Mukaanda kuri bari Efeso 4:4 - Musamu Wamubwete 2013

⁴ Nyutu mosi yiri, na Mpeeve se mosi, bunubwo se bari baluteele mu nsiitu mosi, ya mbila yeenu.

Mukaanda kuri bari Efeso 4:4 ပူးပေါင်းရင်းမြစ်များ

Musamu wamubwete watina Matayi 28:19

Hango, bu lukweende, seenee makaanda momanso bayiki, mu kubabotoko mu nkuumbu ya Taata, na ya Mwaana, na ya Mpeeve Yangisi,

Biyiriki bya Bantumu 15:11

Ngo mu bweese bwa Mfumu Yesu, turi na kanyi ti sa batubvuukisa mu nzelu yomosi na bo."

Mukaanda kuri bari Loma 11:29

bukuri bikabu na mbila Nzaambi bayisila ko.

1 Kol 10:17

Bukuri, mpa mosi kitsu yiri, ngo beetu turi balaka mu nyutu mosi kitsu, bukuri tukabulaana mpa yo yimosi.

1 Kol 12:20

Kasi mu lumalu, binamu byalaka biri, ngo nyutu yomosi.

2 Kol 11:4

Mukwongo, mbuti muutu wiisiri kuri beenu, wuluyaabisiri Yesu dikimi diri beetu twasii yaabisa ko, bunu pe lutaamburi mpeeve yasoboko na yiyo yi lwataamburi, bunu pe Musamu Wamubwe wasoboko na wunde wu lwataamburi, lo beenu mya bubwo ngo miri lukuundaa.

Mukaanda kuri bari Efeso 1:18

Hemese Nzaambi katsyeemese mwiinunu yeenu mu mitima, mpisi lubakula nkya nsiitu yiri mu mbila yikari kaluteele, nkya busina bwa nkeembu yiri mu saala dyaandi, ha kakati dya bangisi,

Mukaanda kuri bari Efeso 2:16

na mu kusa nyukusunu ha kakati dya bamosi na bakaka, mu nyutu yomosi kintwaari na Nzaambi mu kuruwa, mu dyo, nde kari kamana lubelu.

Mukaanda kuri bari Efeso 2:18

Bukuri mu nde, beetu turi na miswa, bamosi na bakaka, mu Mpeeve yomosi, mu kuba hari Taata.

Mukaanda kuri bari Efeso 2:22

Mu nde, beenu se luri lwatuunguma mu kintwaari, mu kuba nzo yi dzakalaa Nzaambi mu Mpeeve.

Mukaanda kuri bari Efeso 4:1

Me nyilusyaamisa, me nyiri boroko mu ntoono Mfumu, mu kudyaatila mu kiteesu kyayelemene na mbila yiyo yibari baluteele,

Mukaanda kuri bari Efeso 5:30

Bukuri beetuneenu turi binamu bya nyutu yaandi.

Mukaanda kuri bari Kolosayi 1:5

mu ntoono nsiitu yibari balusweekele mu mayulu, yi luri lwatekesele kuyuka, mu maampu mangwanwa ma Musamu Wamubwete.

Mukaanda kuri bari Kolosayi 3:15

Hemese kiyeengi kya Kiristo, ki bari baluteelele mbila mu nyutu mosi, kituma mitima mya beenu. Beeneenu bayaari kubvutula matoondo.

2 Tes 2:16

Hemese Mfumu yeetu Yesu Kiristo nde-meene, na Taayi dyeetu Nzaambi, watutya na watuha mu bweese bwaandi, mboondulu ya bibvu ngo bibvu na nsiitu yayibwete,

1 Tim 1:1

Pawulo, ntumu Yesu Kiristo, bunu buri lutumu lwa Nzaambi mubvuukisi weetu, na lwa Yesu Kiristo, nsiitu yeetu.

Mukaanda kuri Tito 1:2

mu nsiitu dza kidziingu kya bibvu ngo bibvu kiri Nzaambi, nde wahele kuba ngaa-mpya, wasa nsiilulu tekesele mantaangu ma bibvu ngo bibvu.

Mukaanda kuri Tito 2:13

mu kwekiingila nsiitu yayibwete, na monokunu nkeembu ya Nzaambi wadzaangama, na ya Mubvuukisi weetu Yesu Kiristo.

Mukaanda kuri Tito 3:7

mpisi heki mu bweese bwaandi, tuba twalulukusu, na tuba bakondiri ba saala, bunu buri nsiitu dza kidziingu kya bibvu ngo bibvu.

1 Pet 1:21

Mu nde, beenu lwasa kanyi mu Nzaambi, wamufulukisa mu bafwa, na wamuha nkeembu, kuri heki kanyi dyeenu, na nsiitu yeenu biba mu Nzaambi.

1 Yow 3:3

Mpisi wunde wuri na nsiitu dza bubwo mu Kiristo, lo wutsyeemikaa nde-meene, bunu bu kari katsyeemeke nde.