Mukaanda kuri bari Efeso 5:15 - Musamu Wamubwete 2013

¹⁵ Ngo seenee madyeele na bunkete mu ndyatulu yeenu, yaa luba bunu biwulu ko, ngo beenee bunu bangaa-madyeele,

Mukaanda kuri bari Efeso 5:15 ပူးပေါင်းရင်းမြစ်များ

Musamu wamubwete watina Matayi 10:16

«Mono, me nyiluheeke bunu bimeeme ha kakati dya bango-mbulu. Ngo beenee balubuka bunu banyoko, na badweeteme bunu mabeembe.

Musamu wamubwete watina Matayi 25:2

Bataanu mo bo maba biwulu, na bataanu bari na madyeele.

Musamu wamubwete watina Matayi 27:24

Pilato kamonaa ti mufunu pe, ngo kasi kisaangila kiri mu kwisikila, waholo maampa, waswaaka myooko ha busu bwa mpuumbu, waleele ti: «Me nyiri na ntoono ko mu makila ma muutu wu. Mi lutariri beenu-meene.»

Musamu wamubwete watina Matayi 27:4

waleele ti: «Me nyayirikiri masumu mu kuyekele muutu wahele kuyaaba ntoono!» Bo baleele ti: «Diri dyaambu dya beetu ko, ngo mikutariri!»

Musamu wamubwete watina Matayi 8:4

Yesu waleele kuri nde: «Wuyuka! Yaa leele kuri muutu ti mosi ko. Ngo yende wemonokono ye-meene kuri ngaanga-nzaambi, na nata kikabu kya tuma Moose, mpisi kiba kimbaangi kuri baatu.»

Musamu wamubwete watina Luka 24:25

Yesu waleele kuri bo ti: «Ha! Baatu bahele na madyeele, na bahele na mawasu mu kusiila kanyi, mu myominso myaleele babikiri.

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Mukaanda kuri bari Ngalatya 3:3

Nkati ngwanwa ti beenu bimpuumbulu luri? Bu lwabaandikiri mu Mpeeve, ngo mu lumalu lweki manisa mu muswinyi?

Mukaanda kuri bari Efeso 5:2

na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.

Mukaanda kuri bari Efeso 5:33

Ngo kasi mitariri se mosi-mosi mu beenu, mpisi muutu mu beenu katya mukasi wa nde-meene, bu katiiriri nyutu ya nde-meene; na mukasi kabvumina mulumi.

Mukaanda kuri bari Filipo 1:27

Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,

Mukaanda kuri bari Kolosayi 1:9

Mu didyo se beetu, kuholosono kiluumbu kitwayukiri mamo, twahele kuhoto kusaambila mu beenu, na kuloombo kuri ti, luba lwaluula mu nyaabulu ya kutya kwaandi, mu madyeele momanso na mbakukulu ya kimpeeve,

Mukaanda kuri bari Kolosayi 4:5

Dyaatilee mu madyeele ha busu bwa baatu ba ku mbasi; salilee ntaangu.

1 Tes 5:15

Taleenu yaa kuba muutu wubvutula bubi mu bubi ko, ngo namitineenu kweyirika mamabwete, ha kakati dya beenu na beenu na kuri bobanso.

1 Tim 6:9

Ngo babo bari na nzala busina, bakoobwaanaa mu nsindukulu, mu myeete, na mu mburi nyiimunu dza buwulu na dzadzibi, dzikotisaana baatu kunsa mfukusulu na nzimbusulu.

Mukaanda kuri Bahebeleho 12:25

Seenee madyeele, mu kuhele kubisa kuyuka wunde wudzoonso. Bukuri mbuti, babo babisiri kuyukula wunde waba balubulaana ha butoto, basii bvuuka mu nseembulu ko, lo beetuneenu se, tubvuuka mu nseembulu ko, mbuti tubisiri kuywiila wunde wudzoonso ku mayulu.

Mukaanda wa Yakobo 3:13

Nani mu beenu wuri ngaa-madyeele na wayika? Kasoongo dyo mu ndyaatulu yayibwete, na mu biyiriki byaandi bya kidzuunu na bya madyeele.

1 Pet 1:22

Beenu lwatsyeemese miheebulu myeenu mu kutumuma kuri ngwanwa, mu dyaambu dya ntiilu ya kimpaangi, yahele na bumpitu-bumpyoongo. Tilisineenu beenu na beenu kwalaka mu mutima watsyeemeke,

Nyabusulu ya Yowane 19:10

Me nyayilima ha miilu myaandi, mu kumusaambila. Mbasi yaleele kuri me ti: «Yaa sa bubwo ko; me se kisari nyiri bunu ye, na bunu bampaangi ba ye, bari na kimbaangi kya Yesu. Saambila Nzaambi!» Mukwongo, kimbaangi kya Yesu ngo mpeeve ya mbikululu.