukwongo, mpaanu ya mamabi yeki mu kwesala; ngo kasi wunde wamukangikila yelemini kuba wayisila.

2 Tim 4:17

Mfumu wambakisiri na wampeeri makwa, mpisi heki mu munwa me, maampu maba mayaabusu mu kiteesu kyakuka, na maba mayukukuna kuri makaanda momanso. Me bankuuriri mu munwa nkosi.