Mukaanda kuri bari Efeso 6:19 - Musamu Wamubwete 2013

¹⁹ na mu me se, mpisi heki me bampa dyaambu dya kuleele, mu ntaangu yintiiri kudzibula munwa waami, mu kuyaabisa mu bunsaalisi mpaanu dza Musamu Wamubwete.

Mukaanda kuri bari Efeso 6:19 ပူးပေါင်းရင်းမြစ်များ

Biyiriki bya Bantumu 13:46

Kasi Pawulo na Barnaba bu baba baluula mu nsiitu baleele ti: "Kuri beenu baketyee kuyikiseeti maampu ma Nzaambi; ngo mu bukuri beenu luri mu kulooso mo, na lumono mu beenu-meene ti lwahele kukuka mu kidziingu kya mantaangu momanso; mono beetu tusyeetukiri kuri bangooyi.

Biyiriki bya Bantumu 14:3

Hango, bo balutisa mwaa-ntaangu yalaka, badzoonsolo mu nsiitu mu Mfumu, wata kimbaangi mu maampu ma bweese bwaandi, na wa baha mpinu mu kuyirika bidiimbu na bimaangu mu myooko mya bo.

Biyiriki bya Bantumu 18:26

Nde wabaandika kuyikisa mu kibakala mu nzo-nkutukunu; Piriska na Akila bu bamuywiila, bamuholo mu kuba na bo, na bamuyikisa nzila [Nzaambi].

Biyiriki bya Bantumu 19:8

Bu kakoto mu nzo-nkutukunu, nde wayikisa mu bunsaalisi, mu mangoondo matatu, nde waba dzoonsaana na waba yukusaana mu mitariri Kimfumu kya Nzaambi.

Biyiriki bya Bantumu 2:4

Bobanso baluula mu Mpeeve Yangisi, na bo babaandika mu kudzoonso mu mandiinga makaka, bunu bwa baheeriri Mpeeve mu kudzoonso.

Biyiriki bya Bantumu 28:31

Nde wayaabisa Kimfumu kya Nzaambi, na wayikisa mitariri Mfumu Yesu Kiristo, mu nsiitu dzodzinso, kwahele bikakusulu.

Biyiriki bya Bantumu 4:13

Bo bu bamono nsiitu dza ba Petelo na Yowane, babakula ti baatu ba bahele kuyika, na bahele na nyaabulu, bapamuka; babayaabula ti bo babee kwebaanaa kintwaari na Yesu.

Biyiriki bya Bantumu 4:29

Na mu lumalu, Mfumu mono kibakala kya bo, na ha kuri bisari byaaku, mu nsiitu yoyinso mu kuyikisa maampu maaku.

Biyiriki bya Bantumu 4:31

Bu baba mu kusaambila, kibeendu ki baba bakutukina kyatembele, na bo baluula mu Mpeeve Yangisi, na babeke kweyikisaa maampu ma Nzaambi mu nsiitu.

Biyiriki bya Bantumu 9:27

Ngo Barnaba bu kamuholo, wamunata kuri bantumu, na Sawulo wabaangula kuri bo, bunu bu kamwiinini Mfumu mu nzila, na bunu bu kadzoonsiri kuri nde, na bunu bu kadzoonsiri, ku Damasiko, mu nsiitu nkuumbu Yesu.

Biyiriki bya Bantumu 9:29

Nde waba kwedzoonso, na waba kwesaa se nkalikisi se na Bahelene; ngo bamaba basaka bwa kumudzusa;

Mukaanda kuri bari Loma 15:30

Bampaangi, me nyilusyaamisa, mu Mfumu yeetu Yesu Kiristo, na mu ntiilu ya Mpeeve, mu kunwaana kintwaari na me, mu nsaambulu kuri Nzaambi, mu ntoono me.

Mukaanda kuri bari Loma 16:25

Kuri wunde wakuka mu kulukumisa, bunu buri Musamu waami Wamubwete, wu nyikwenata mu nyaabusulu Yesu Kiristo, bunu buri nyabusulu mpaanu dzasweeku, kuholosono mu mantaangu mahele mbandukulu na manunu.

