Mukaanda kuri bari Efeso 4:7 - Musamu Wamubwete 2013

⁷ Kuri mpisi muutu mu beetu, bari baha bweese, bunu buri kiteesu kya kikabu kya Kiristo.

Mukaanda kuri bari Efeso 4:7 ပူးပေါင်းရင်းမြစ်များ

Musamu wamubwete watina Matayi 25:15

Kuri wamosi, nde waha bitalanta bitaanu; kuri wakaka byoolo; kuri wakimi kimosi, muutu-muutu bunu bwaba makwa maandi. Tumi nde wayende ku budyeengi.

Musamu wamubwete watina Yowane 3:34

Mukwongo, wunde wuri Nzaambi wamuheeke, wuleelaa Maampu ma Nzaambi, bukuri Nzaambi wamuha Mpeeve kwahele bwa kuteesele.

Mukaanda kuri bari Loma 12:3

Mukwongo, me nyileele ti, mu bweese bu bari baha kuri me, kuri mpisi muutu mu beenu, mu kuhele kuba na ndyaatulu ya masiiku, yalutila kiteesu, ngo beenee na ndyaatulu ya madyeele, bunu buri kiteesu kya kanyi, dyaha Nzaambi kuri muutu-muutu.

2 Kol 6:1

Ngo bukuri tukwesala kintwaari na nde, beetu tulusyaamisa mu kuhele kuhololo kwa buunu, bweese bwa Nzaambi buluri lwataambula.

Mukaanda kuri bari Efeso 3:2

Kampe beenu lwayukiri, bunu buri kisalu kya bweese bwa Nzaambi kibari baha me, mu ntoono beenu.

Mukaanda kuri bari Efeso 3:8

Kuri me wu bvuriri buntele mu bangisi bobanso, bari baha bweese bumabu, bwa kuyaabisa kuri makaanda busina bwa Kiristo bwahele mbangukulu,

Mukaanda kuri Bahebeleho 2:4

mu kusiingisa kimbaangi kya Nzaambi mu bidiimbu, mu bimaangu, na biyiriki bya mpinu bya bitsuumbu-bitsuumbu, na mu bikabu bya Mpeeve Yangisi, bunu buri kutya kwaandi.

1 Pet 4:10

Mpisi muutu, bunu buri kikabu kikari kataambula, kasalila kyo mu ndaandu ya bobanso, bunu bakebi bababwete ba mabweese ma Nzaambi, ma bitsuumbu-bitsuumbu.