Mukaanda kuri bari Efeso 4:5 - Musamu Wamubwete 2013

⁵ Mfumu mosi, kanyi dimosi, mbotokulu yimosi,

Mukaanda kuri bari Efeso 4:5 ပူးပေါင်းရင်းမြစ်များ

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Biyiriki bya Bantumu 10:36

Nde waheeke maampu maandi kuri baala ba Isaheli, mu kuyaabisa Musamu Wamubwete wa kiyeengi mu Yesu Kiristo, nde wuri Mfumu ya bobanso.

Biyiriki bya Bantumu 2:36

Hango, nzo yoyinso ya Isaheli yiyelemene kuyaaba kwa ngwanwa ti: Nzaambi wasa Yesu wu lwakomini beenu, Mfumu na Kiristo!"

Mukaanda kuri bari Loma 3:30

Ngo bukuri Nzaambi mosi kitsu, yiluulukisa mu kanyi, bateende bubakala na bahele kuteende bubakala.

1 Kol 1:13

Buri Kiristo wakabulu? Buri Pawulo bakomini ha yulu kuruwa mu beenu? Hoti mu nkuumbu ya Pawulo beenu bari balubotoko?

1 Kol 1:2

tutina kuri dibuundu dya Nzaambi diri ku Korinto, kuri ba bari basakumuna mu Yesu Kiristo, bataambula mbila mu kuba bangisi, kintwaari na bobanso bateelaa nkuumbu ya Mfumu yeetu Yesu Kiristo, mu mpisi kibeendu, Mfumu bo, yiri ya beetu se.

1 Kol 12:13

Bukuri beetu-banso batubotoko mu Mpeeve yomosi, mu nyutu yomosi, ti Bayudayo, ti Bahelene, ti bankutu, ti baatu bari na bunsaalisi, na beetu-banso batunwiisa mu Mpeeve yomosi.

1 Kol 12:5

Bisalu biri mu bitsuumbu-bitsuumbu, ngo Mfumu yiniyo;

1 Kol 8:6

Ngo kasi, mu beetu lo Nzaambi yomosi yiri, Taayi, mu nde byobinso biri byafumuna, na beetu turi ba nde; Mfumu se yomosi yiri, Yesu Kiristo, byobinso byayirimina mu nde, na beetu turi mwooyo mu nde.

2 Kol 11:4

Mukwongo, mbuti muutu wiisiri kuri beenu, wuluyaabisiri Yesu dikimi diri beetu twasii yaabisa ko, bunu pe lutaamburi mpeeve yasoboko na yiyo yi lwataamburi, bunu pe Musamu Wamubwe wasoboko na wunde wu lwataamburi, lo beenu mya bubwo ngo miri lukuundaa.

Mukaanda kuri bari Ngalatya 5:6

Bukuri, mu Yesu Kiristo, kuteende bubakala bunu pe kuhele kuteende bubakala ka biri mufunu ko, ngo biri mufunu, kanyi disoongaana biyiriki mu ntiilu.

Mukaanda kuri bari Efeso 4:13

natee bu tutubukiri beetu-banso, mu kintwaari kya kanyi na kya nyaabulu Mwaana Nzaambi, mu muutu wabuuka, mu kiteesu kya kuba na mutele wasuka wa Kiristo.

Mukaanda kuri bari Filipo 2:11

na ndima dzodzinso dzileele ti Yesu Kiristo ngo Mfumu, mu nkeembu ya Taayi Nzaambi.

Mukaanda kuri bari Filipo 3:8

Ngo kasi nyimono se ti byobinso byafuukila, ha busu bwa nyaabulu yibvuriri bunene mu Kiristo Yesu, Mfumu yaami. Mu ntoono nde, byobinso bi nyaba na byo nyamana kubibwoongolo, na me nyibimono bunu bitiiti byaloosu, mpisi heki me mbaka Kiristo,

Mukaanda kuri Tito 1:1

Me Pawulo, nkutu Nzaambi, ntumu Yesu Kiristo mu mitariri kanyi dya basoolu ba Nzaambi, na mu mitariri nyaabulu ngwanwa bunu buri kinzaambi,

Mukaanda kuri Tito 1:4

Hemese bweese na kiyeengi, bifumunaa kuri Nzaambi Taata, na kuri Kiristo Yesu Mubvuukisi weetu, biba kuri ye Tito, mwaana waami wangwanwa mu kanyi dya ntwaari.

Mukaanda kuri Bahebeleho 13:7

Tsiminee babo bakwelutwaalisa, bo baluyaabisa maampu ma Nzaambi. Monee bwaba nsukulu kidziingu kya bo, na namee kifwaani kya kanyi dya bo.

Mukaanda kuri Bahebeleho 6:6

ngo babwiiri, lo diri dya mpasi kuri bo mu kubweese kuyiinga madyeele. Mu didyo, mu bo-meene lo babweese kukomono Mwaana Nzaambi, na kuha nzila mu kumutuka.

Mukaanda wa Yakobo 2:18

Ngo muutu habaanaa wuleele ti: "Ye wuri na kanyi, ngo me nyiri na biyiriki. Sa soongo me, kanyi dya ye kwahele biyiriki, na me nyikusoongo kanyi mu biyiriki bya me."

1 Pet 3:21

Kikyo kyaba kifwaani kya mbotokulu, yilubvuukisa mu lumalu, mbotokulu yiyo yiri ya nswaakulu mviindu dza muswinyi ko, ngo ntambukulu Nzaambi mu kitsimi, mu nzila ya mfulukulu Yesu Kiristo,

2 Pet 1:1

Simehoni Petelo, nkutu na ntumu Yesu Kiristo, kuri babo bataambula kanyi diri ntalu yo yimosi na dya beetu, mu nsungumunu ya Nzaambi yeetu, na ya Mubvuukisi Yesu Kiristo.

Mukaanda Yuda 1:20

Ngo beenu, banduku ba mutima, tuungumeenu beenu-mee ha yulu kanyi dyeenu dyangisi na ngisi, na saambileenu mu Mpeeve Yangisi.

Mukaanda Yuda 1:3

Banduku ba mutima, me mbeeri kwaandi na musoongo walaka mu kulutinina, mu dyaambu dya mvuukulu yeetu ya kintwaari, ngo mwiini mufunu mu kulutinina, mpisi nyilusyaamisa mu kunwaana mu ntoono kanyi, di bari bayakisa kwakinkulu kuri bangisi.