1 Kol 1:5

bukuri mu nde, beenu lwayeki bisina mu momanso, mu maampu momanso na mu nyaabulu yoyinso.

1 Kol 2:7

ngo kasi, beetu turi mu kweyikisa madyeele ma Nzaambi masweeku kunsa mpaanu, mari Nzaambi watekisiri kutaasila mo mu nkeembu yeetu tekesele mu bibvu.

1 Kol 4:1

Mu didyo, baatu bayelemini kutuhololo bunu bisari bya Kiristo, na bakebi ba mpaanu dza Nzaambi.

2 Kol 1:11

Beenu se luri kintwaari, bu luri mu kusaambilaa mu beetu, mpisi heki bweese bu tutaambula beetu, mu ntoono lusaambulu lwa baatu balaka, buba dyaambu dya mvutukulu matoondo kuri beetu.

2 Kol 3:12

Bu turi na nsiitu dza bubwo, ngo turi mu kwesalila mu nsiitu dzodzinso.

2 Kol 6:11

Beetu twadzoonsiri kuri beenu, bari Korinto, mitima myeetu myabeeri myadzibulu na pwelelee.

2 Kol 7:4

Me nyiri na nsiitu yalaka mu beenu, nyiri na kimweese kyalaka mu beenu, me nyaluula mu mboondulu, me kiminu kyabuukula kunsa mpasi dzeetu dzodzinso.

2 Kol 8:7

Ngo bukuri beenu luri na byobinso byabuukula: kanyi, lungweensu, nyaabulu, kuheme mu myominso, na ntiilu yi luri na yo mu beetu; lo beenee se babuukula mu bweese bubwo.

Mukaanda kuri bari Efeso 1:9

Nde watuyaabisa mpaanu dza kutya kwaandi, bunu buri kiminu kyaandi ki kasoongiri mu Kiristo,

Mukaanda kuri bari Efeso 3:9

na mu kuyirika kubaangula kuri bobanso bunu buri kisalu kya mpaanu ki bari basweeke, kuholosono mu mibvu, mu Nzaambi, wuri nde muyiriki bitotolo byobinso.

Mukaanda kuri bari Kolosayi 2:2

Me ntiiri ti mitima mya bo miba myasyaamusu, baba babvuutuna mu kintwaari kunsa ntiilu, na mu kubaka busina bwobunso bwa nduululu ya madyeele, mu nyaabulu mpaanu dza Nzaambi, ngo Kiristo,

Mukaanda kuri bari Kolosayi 4:3

Mu ntaangu yo yimosi, saambilee se na mu beetu, mpisi heki Nzaambi katuha mpwaani ya kuyikisa maampu, na kuyaabisa mpaanu dza Kiristo, bukuri mu ntoono mpaanu dzidzo me nyiri mu boroko.

1 Tes 2:2

Bunu bu luyaari, beetu twamono mpasi na batubamisa ku Filipo, ngo Nzaambi yeetu watusyaamisa mu kuyikisa Musamu waandi Wamubwete kunsa nwaanusunu dzamakwa.

1 Tes 5:25

Bampaangi, saambileenu se mu beetu.

2 Tes 3:1

Mu misiiri, bampaangi, saambileenu mu beetu, mpisi heki maampu ma Mfumu maba mayabakana na maba makeembele bunu bu mari kuri beenu.

1 Tim 3:16

Diri dyayabakana ti, mpaanu dza kinzaambi dziri dzadzinene: Kiristo, wamonikini mu muswinyi, Mpeeve wasoongiri kuri ti nde wasuunguma, bambasi bamumono, bamuyabikisa kuri makaanda, bamusiila kanyi mu nsi, bamunata ku yulu mu nkeembu.

Film 1:22

Mu ntaangu yo yimosi, yirikila me se kibeendu ki wuntambukila; me nyiri na nsiitu ti mu ntoono nsaambulu dzeenu, me sa bamvutula kuri beenu.

Mukaanda kuri Bahebeleho 13:18

Saambileenu mu beetu. Mukwongo, beetu tuyirikiri kuyaaba ti turi na nsimunu yayibwete, mu nzala kuba na ndyaatulu yayibwete mu myominso.