Mukaanda kuri bari Loma 1:1 - Musamu Wamubwete 2013

¹ Pawulo, nkutu Yesu Kiristo, wataambula mbila mu kuba ntumu na wu bari basoolo mu ntoono Musamu Wamubwete wa Nzaambi.

Mukaanda kuri bari Loma 1:1 ပူးပေါင်းရင်းမြစ်များ

Musamu wamubwete watina Malako 1:14

Ha mambisa ma nkotosulu Yowane mu boroko, Yesu wayisa ku Ngalili mu kwebikisa Musamu Wamubwete wa Nzaambi,

Musamu wamubwete watina Yowane 12:26

Mbuti muutu tiiri kusalila me, lo kanama me; na haho ha nyiri me, lo kisari kya me se, sa kaba hanaho. Mbuti muutu wusalila me, lo Taata sa kamukiinsa.»

Musamu wamubwete watina Yowane 15:15

Me nyahele kubweese kuluteele bisari, bukuri kisari kayaa bisaana mfumu yaandi ko. Me nyiluteele banduku, bukuri me nyaluyaabisiri myominso mi nyayikiri kuri Taayi dyaami.

Musamu wamubwete watina Yowane 15:20

Baambukeenu mwooyo mu maampu ma nyaluleeriri: "Kisari wahele kulutila bunene ti na mfumu yaandi." Mbuti bo bakwaamisini me, lo beenu se sa balukwaamisa; mbuti bakebiri maampu ma me, lo sa bakebe se na ma beenu.

Biyiriki bya Bantumu 13:9

Hango Sawulo wu bateelaana ti Pawulo, waluula mu Mpeeve Yangisi, wamupana kisoosi

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 21:40

Bu bamuha miswa, Pawulo wateleme ha yulu kikaari, na wanaanguna kooko mu kusa kidiimbu mpisi baatu bawura. Baatu bobanso bu bawura na pwooro, nde wabadzoonsolo mu ndiinga ya kihebeleho.

Biyiriki bya Bantumu 22:21

Nde wandeele ti: "Yende, bukuri me sa nyakuheeke kuri makaanda mari ku la!"»

Biyiriki bya Bantumu 22:7

Me nyabwa ha nsi, na nyayuka mbeembu yaleele kuri me ti: "Sawuli, Sawuli, buri wuri mu kwekwaamisa me?"

Biyiriki bya Bantumu 26:1

Angiripa waleele kuri Pawulo ti: "Wuri na miswa mu kukalila nyutu yaaku." Haho Pawulo kalaambula kooko wadzoonso mu kukalila nyutu yaandi:

Biyiriki bya Bantumu 26:14

Beetu bobanso twabwa ha nsi, me nyayuka mbeembu yaba leele me mu ndiinga ya kihebeleho ti: "Sawuli, Sawuli! Mu nki wuri mu kwekwaamisa me? Diri mpasi kuri ye, mu kunwaanisa kutya kwa Nzaambi.

Biyiriki bya Bantumu 27:23

Mukwongo, Nzaambi yi bakiri me, na yi nkoosalila me, mbasi yaandi yiisiryee kumonokono me, mu butsuku

Biyiriki bya Bantumu 9:15

Mfumu waleele kuri nde ti: "Yende, bukuri weki kisalulu kya me ki nyiri nyasoolo, mu kunata nkuumbu yaami ha busu bwa makaanda, na se ha busu bwa bambyaasi na baala ba Isaheli;

Mukaanda kuri bari Loma 1:16

Mukwongo, me nyahele na nsoni mu Musamu Wamubwete, bukuri nde ngo mpinu dza Nzaambi, mu mvuukulu ya mpisi wunde wusiila kanyi, ha tete kuri Bayudayo tumi kuri Bahelene.

Mukaanda kuri bari Loma 1:5

Mu nde turi twataambula bweese na buntumu, mu kuri ti makaanda momanso matumuma mu kanyi, mu nkuumbu yaandi,

Mukaanda kuri bari Loma 1:9

Mukwongo, Nzaambi mbaangi yaami, nde wu nyisalilaa me mu mpeeve yaami, mu nyabusulu Musamu Wamubwete wa Mwaana waandi: me nyibambukilaa beenu mwooyo kwahele kuhoto,

Mukaanda kuri bari Loma 11:13

Kuri beenu makaanda me nyeki dzoonso: Mu bukuri me nyiri ntumu kuri makaanda, nyikeembese kisalu kyaami,

Mukaanda kuri bari Loma 15:16

mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.

