Mukaanda kuri bari Efeso 4:31 - Musamu Wamubwete 2013

³¹ Mpisi musamu wankari, wa kabala, wa nkesi, kuyaama, bitari, na mpisi mamabi, biba byayusula ha kakati dya beenu.

Mukaanda kuri bari Efeso 4:31 ပူးပေါင်းရင်းမြစ်များ

Biyiriki bya Bantumu 21:30

Kisaangila kyabwa mu bvula dyodinso, na baatu bobanso bakutukuna. Bu bakaanga Pawulo, bamukooko ku mbasi Nzo-nzaambi, na hanaho, bo bakaanga myeelu.

Mukaanda kuri bari Loma 3:14

minwa mya bo myaluula mu mampopi na mu misamu myankari;

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

1 Kol 5:8

Mu didyo, tuseeneenu munkeembu kwahele kuba na lufunusu lwalukulu, bunu pe lwa mamabi na lwa mutima-bubi, ngo kasi kuri turi na mampa mahele lufunusu, ma nsyemukunu na ma ngwanwa.

2 Kol 12:20

Mukwongo, me nyibata kuri ti, ha nyikwiisa me mpele kulumono mu kiteesu ki ntiiriri me; na beenu se luhele kumono me mu kiteesu ki lutiiriri beenu. Me nyibata ti ha kakati dya beenu, haba mayumu, musoki, mankesi, nkalikisi, makele, kintori, kinwa, na kisaangila.

Mukaanda kuri bari Ngalatya 5:20

nsambukulu-biteki, buloki, lubelu, kitaatu, bukwa, kituunsi kya nkesi, kubakana, nkabunu, mpambukusu,

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Mukaanda kuri bari Efeso 4:25

Hango-nkuumbu, hotee mpya, dzoonsee ngwanwa mpisi muutu kuri mbaasi yaandi, bukuri turi binamu bamosi na bakaka.

Mukaanda kuri bari Efeso 4:26

Bu lubakiri nkesi, yaa lubwa mu masumu ko: ntaangu yaa yidyaama, kuri beenu bunu bu luri na nkesi ko,

Mukaanda kuri bari Kolosayi 3:19

Balumi, tyeenee bakasi beenu, na yaa lwebanyokono ko.

Mukaanda kuri bari Kolosayi 3:8

Ngo mu lumalu, bwoongoleenu byobinso bibyo: nkesi, kituunsi, mutima-bubi, bitari, dzoonsolo dza nsoni mu minwa myeenu.

1 Tim 3:11

Bakyeetu se bwobumosi, bayelemene kuba bakiinsuma, bahele na makele, bari na ndiilu na nwiinu byayelemene, bakwiikama mu myominso.

1 Tim 3:3

yaa kaba yaa-kinwi ko, yaa kaba se ngaa-bikiindu ko, ngo kasi kaba wadzuuna, wahele kweyumusa baatu, na wahele na ntiki-mboongo.

1 Tim 5:13

Ha yulu haho se, bilyeebe bari, bo misamu kweyaabila mu kweyende kyaatu-kyaatu mu manzo ma baatu; ngo kari bini bilyeebe bari ko, kasi bangaa-lusuku na bangaa-kintori se, bakweleele myahele kuyelemene.

2 Tim 2:23

Looso nzoonsulu dza buwulu na dza budzeeke, bu yaari kuri ti dzitwaalaa bikiindu.

2 Tim 3:3

bahele na ntiilu, bahele na kyaari, bangaa-makele, bahele na mangisi, bangaa-bumfuna, bataatu ba mamabwete,

Mukaanda kuri Tito 1:7

Mukwongo, mukuutu dibuundu wukebaa bya Nzaambi, kayelemini kuba na ntoono yi bamuseembele ko, wahele na masiiku, kari ngaa-mankesi ko, kari yaa-kinwi ko, kari ngaa-bikiindu ko, na kari wukwebakilaa mu bumbabu ko.

Mukaanda kuri Tito 2:3

Bakyeetu ba binuni se bwobumosi, mu kidziingu kya bo basoongo nzelu yayelemene mu bangisi. Yaa baba na makele ko, yaa baba bankutu ba nwiinu malu ya mawaamba ko, ngo baba bayikisi ba mamabwe,

Mukaanda wa Yakobo 1:19

Yaabee dyo bampaangi baami ba mutima ti, mpisi muutu yelemini kuba na malwangukila mu kuyuka, ngo wahele na mawasu mu kudzoonso na mu kubaka nkesi;

Mukaanda wa Yakobo 3:14

Ngo mbuti beenu luri na musoki wankari, na mpeeve ya nwanusunu mu mitima myeenu, lo yaa luba na masiiku ko, na yaa lwekitula ngwanwa mu mpya ko.

Mukaanda wa Yakobo 4:11

Bampaangi, yaa lwekelesene ko, wunde wusa makele mu mpaangi yaandi, bunu pe wutsuundisa mpaangi yaandi, lo wudzoonsolo bwabubi mu mangisi, na wutsuundisa mangisi; ngo mbuti ye wutsuundisa mangisi, lo ye wuri wukukisaa mangisi ko, ngo kasi mutsuundisi.

1 Pet 2:1

Ngo looseenu momanso mamabi, momanso mamawunu, bumpitu-bumpyoongo, musoki, na makele.

1 Yow 3:12

Yaa tuba bunu Kayini ko, waba ngaa-bubi, na wadzusiri mpaangi yaandi. Heki mu nkya ntoono kamudzusiri? Bukuri biyiriki bya Kayini byaba byabibi, na bya mpaangi yaandi byaba byasuunguma.

1 Yow 3:15

Mpisi wunde wubelaa mpaangi yaandi, lo nde mudzusi, na beenu luyaa ti mpisi mudzusi, lo kidziingu kya mantaangu momanso kyahele kusa kikuundi mu nde.

Nyabusulu ya Yowane 12:10

Me nyayuka mbeembu yayinene ku yulu yaleele ti: «Mu lumalu mvuukulu, mpinu, kimfumu kya Nzaambi yeetu, na lutumu lwa Kiristo dyaandi bimwaakwiisa, bukuri mufuundisi bampaangi ba beetu, bamwaamutuba, nde wabee kwebafuundana kuri Nzaambi yeetu, butsuku na mwiini.