Mukaanda kuri bari Efeso 6:5 - Musamu Wamubwete 2013

⁵ Bankutu, tumumeenu kuri bamfumu beenu ba muswinyi, mu kibvumi na mu ntekutulu, kunsa nkulukulu mutima, bunu ti kuri Kiristo.

Mukaanda kuri bari Efeso 6:5 ပူးပေါင်းရင်းမြစ်များ

Musamu wamubwete watina Matayi 6:22

«Diisu ngo mwiinda nyutu. Mbuti diisu dya ye dyaditsiina, lo nyutu ye yoyinso yiri kunsa buungi.

Musamu wamubwete watina Matayi 6:24

«Kuri muutu ko wuri lo bangusini kusalila bamfumu boolo; mukwongo nde lo sa kabele wamosi, na kutya wakaka; bunu pe sa kakaangama mu wamosi, na kunyaafuna wakaka. Ka lutsiitsa kusalila Nzaambi kiteesu kimosi na mboongo ko.»

Musamu wamubwete watina Matayi 8:9

Mukwongo, me muutu nyiri kunsa lutumu, ngo me-meene se nyiri na bayongolo kunsa lutumu lwa me. Me ndeelaana kuri wumawu ti: "Yende", lo nde weensi; na wakaka ti: "Wasa", lo wiisiri; na kuri kisari kyaami ti: "Yirika mamama", lo yirikiri.»

Biyiriki bya Bantumu 2:46

Mpisi kiluumbu, baba namitinaana kuba mu kintwaari mu Nzo-nzaambi, mu kubukuna mpa, na kukabula byandya ku nzo,

Mukaanda kuri bari Loma 9:3

Me nyitiisila mu me-meene, kuba kunsa mpopi, na kuba la na Kiristo, mu ntoono bampaangi baami, bampaangi baami ba mu kaanda dya muswinyi,

1 Kol 2:3

Na ha busu bwa beenu, me nyaba na buyonsi, na boomo, na mantekete.

1 Kol 7:22

Mukwongo, nkutu yataambula mbila mu Mfumu, muutu wakuuluka wuri wa Mfumu; bwobumosi se, muutu wuri bunsaalisi wataambula mbila, nkutu Kiristo kari.

2 Kol 1:12

Mukwongo, kimweese kyeetu ngo kimbaangi kya nsimunu yeetu, beetu twadyaatiri ha nsi, na ha busu bwa beenu, mu nkulukulu na mu nsyemukunu ya Nzaambi, kari mu madyeele ma kimuutu ko, ngo mu bweese bwa Nzaambi.

2 Kol 7:15

Nde wuri na musoongo walaka mu beenu, mbiki ti ha kabaambuka nde mwooyo mu kutumuma kwa beenu-banso, na bu lwasiiri mu kumutaambula mu kibvumi na mu ntekutulu.

Mukaanda kuri bari Efeso 5:22

Bakasi batumuma kuri balumi ba bo-meene bunu ti kuri Mfumu,

Mukaanda kuri bari Efeso 6:24

Bweese buba kuri bobanso, batyaanaa Mfumu yeetu Yesu Kiristo, mu ntiilu yiri yabiiyaa ko.

Mukaanda kuri bari Filipo 2:12

Mu didyo, banduku baami ba mutima, bunu bu lukootumumaa mu mpisi ntaangu, kari hani ha busu bwa me ko, ngo mu lumalu, bvulee kutumuma, me bu nyiri nde pe. Salilee mu kibvumi na mu ntekutulu, mu kubaka mvuukulu ya beenu-meene,

Film 1:16

kari bunu nkutu ko; ngo bu bvuriri bubwete ti na nkutu, mpaangi ya mutima; mbiki ti mu me, ngo bvula-bvula mu ye, mu kimuutu na mu Mfumu.

1 Pet 3:2

bu bamono ndyaatulu yeenu ya bungisi kunsa kibvumi.