Mukaanda kuri bari Loma 15:29

Me nyaari ti, ha nyikwiisa kuri beenu, me sa nyiisa kuri nyaluula mu lusakumunu lwa Kiristo.

Mukaanda kuri bari Loma 16:18

bukuri baatu ba bubwo bahele kusalila Mfumu yeetu Kiristo, ngo kasi myooyo mya bo-meene, na mu maampu mamabwe na mu nzoonsulu dzalupyelu, bo bakwewuna baatu bahele kulubuka.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

1 Kol 1:1

Me, Pawulo, nyataambula mbila bunu buri kutya kwa Nzaambi, mu kuba ntumu Kiristo Yesu, beetu na mpaangi Sosetene,

1 Kol 9:1

Buri me nyiri na bunsaalisi ko? Buri me nyiri ntumu ko? Buri me nyasii mono Mfumu yeetu Yesu ko? Buri beenu luri kisalu kya me mu Mfumu ko?

2 Kol 1:1

Pawulo, ntumu Kiristo Yesu mu kutya kwa Nzaambi, na Timoteho mpaangi, kuri dibuundu dya Nzaambi diri ku Korinto, na kuri bangisi bobanso bari mu Akaya dyodinso.

2 Kol 11:5

Mukwongo, me nsimini ti nyahele kubvula buntele, na bantumu ba beenu babanene babo, mu ntoono ti mosi.

2 Kol 11:7

Hoti masumu me nyiri nyayirika mu kuba wakuluka me-meene, mpisi beenu luba lwadzaangusu, bukuri twaluyaabisa Musamu Wamubwete kwa mungengi?

2 Kol 12:11

Me nyeki kilawuku bukuri beenu lwankwikisiri. Mukwongo me nyaketi kubaka ntumunu kuri beenu, bukuri me nyahele kubvula buntele, na bantumu ba beenu babanene babo, mu ntoono ti mosi, ti hayuku nyiri wabuunu.

2 Kol 2:12

Me nyatubuka ku Torowasi, mu kweyaabisa Musamu Wamubwete wa Kiristo, na Mfumu wanzibukila mweelu,

2 Kol 4:5

Mukwongo, beetu twahele kweyaabisa mi tariri beetu-meene, ngo Yesu Kiristo Mfumu turi mu kweyaabisa; beetu-meene ngo turi bisari bya beenu mu ntoono Yesu.

Mukaanda kuri bari Ngalatya 1:1

Me Pawulo ntumu, kari bu tiiri baatu bunu pe muutu ko, ngo bu tiiriri Yesu Kiristo na taayi Nzaambi wamufulukisa mu bafwa.

Mukaanda kuri bari Efeso 1:1

Me Pawulo, ntumu Yesu Kiristo, mu kutya kwa Nzaambi, kuri bangisi bari ku Efeso, na kuri bakwiikama mu Kiristo Yesu,

Mukaanda kuri bari Efeso 1:13

Mu nde, beenu luri lwayuka maampu ma ngwanwa, Musamu Wamubwete wa mvuukulu yeenu. Mu nde se, bu lwasiiriri kanyi, balusiiri kidiimbu mu Mpeeve Yangisi ya lusiilulu.

Mukaanda kuri bari Efeso 4:11

Na nde-meene wasa kuri ti, babamosi baba bantumu, bakaka babikiri, bakimi madingisi, bakaka se batari, na bakimi se bayikisi.

Mukaanda kuri bari Filipo 1:1

Pawulo na Timoteho, bankutu ba Yesu Kiristo, kuri bangisi mu Kiristo Yesu bari ku Filipo, bari kintwaari na bakuutu ba dibuundu na bisari:

Mukaanda kuri bari Filipo 2:11

na ndima dzodzinso dzileele ti Yesu Kiristo ngo Mfumu, mu nkeembu ya Taayi Nzaambi.

