Mukaanda kuri bari Efeso 5:3 - Musamu Wamubwete 2013

³ Buyala, na nsumukunu dza bitsuumbu-bitsuumbu, bunu pe ntiki-mboongo, yaa biba ha kakati dya beenu ko, bubwo bwayelemene kuri bangisi.

Mukaanda kuri bari Efeso 5:3 ပူးပေါင်းရင်းမြစ်များ

Musamu wamubwete watina Matayi 15:19

Bukuri mu mutima mu palaana: bitsimi byabibi, munzusu baatu, kimpala, buyala, kwiibi, bimbaangi byampya na nsaanunu.

Musamu wamubwete watina Luka 12:15

Yesu waleele kuri bo ti: «Taleenu na seenee madyeele mu mpisi kiteesu kya ntiki-mboongo, bukuri ti hayuku muutu waluula mu busina, lo kidziingu kya nde kyahele kukaangama mu bitotolo bi kari na byo.»

Musamu wamubwete watina Luka 16:14

Bafarisi batiiri mboongo, baba yukaa momanso mamo, na basiila Yesu munsiku.

Biyiriki bya Bantumu 15:20

Kasi batinineenu mu mukaanda ti yaa besumuka mu biteki ko, yaa besa buyala ko, yaa bedya toongo twa bibulu byadzusa mu tsukusulu muwuumunu, na bedya makila ko.

Biyiriki bya Bantumu 20:33

Me nya sii saka mboongo, bunu pe woolo, bunu pe binkuta bya muutu ko.

Mukaanda kuri bari Loma 1:29

Bayeki baluula mu momanso ma bubayi, mu mutima-bubi, mu ntiki-mboongo, mu nyirikulu mamabi; baluula mu musoki, nzusulu baatu, mu mayumu, mu mawunu, mu ndyaatulu dzadzibi. Bo bangaa-saana,

Mukaanda kuri bari Loma 16:2

mpisi heki lumutaambula mu Mfumu, mu kiteesu kyayelemene kya bangisi, na lumubakisa mu musamu ngo musamu, wu kaba na nzala beenu; bukuri nde wabeeri mubakisi wa baatu balaka, na wa me-meene.

Mukaanda kuri bari Loma 6:13

Yaa lusalila binamu byeenu, bunu bisalulu bya bubayi mu kuyirika masumu ko. Ngo kasi beenu-meene salileenu Nzaambi, bunu baatu bamwooyo bafulukusu mu bafwa, na salileenu binamu byeenu, bunu binwaanunu bya nsungumunu mu kusalila Nzaambi.

1 Kol 10:8

Yaa tuyekelee manyutu mu buyala ko, bunu bwayirikiri babamosi mu bo, kuri mu kiluumbu kimosi, mafuunda makuumi moolo na matatu ma baatu bafwiiri.

1 Kol 5:1

Bari mu kweleele ti, ha kakati dya beenu kuri buyala; buyala buri, ti ha kakati dya bangooyi kwahele mya bubwo; kuri lo muutu wakitula mukasi taayi weki mukasi nde.

1 Kol 6:13

Byandya bya mwooyo biri, na mwooyo wa byandya, ngo Nzaambi sa katsyaamuna byobyoolo. Nyutu yiri ya buyala ko, ngo ya Mfumu, na Mfumu wa nyutu.

1 Kol 6:18

Bateenu buyala. Mpisi masumu, mari muutu wumayirika, lo mari ku mbasi nyutu. Ngo wusa buyala, wuyirikaana masumu mu nyutu ya nde-meene.

2 Kol 12:21

Me nyibata kuri ti, ha nyibweese kwiisa, Nzaambi kankulula ha busu bwa beenu, na me nkoto bufwiiri, mu ntoono balaka bayirikiri masumu mu ntaangu yayikulu, na bahele kuyiinga madyeele mu kuhoto kuyirika, mya nsumukunu, mya kimpala na mya buyala.

Mukaanda kuri bari Efeso 5:12

Mukwongo, diri dyansoni mu kudzoonsolo ma bari mu kweyirika bo mu nsweeki.

Mukaanda kuri bari Efeso 5:5

Mukwongo, yaabeenu dimadi: mpisi kiyala, bunu pe wasumuka, bunu pe ngaa-lukakutu, yiyo nsambukulu-biteki, lo wabubwo wahele na saala mu Kimfumu kya Kiristo bo na Nzaambi.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Kolosayi 3:5

Ngo hoteenu kusalila bifu bya nsi: buyala, nsumukunu, mantiilu mamabi, nyiimunu dzadzibi, na ntiki-mboongo yiri nsambukulu-biteki.

1 Tes 4:3

Kutya kwa Nzaambi kuri ti, beenu luba bangisi na luhele kwesalila buyala.

