Mukaanda kuri bari Efeso 5:2 - Musamu Wamubwete 2013

² na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Efeso 5:2 ပူးပေါင်းရင်းမြစ်များ

Musamu wamubwete watina Matayi 20:28

Bwobumosi mu Mwaana muutu wahele kwiisa mu kuri ti bamusalila, ngo mu kusalila na kuha kidziingu kyaandi, bunu kikori mu balaka.»

Musamu wamubwete watina Yowane 13:34

Me nyiluha lutumu lwamoono: Tilisineenu beenu na beenu; bunu bu nyiri nyalutya me, beenu se tilisineenu beenu na beenu.

Musamu wamubwete watina Yowane 6:51

Me ngo mpa ya mwooyo yafumuna ku yulu; mbuti muutu diiri mpa yiyo, lo nde sa kaba mwooyo mu bibvu ngo bibvu. Na mpa yi nyiha me, ngo muswinyi waami, mu ntoono kidziingu kya nsi.»

Mukaanda kuri bari Loma 15:16

mu kuba mu kisalu kya Kiristo Yesu, mu ntoono makaanda, bu nyayekele nyutu mu ntoono Musamu Wamubwete wa Nzaambi, mpisi makaanda maba kikabu kyataambulu, kyasakumunu kuri Mpeeve Yangisi.

Mukaanda kuri bari Loma 4:25

Nde bamuyekele mu ntoono masumu meetu, na Nzaambi wamufulukisi mpisi tuba basuunguma.

Mukaanda kuri bari Loma 8:3

Mukwongo, mangisi maketi kubangisina mimyo ko, bukuri maba mahele na makwa mu ntoono muswinyi. Ngo Nzaambi bu kaheeke Mwaana waandi, mu kifwa-fwani kya muutu ngaa-masumu, mu ntoono masumu, wabwiisa masumu mu nyutu ya muswinyi,

Mukaanda kuri bari Loma 8:37

Kasi mu momanso mamo, beetu tubvuriri kuba baluuluka mu wunde watutya.

1 Kol 16:14

Hemese myominso mya beenu myeyirimina kunsa ntiilu.

1 Kol 5:7

Ngo yisileenu lufunusu lwalukulu, mpisi beenu luba mbanda yamoono, bukuri mu beenu lufunusu lwo pe. Mukwongo, Kiristo Paaka dyeetu, wayeki wadzusu mu kumuha bunu kikabu.

2 Kol 2:14

Matoondo kuri Nzaambi! Nde wuri mu mpisi ntaangu wutululukisaa mu Kiristo, na wukwepukulaa mu mpisi kibeendu, mfuku ya nyaabulu yaandi mu beetu.

2 Kol 2:15

Bukuri beetuneenu ngo mfuku yayibwete ya Kiristo, kuri Nzaambi, ha kakati dya babvuuka na badziimbila;

2 Kol 8:9

Mukwongo, beenu luyaari bweese bwa Mfumu yeetu Yesu Kiristo: nde waba kisina, kasi mu ntoono beenu, walwaata buwelu, mpisi heki mu buwelu bwaandi, beenu luba bisina.

Mukaanda kuri bari Ngalatya 1:4

Yesu Kiristo wayekiri nyutu yaandi mu ntoono masumu ma beetu, mpisi heki katukuula mu ntaangu yayibi yimayi, bunu buri kutya kwa Nzaambi wuri Taayi dyeetu.

Mukaanda kuri bari Ngalatya 2:20

Me nyiri mwooyo, ngo kari me ko, kasi Kiristo wuri mwooyo mu me. Mi nyikwemono me lumalu, mu kidziingu kya me mu muswinyi, me nyikwenata myo mu kanyi di nyiri na dyo mu Mwaana Nzaambi, wantya na wayekiri nyutu yaandi mu ntoono me.

Mukaanda kuri bari Efeso 1:4

Mu nde, Nzaambi watusoolo, tekesele nyirikulu nsi, mu kuba bangisi na bahele na mi babaseembele, ha busu bwaandi kunsa ntiilu.

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

Mukaanda kuri bari Efeso 3:19

luyaaba ntiilu ya Kiristo, yalutula nyaabulu. Mu bubwo beenu luba lwaluula natee mu nduululu yoyinso ya Nzaambi.

Mukaanda kuri bari Efeso 4:15

Ngo kasi habaanaa tukwedzoonso ngwanwa mu ntiilu, lo tukwebuuka mu nde mu momanso; nde Kiristo, wuri mutu.

