Bampaangi, me ntii ko ti beenu luba kunsa lubu. Mantaangu malaka me nkootsimaa kwiisa, mu kutolo bimbutu kuri beenu na kuri makaanda makaka, ngo natee mu lumalu me bankabikisa.
Mu ntaangu yi nyikweende me ku Espanya, mukwongo, nyitsima ti sa nyalumono ha nyiluta, na bumeeni kumono kiminu mu kuba na beenu mwaa-ntaangu, tumi lumpa biri mufunu mu budyeengi bwaami kukwo.
Hemese bweese na kiyeengi, bifumunaa kuri Nzaambi Taata, na kuri Kiristo Yesu Mubvuukisi weetu, biba kuri ye Tito, mwaana waami wangwanwa mu kanyi dya ntwaari.
Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.
Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.