Mukaanda kuri bari Efeso 5:21 - Musamu Wamubwete 2013

²¹ Yende lwetumuma bamosi kuri bakaka, mu kibvumi kya Kiristo.

Mukaanda kuri bari Efeso 5:21 ပူးပေါင်းရင်းမြစ်များ

1 Kol 16:16

Beenu se beeneenu batumuma kuri baatu ba bubwo, na kuri mpisi wunde wukwesala na kwemono mpasi kintwaari na bo.

2 Kol 5:11

Ngo bu tuyaari buri kibvumi kya mfumu, beetu tusakaana kuri ti baatu babakula dyo. Nzaambi wutuyaari nkati kwafwaana; na me nsimini ti mu mitima myeenu beenu se luyaari kwafwaana.

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

Mukaanda kuri bari Ngalatya 5:13

Mukwongo, bampaangi, beenu baluteele mbila mu kuba mu bunsaalisi. Ngo kasi, bunsaalisi bubwo yaa buba mpwaani ya kwedyaatila mu kimuutu ko; ngo kunsa ntiilu yendee lwesalisina beenu na beenu.

Mukaanda kuri bari Efeso 5:22

Bakasi batumuma kuri balumi ba bo-meene bunu ti kuri Mfumu,

Mukaanda kuri bari Efeso 5:24

ngo kasi bunu bu tumumaana dibuundu kuri Kiristo, bunu bwo se, bakasi bayelemini kutumuma kuri balumi baaku mu myominso.

Mukaanda kuri bari Filipo 2:3

Yaa lwesalila kunsa nwaanusunu ko, bunu pe mu nzala-kubila yabuunu ko, ngo kasi mu nkulukulu, holulee bambaasi bunu ti bo babvuriri na beenu.

1 Tim 2:11

Wa mukyeetu kanama nyikusulu kuri wawura, mu kutumuma kwokunso.

1 Tim 3:4

Nde yelemini se kutwaalisaa nzo ya nde-meene kwa kubwete, wusuusaa baala kunsa lutumu na kunsa kibvumi kyokinso.

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.

1 Pet 2:13

Beenee batumuma kuri mpisi lutumu lwa baatu, mu ntoono Mfumu, ti hayuku kuri mbyaasi wubvuriri lutumu,

1 Pet 2:17

Kiinseenu baatu bobanso, tyeeneenu bampaangi ba luri mu dibuundu, bvuminee Nzaambi, kiinseenu mbyaasi.

1 Pet 5:5

Bunubwo se, bituuti, beenee batumuma kuri bakulu ba babakala. Beenu-banso lwaateenu nkulukulu bunu musweele ha busu bwa bambaasi, bukuri: «Nzaambi wutungukilaa bangaa-masiiku, ngo kasi wuhaanaa bweese kuri bakuluka.»