Mukaanda kuri bari Efeso 5:18 - Musamu Wamubwete 2013

¹⁸ Yaa lwekolo malu ko, mu mo mu kwiisikila nzimbusulu, kasi beenee baluula mu Mpeeve.

Mukaanda kuri bari Efeso 5:18 ပူးပေါင်းရင်းမြစ်များ

Musamu wamubwete watina Matayi 23:25

«Kyaari kuri beenu, batini na Bafarisi bangaa-bumpitu-bumpyoongo, bukiri beenu lukwetsyeemese mbasi ya mbasa na lukoombo, kunsa-kati kwaluula mu nyiimunu na kuhele kwa nkebulu nyutu.

Musamu wamubwete watina Matayi 24:49

na baandikiri mu kulata bambaasi baandi ba kisalu, kwedya na kwenwa na bakori ba malu,

Musamu wamubwete watina Luka 1:15

Mukwongo, nde sa kaba muutu wamunene ha busu bwa Mfumu, nde mbasi-tsuku bviinya na malu makookolaa kunwa pe. Sa kaba waluula mu Mpeeve Yangisi, kuri wakiri mu mwooyo nguri yaandi.

Musamu wamubwete watina Luka 11:13

Ngo habaanaa beenu, luri na mutima-bubi, luyaari kuha bitotolo byabibwe kuri baala beenu, lo dyaburi Taayi dya ku yulu kahele bvula kuha Mpeeve Yangisi kuri babo bamuloombo?»

Musamu wamubwete watina Luka 12:45

Ngo mbuti kisari kikyo wutsima kunsa mutima waandi ti: "Mfumu yaami wuri mu kudziingila mu kwiisa"; na baandikiri kulata bisari bya babakala na bya bakyeetu, na kwedya na kwekolo malu;

Musamu wamubwete watina Luka 21:34

«Seenee madyeele mu beenu-meene, mu kubata ti mitima myeenu mikwiisa kuba malemu, mu ntoono nwiinu yamansaalisi, nkolulu malu, na minyoongi mya kidziingu kimaki, na kuri ti kiluumbu kikyo kihele kulutubukila na sisuu,

Musamu wamubwete watina Yowane 2:10

waleele kuri nde ti: «Mpisi muutu wuhaanaa meti malu mamabwe, baatu bakolaana, tumi keki palisa mahele mamabwe. Kasi ye, wakebe malu mamabwe natee mu lu!»

Biyiriki bya Bantumu 11:24

bukuri nde waba muutu wamubwete, waluula mu Mpeeve Yangisi na mu kanyi. Na mpuumbu yalaka yabweeseme kuri Mfumu.

Mukaanda kuri bari Loma 13:13

Twedyaatileenu bunu buyelemini mu mwiini-ngeembe: kwahele ndiilu ya mawaamba, nkolulu malu, kimpala, buyala, mayumu na musoki,

1 Kol 11:21

bukuri mu ntaangu ya kudya, muutu-muutu wutekisilaana kudya byandya bya nde-meene, na wamosi bu kari na nzala, wakaka wakolo malu.

1 Kol 5:11

Ngo mi nyiri nyalutinini me miri ti, yaa lwebvuutuna na muutu wuleele kuri ti nde mpaangi, kasi kiyala kari, bunu pe ngaa-nsoki-mboongo, bunu pe munsaambiri-biteki, bunu pe ngaa-bitari, bunu pe mukori-malu, bunu pe wukwedzika bya baatu, muutu wa bubwo, lo beenu ti kudya pe kintwaari na nde.

1 Kol 6:10

bangaa-kwiibi, bangaa-nsoki-mboongo, bakori ba malu, bangaa-bitari, na bakwedzika bya baatu, ka bataambula saala dya Kimfumu kya Nzaambi ko.

1 Tes 5:7

Bukuri bangaa-tolo, butsuku bakoobwaana tolo, na binwi bya malu, butsuku bakookolaa malu.

Mukaanda kuri Tito 1:6

mbuti kubakimini muutu wahele na ntoono yi bamuseembele, wuri na mukasi mosi, wuri na baala bari na kanyi, bahele na kibila mu ndyaatulu, bunu pe bahele na nko.