1 Tes 4:7

Mukwongo, Nzaambi ka siiri kututeele mbila mu kuba kunsa nsumukunu ko, ngo mu kuba kunsa bungisi.

1 Tim 2:10

kasi byayelemene kuri bakyeetu basalilaa kibvumi kya Nzaambi, ngo mu kubweeye mu biyiriki byabibwete.

1 Tim 3:3

yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

1 Tim 6:10

Mukwongo, ntiilu ya mboongo ngo mwaansi wa momanso mamabi; babamosi bakaangama mu yo, bayeki badziimbisa kanyi, na bakomono manyutu maaku mu mburi manyoongi.

2 Tim 3:2

Mukwongo, baatu sa baba na kifu, batiiri mboongo, bangaa-nzala-kubila, bangaa-masiiku, bangaa-saana, bari na nko kuri bataayi na banguri, bari batoonda ko, bahele kubvumina bya Nzaambi,

Mukaanda kuri Tito 1:11

Ba bubwo bayelemene kubakaangisa minwa, bukuri bari mu kwekotoso kisaangila munsa makaanda mansiina. Bakweyikisa myahele kuyelemene, mu kubaka mufutu wa bumbabu.

Mukaanda kuri Tito 1:7

Mukwongo, mukuutu dibuundu wukebaa bya Nzaambi, kayelemini kuba na ntoono yi bamuseembele ko, wahele na masiiku, kari ngaa-mankesi ko, kari yaa-kinwi ko, kari ngaa-bikiindu ko, na kari wukwebakilaa mu bumbabu ko.

Mukaanda kuri Tito 2:3

Bakyeetu ba binuni se bwobumosi, mu kidziingu kya bo basoongo nzelu yayelemene mu bangisi. Yaa baba na makele ko, yaa baba bankutu ba nwiinu malu ya mawaamba ko, ngo baba bayikisi ba mamabwe,

Mukaanda kuri Bahebeleho 12:16

Yaa kuba muutu ti mosi, wakiyala bunu pe, wahele kwebvumina bitotolo byangisi, bunu Esawu wayarikiri bukuutu bwaandi mu kilaambu kimosi.

1 Pet 5:2

Buunguleenu mpuumbu ya Nzaambi yiri ha kakati dyeenu. Kebeenu yo mu bunkete, kari mu kukwiikisa ko, ngo mu mutima-bubwete bunu buri kutya kwa Nzaambi, kari mu kubaka mufutu mu bumpilikisi ko, ngo mu kuheme,

2 Pet 2:10

mbiki ti babo batiiri kweyukutisa muswinyi, mu nyiimunu dzasumuka, na bakwenyaafuna bumfumu. Babo ngo bangaa-nzala-kubila, bangaa-masiiku, bahele na boomo mu kwesaana biluunsi bya nkeembu,

2 Pet 2:14

Miisu mya bo myaluula mu kimpala, na banamitina mu kweyirika masumu. Bakwekoondo baatu bahele kukwiikama, mitima mya bo myayuku mu ntiki-mboongo, bo ngo baala ba mpopi.

2 Pet 2:3

na mu ntiki-mboongo, mu dzoonsolo dza lupyelu bo sa babadiilila manene. Kuri bo kuholosono na kidzika, mutsuundu wuri mu kwesala, na mfukusulu yaaku yahele kubwa tolo.

Nyabusulu ya Yowane 2:14

Kasi me nyiri na munyoongi wantele mu ye: bukuri ye wuri na baatu bakaangama mu nyikusulu dza Balaami, waba yikisa kuri Balaki, bwa kubwiisila baala ba Isaheli, mu kudya toongo, twaha mu bikabu kuri biteki na kwesa buyala.

Nyabusulu ya Yowane 2:21

Me nyimuha ntaangu ya kuyiinga dyeele, ngo wahele kutya kuyiinga dyeele mu buyala bwaandi.

Nyabusulu ya Yowane 21:8

Nkani kuri babo bari na boomo, bahele kukwiikama, bangaa-bubi, badzusi, biyala, bangaa-makundu, misaambiri mya biteki, na bobanso bangaa-mpya, saala dya bo ngo dyaanga dya mbaawu ya mile, lulwo ngo lufwa lwadzoolo.»

Nyabusulu ya Yowane 22:15

Bambwa, bangaa-makundu, biyala, badzusi, misaambiri mya biteki, na mpisi wunde wutyaanaa mpya, na wusalilaa mpya, ku mbasi baba.

Nyabusulu ya Yowane 9:21

Bo basii yiinga madyeele se ko, mu ntoono ya kwedzusa baatu, kweloko baatu, kwesalila buyala na kweyiba.