Mukaanda kuri bari Efeso 5:11 - Musamu Wamubwete 2013

¹¹ na yaa lweba kintwaari mu biyiriki byahele mufunu bya mampimbisi ko, ngo kasi bitungukilee.

Mukaanda kuri bari Efeso 5:11 ပူးပေါင်းရင်းမြစ်များ

Musamu wamubwete watina Matayi 18:15

«Mbuti mbaasi yaaku, wukuyirikiri mamabi [kuri ye] yende, lo museembe ha beenu boolo. Mbuti nde wukuywiiriri, lo ye bangusini mpaangi yaaku.

Musamu wamubwete watina Luka 3:19

Ngo Yowane waŋaŋini Erode mutumi nkoonsi, mu ntoono Erodyade mukasi mpaangi yaandi, na mu momanso mamabi ma kayirikiri.

Biyiriki bya Bantumu 26:18

Me nyikuheekiri mu kudzibula miisu mya bo, mpisi bapala mu mampimbisi biisa ku buungi, bapala na mu lutumu lwa Satana, mu kuba mu lwa Nzaambi, mu kutaambula mpemusunu ya masumu, na bataambula kikuuku ha kakati dya bangisi mu kanyi dibasa mu me."

Mukaanda kuri bari Loma 13:12

Butsuku bweki la, bwiisi bweki bebele mu kukya. Ngo tulooseenu biyiriki bya mampimbisi, na tulwaatee binwaanunu bya buungi.

Mukaanda kuri bari Loma 16:17

Bampaangi, me nyilusyaamisa mu kusa madyeele, mu baatu bakwesa nkabunu na bakwelubumusa makya, mu nyikusulu dzi luri lwataambula; batekelee mbisa;

Mukaanda kuri bari Loma 6:21

Ngo nkya bimbutu luri na byo? Mu lumalu beenu lweki na nsoni mu byo, bukuri manunu ya byo lufwa.

Mukaanda kuri bari Ngalatya 6:8

Bukuri wunde wukuna mu kimuutu kya nde-meene, sa katolo mu kimuutu mbiiyulu; na wunde wukuna mu Mpeeve, sa katolo mu Mpeeve, kidziingu kyahele manunu.

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Mukaanda kuri bari Efeso 5:12

Mukwongo, diri dyansoni mu kudzoonsolo ma bari mu kweyirika bo mu nsweeki.

Mukaanda kuri bari Efeso 5:7

Yaa luba mfuundu mosi na bo ko.

Mukaanda kuri bari Kolosayi 1:12

bvutuleenu matoondo kuri Taata, wasa kuri ti luba bakuka mu kutaambula kikuuku kya saala dya bangisi kunsa buungi.

1 Tes 5:7

Bukuri bangaa-tolo, butsuku bakoobwaana tolo, na binwi bya malu, butsuku bakookolaa malu.

2 Tes 3:14

Mbuti kuri muutu wahele kutambikila ma turi mu kuleele beetu mu mukaanda wu, lo kebee dyo mu kuhele kubweese kuba kintwaari na wa bubwo, mpisi kamono nsoni.

2 Tes 3:6

Bampaangi, beetu tululoombiri mu nkuumbu ya Mfumu yeetu Yesu Kiristo, mu kutatuku la na mpisi mpaangi yi kwedyaatila kunsa kisaangila, kwahele kuyelemene na kikulu ki lwataambula kuri beetu.

1 Tim 5:20

Babwiiri mu masumu, lo baseembe ha busu bwa baatu bobanso, mpisi baatu bakaka se baba na boomo.

1 Tim 5:22

Yaa tetekele muutu myooko mu mawasu-mawasu ko, na yaa ba kintwaari mu masumu ma ŋani ko; kebe nyutu yaaku kunsa bungisi.

1 Tim 6:5

mayumu mahele kuwa ma baatu ba biwulu, bari madyeele mamabi, na bahele na ngwanwa, bakwetsima ti kinzaambi nzila ya kubakila ndaandu.

2 Tim 3:5

bamonokono ti bangaa-kinzaambi, kasi bakwetuna mpinu dza kinzaambi. Tekele ba bubwo mbisa.

2 Tim 4:2

yikisa Maampu, landukina mu ntaangu yayelemene na yahele kuyelemene, seembe, ŋaŋina, syaamisa, mu nkindusulu-mutima yoyinso kunsa nyikusulu.

Mukaanda kuri Tito 2:15

Ye yelemini kudzoonsolo mu mamo, kusyaamisa na seembe mu lutumu lwolunso. Muutu yaa kakunyaafuna ko.

Nyabusulu ya Yowane 18:4

Me nyayuka mbeembu yikimi ku mayulu yaleele ti: «Baatu baami, palee mu bvula di, mpisi luhele kuba ntwaari mu masumu ma dyo, na luhele kutaambula biteesu bya mpasi dza dyo,