Mukaanda kuri bari Efeso 4:2

mu nkulukulu yoyinso, mu bundeembu, mu nkindusulu-mutima, mu kwekuunda bambaasi beenu na beenu mu ntiilu.

Mukaanda kuri bari Efeso 5:15

Ngo seenee madyeele na bunkete mu ndyatulu yeenu, yaa luba bunu biwulu ko, ngo beenee bunu bangaa-madyeele,

Mukaanda kuri bari Efeso 5:25

Balumi, tyeenee bakasi beenu, bunubwo se Kiristo kari watya dibuundu, na wayekele nyutu yaandi mu ntoono dyo.

Mukaanda kuri bari Filipo 4:18

Me nyataambula byobinso, na nyiri na byabuukula, me nyaluula bu nyataamburi bi lwampeekiri kuri Epaforodito, biri bunu mananaasi ma mfuku yayibwete, kikabu kya kudzusa kyataambulu na kyabweeye kuri Nzaambi.

Mukaanda kuri bari Kolosayi 3:14

Ha yulu momanso mamo, salilee ntiilu ngo musiinga wa nyirimunu yakuka.

1 Tes 4:9

Mu dyaambu dya ntiilu ya kimpaangi, beenu luri na nzala kuri ti ba lutinina ko, bukuri beenu-meene lwayeki lwayika kuri Nzaambi bwa kutilisina beenu na beenu.

1 Tim 2:6

Nde waheeri kikori ngo nyutu yaandi, mu kukuula baatu bobanso, kikyo ngo kimbaangi mu ntaangu yayelemene.

1 Tim 4:12

Muutu yaa kasaana butuuti bwa ye ko, ngo soongo kifwaani kuri bangaa-kanyi, mu nzoonsulu, mu ndyaatulu, mu ntiilu, mu kanyi, na mu bungisi.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 8:3

Mukwongo, mpisi mukuutu bangaanga-nzaambi, bamubyaalisaa mu kuhaanaa bikabu na kudzusaa bibulu byaha mu kikabu; haho hari mufunu kuri nde se mu kuba na kitotolo, ki kaha.

Mukaanda kuri Bahebeleho 9:14

lo makila ma Kiristo, waheeri nyutu yaandi yahele na kipfuumi, mu Mpeeve ya mantaangu momanso kuri Nzaambi, mabvuriri kutsyeemese nsimunu yeetu mu biyiriki byafwa, mu kusalila Nzaambi yamwooyo.

Mukaanda kuri Bahebeleho 9:23

Ngo mbuti bibyo byafwanikina na bitotolo bya ku yulu byatsyeemusu mu nzila yiyo, lo diri mufunu ti bitotolo bya ku yulu byo-meene, biba byatsyeemusu mu nzusulu bibulu bibvuriri bubwete byaha mu kikabu.

Mukaanda kuri Bahebeleho 9:26

Bukuri, lo nde keti kumonaa mpasi mbala dzalaka, kuholosono kwayirimini nsi. Ngo kasi mu lumalu, Kiristo wamonokono mbala mosi, ku manunu ntaangu, mu kuyaala masumu mu mpeelu nyutu ya nde-meene bunu kikabu.

1 Pet 4:8

Tekeselee meti, kutilisina kwalaka beenu na beenu, bukuri "ntiilu yifuukaa fundu-fundu dya masumu".

1 Yow 3:16

Mu didyo, beetu twayeki twayaaba ntiilu, bukuri Kiristo waheeri kidziingu kyaandi mu ntoono beetu, na beetu se tuyelemini kuha kidziingu kyeetu mu ntoono bampaangi.

1 Yow 3:23

Lumalu ngo lutumu lwaandi: ti beetu tusa kanyi mu Mwaana waandi, Yesu Kiristo, na tutilisinee beetu na beetu, bunu bu kari katuha lutumu.

Nyabusulu ya Yowane 1:5

na kuri Yesu Kiristo, Mbaangi yakwiikama, watete wabutuka mu bafwa, na mwaana mfumu ya bambyaasi ba butoto. Kuri nde wututiiri, watukuula mu masumu meetu mu makila maandi,

Nyabusulu ya Yowane 5:9

Baba yimbilaana mukuunga wamoono ti: «Ye wayelemene kuholo mukaanda, na kudzibula binyemu byaandi, bukuri ye bakukekiri, na mu makila maaku, ye wakuula baatu mu ntoono Nzaambi, ba bitsuumbu byobinso, mandiinga momanso, baatu bobanso, na makaanda momanso.