Mukaanda kuri bari Kolosayi 1:1

Me Pawulo, ntumu Kiristo Yesu mu kutya kwa Nzaambi, na Timoteho mpaangi,

Mukaanda kuri bari Kolosayi 1:25

Mu dyo, me nyayeki kisari, bunu buri bitsimi bya Nzaambi, bikari kaha kuri me, mu ntoono beenu, mu kukukisa maampu ma Nzaambi,

1 Tes 2:2

Bunu bu luyaari, beetu twamono mpasi na batubamisa ku Filipo, ngo Nzaambi yeetu watusyaamisa mu kuyikisa Musamu waandi Wamubwete kunsa nwaanusunu dzamakwa.

1 Tes 2:8

Mu musoongo wu turi na nde mu beenu, beetu turi na kiminu mu kuluha, kari wunu Musamu Wamubwete wa Nzaambi ko, ngo na kidziingu kya beetu-meene se, bukuri beenu luri bampaangi ba mutima.

1 Tes 2:9

Mukwongo, baambukeenu mwooyo, bampaangi, mu kisalu kya makwa na mpasi dza beetu: beetu twaluyikisa Musamu Wamubwete wa Nzaambi, mu kwesala butsuku na mwiini, mpisi heki ti mosi mu beenu kahele kutubuungula.

1 Tim 1:1

Pawulo, ntumu Yesu Kiristo, bunu buri lutumu lwa Nzaambi mubvuukisi weetu, na lwa Yesu Kiristo, nsiitu yeetu.

1 Tim 2:7

Mu kimbaangi kikyo me bari bansuusa mu kuba dingisi na ntumu, mu kweyikisa makaanda mu nzila ya kanyi na ya ngwanwa; me ngwanwa nyiri mu kuleele, nyahele kufuta mpya.

2 Tim 1:11

Mu ntoono Musamu Wamubwete wunde, me bayeki bansa mubikisi, ntumu na muyikisi.

Mukaanda kuri Tito 1:1

Me Pawulo, nkutu Nzaambi, ntumu Yesu Kiristo mu mitariri kanyi dya basoolu ba Nzaambi, na mu mitariri nyaabulu ngwanwa bunu buri kinzaambi,

Mukaanda kuri Bahebeleho 5:4

Kuri muutu wutaambula lukiinsu lulwo mu nde-meene ko, ngo wunu wataambula mbila Nzaambi, bunu Aaloni.

Mukaanda kuri Bahebeleho 7:26

Mukwongo, kuri beetu mukuutu bangaanga-nzaambi waba wayelemene ngo wabubwo. Nde wangisi, wahele na mamabi, wahele na masumu, wahaambuka na bangaa-masumu, na bamunaakisa ku nkati yulu.

Mukaanda wa Yakobo 1:1

Me Yakobo, nkutu Nzaambi na ya Mfumu Yesu Kiristo, kuri makaanda kuumi na moolo matsamukina mu mansi, mboto yeenu!

1 Pet 4:17

Bukuri kimaki ngo kilookolo kya kubaandika mutsuundu mu nzo ya Nzaambi. Ngo mbuti bandukiri mu beetu, lo buri bubeele nsukulu ya babo, babisa kusa kanyi mu Musamu Wamubwete wa Nzaambi?

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

Mukaanda Yuda 1:1

Yuda, nkutu Yesu Kiristo, mpaangi Yakobo, kuri babo ba bari bateele mbila, batya mu Taayi Nzaambi, na ba bari bakebe mu Yesu Kiristo.

Nyabusulu ya Yowane 1:1

Nyabukusu Yesu Kiristo ya muha Nzaambi, mu kusoongo kuri bisari byaandi, mamo makwiisa mu mawasu. Nde waheeke mbasi yaandi kuri kisari kyaandi Yowane, mu kuyaabisa yo,

Nyabusulu ya Yowane 22:6

Mbasi yaleele kuri me ti: «Maampu mamama makuka mu kanyi na mangwanwa. Na Mfumu, Nzaambi ya mampeeve ma babikiri, waheeke mbasi yaandi mu kusoongo kuri bisari byaandi, mamo mari bele mu kwiisa.»

Nyabusulu ya Yowane 22:9

Nde waleele kuri me ti: «Mono, yaa sa bubwo koono; me mbasi yaaku ya kisalu, na ya bampaangi baaku babikiri, babo bakebaa maampu ma mukaanda wumawu. Nzaambi ye yelemini kusaambila.»