Mukaanda kuri bari Loma 1:11 - Musamu Wamubwete 2013

¹¹ Bukuri nyiri na musoongo walaka wa kulumono, mpisi heki nyilutubukila kikabu kyakimpeeve, mpisi luba bakumusu.

Mukaanda kuri bari Loma 1:11 ပူးပေါင်းရင်းမြစ်များ

Biyiriki bya Bantumu 16:5

Mabuundu maba kwesyaama mu kanyi na kwefununa mu lutaangu lwa baatu mpisi kiluumbu.

Biyiriki bya Bantumu 19:21

Mamo bu mayirima, Pawulo wabaka kitsimi mu kutaba Makedonya na Akaya mu kweende ku Yerusalemi. Nde waleele: "Bu nyiyisika kukwo, bwayelemene ti me mono Loma."

Biyiriki bya Bantumu 19:6

Pawulo bu kabatetekele myooko, Mpeeve Yangisi yayisa ha yulu bo, bo badzoonso mandiinga na babikula.

Mukaanda kuri bari Loma 1:12

Mimyo mu kuri ti tubeenee basyaamusu ha kimosi, ha nyiba kuri beenu, mu kanyi dyantwaari kuri beenu na kuri me.

Mukaanda kuri bari Loma 15:23

Ngo kasi mu lumalu, bukuri nsiiri na kibeendu kya kusalila mu mankoonsi mamo ko, nyiri na musoongo walaka mu kwiisa kuri beenu, kuholosono mibvu myalaka.

Mukaanda kuri bari Loma 15:29

Me nyaari ti, ha nyikwiisa kuri beenu, me sa nyiisa kuri nyaluula mu lusakumunu lwa Kiristo.

Mukaanda kuri bari Loma 15:32

Mpisi heki me nyiisa mu kiminu kuri beenu, na mu kutya kwa Nzaambi, me mpuuma na beenu.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

2 Kol 1:15

Mu nsiitu dzidzo, me nyabee nyatya kutekesele kwiisa kuri beenu, mpisi heki lutaambula bweese mu lwadzoolo.

2 Kol 1:21

Wunde wukookumisaa beetu na beenu mu Kiristo, na watukila maasi, ngo Nzaambi;

2 Kol 11:4

Mukwongo, mbuti muutu wiisiri kuri beenu, wuluyaabisiri Yesu dikimi diri beetu twasii yaabisa ko, bunu pe lutaamburi mpeeve yasoboko na yiyo yi lwataamburi, bunu pe Musamu Wamubwe wasoboko na wunde wu lwataamburi, lo beenu mya bubwo ngo miri lukuundaa.

2 Kol 9:14

Mu nsaambulu dza bo mu beenu, bo sa basoongo musoongo walaka wu bari na nde, mu ntoono bweese bwa mansaalisi bwaluha Nzaambi.

Mukaanda kuri bari Filipo 1:8

Mukwongo, Nzaambi mbaangi yaami, me nyilutiiri beenu-banso kwalaka mu lusaambu lwa Kiristo Yesu.

Mukaanda kuri bari Filipo 2:26

bukuri nde wuri na nzala beenu yalaka, na wuri mu kubamaa, bukuri beenu lwayukiri ti nde wabee wabeele.

Mukaanda kuri bari Filipo 4:1

Mu didyo, bampaangi baami ba mutima, ba ntiiri kwalaka, beenu luri kiminu kyaami na lukoongolo lwaami; ngo banduku ba mutima, beenee na keketee mu Mfumu.

1 Tes 3:13

Hemese nde kakumisa mitima myeenu, mpisi heki beenu luba bangisi na bahele maseembu ha busu bwa Taayi dyeetu Nzaambi, mu ntaangu ya nyisulu Mfumu yeetu Yesu kintwaari na bangisi baandi bobanso. [Amene].

1 Tes 3:2

na kuheeke mpaangi yeetu Timoteho, nde wukwesala kintwaari na Nzaambi mu Musamu Wamubwete wa Kiristo, mu kulukumisa na kulusyaamisa mu kanyi dyeenu,

2 Tes 2:17

kaboondo mitima myeenu, na kalukumisa mu biyiriki byobinso, na mu nzoonsulu dzadzibwete.

2 Tes 3:3

Ngo Mfumu wakwiikama, nde sa kalukumisa na kulukala mu Ngaa-bubi.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

1 Pet 5:10

Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.

1 Pet 5:12

Mu lubakusu lwa Silvano, wu nyihololaa me bunu mpaangi yakwiikama, me nyilutinini mwaa-mukaanda wumawu, mu kulusyaamisa na mu kuta kimbaangi, ti bweese bwa Nzaambi bu luri lwasiila nsiitu buri bwangwanwa.

2 Pet 1:12

Hango-nkuumbu, me nyelemini kwelubaambula mwooyo mu misamu mimyo mpisi ntaangu, ti bukuri lumiyaari kwaandi, na lwayeki lwakaangama mu ngwanwa ya lumalu.