Mukaanda kuri bari Efeso 4:24 - Musamu Wamubwete 2013

²⁴ na lwaatee muutu wamoono, wayiriku bunu buri kutya kwa Nzaambi, kunsa nsungumunu na bungisi byangwanwa.

Mukaanda kuri bari Efeso 4:24 ပူးပေါင်းရင်းမြစ်များ

Musamu wamubwete watina Luka 1:75

kunsa bungisi na nsungumunu, ha busu bwaandi, mu biluumbu byobinso bya kidziingu kyeetu.

Musamu wamubwete watina Yowane 17:17

Wubasa bangisi mu ngwanwa, maampu maaku ngo ngwanwa.

Mukaanda kuri bari Loma 12:2

Yaa lunama bifu bya ntaangu yimayi ko, ngo kasi beenee bakituka mu nkitukulu ya kiluunsi, mpisi lufyongokono bunu buri kutya kwa Nzaambi, kwakubwete, kwatya na kuri na nyirimunu yakuka.

Mukaanda kuri bari Loma 13:12

Butsuku bweki la, bwiisi bweki bebele mu kukya. Ngo tulooseenu biyiriki bya mampimbisi, na tulwaatee binwaanunu bya buungi.

Mukaanda kuri bari Loma 13:14

ngo kasi lwaateenu Mfumu Yesu Kiristo, na yaa lweyirika ma tiiri muswinyi ko, mu kuhele kuyukutisa nyiimunu.

Mukaanda kuri bari Loma 6:4

Ngo beetu batudziika kintwaari na nde, mu mbotokulu mu lufwa, mpisi heki bunu bwafulukiri Kiristo mu bafwa, mu nkeembu ya Taayi, bunubwo se beetu, twedyaatila mu kidziingu kyamoono.

Mukaanda kuri bari Loma 7:6

Ngo mu lumalu, twayeki twakuuluka mu mangisi, twafwa mu mi twaba twakaangama, kuri heki tuba bankutu mu kiteesu kyamono kya Mpeeve, kari mu kiteesu kya kikulu kya mukaanda ko.

Mukaanda kuri bari Loma 8:29

Bukuri babo ba katekisiri kuyaaba, wabataasila mu kuba bafwanikina na mwaana waandi, mpisi nde kaba mwaana watete, ha kakati dya bampaangi balaka.

1 Kol 15:53

Mukwongo, nyutu ya mbolulu yimayi, yiyelemini kulwaata kiteesu kyahele mbolulu, na nyutu yifwaanaa yimayi, yiyelemini kulwaata kiteesu kyahele mfwiilu.

2 Kol 3:18

Beetu-banso bari busu bwahele kufuka nsaanda, nkeembu ya Mfumu yiri mu kuseme mu beetu, bunu ti mu lumweenye, mu kifwaani kikyo turi twakituka mu nkeembu na nkeembu, mu Mfumu wuri Mpeeve.

2 Kol 4:16

Hango-nkuumbu, beetu twahele kuholo-bito. Ngo ti hayuku nyutu yeetu ya ku mbasi yiri mu kwekuuka, lo nyutu ya kunsa-kati yiri mu kwekitukaa yamoono mu kiluumbu ngo kiluumbu.

2 Kol 5:17

Hango-nkuumbu, mbuti muutu wuri mu Kiristo, lo nde kiyiriki kyamoono; byabikulu byayeki byaluta, byamoono byayiingina.

Mukaanda kuri bari Ngalatya 3:27

bukuri, beenu-banso lwabotoko mu Kiristo, na lwalwaata Kiristo.

Mukaanda kuri bari Ngalatya 6:15

Mukwongo, kuba wateende bubakala bunu pe kuhele kuba wateende bubakala kuri mufunu ko; ngo biri mufunu kuba kiyiriki kyamoono.

Mukaanda kuri bari Efeso 2:10

Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.

Mukaanda kuri bari Efeso 2:15

Nde wayisila lutumu lwa Mangisi na misiku, mpisi heki mu nde-meene, nde kayirika mu bo boolo, muutu ndemosi wamoono, mu kusa kiyeengi,

Mukaanda kuri bari Efeso 6:11

Lwateenu binwaanunu bya Nzaambi, mu kubangisina kuteleme na ngwii ha busu bwa biyiriki bya dyabulu.

Mukaanda kuri Tito 2:14

Nde wayekiri nyutu yaandi mu ntoono beetu, mpisi katukuula mu momanso mamabi, na kutsyemekese kaanda dya nde-meene dyasoolu, diri na kuheme mu biyiriki byabibwete.

Mukaanda kuri Bahebeleho 1:8

Ngo kasi mu ntoono Mwaana, nde waleele ti: «Ho! Nzaambi, mboloko yaaku yiri ya bibvu ngo bibvu. Na lutumu lwa Kimfumu kyaaku, lutumu lwa nsungumunu.

Mukaanda kuri Bahebeleho 12:14

Namitinee kwesa kiyeengi na bobanso, na kweba kunsa bungisi, buri, mbuti buheriri, lo kuri muutu ti mosi ko wumono Mfumu.

1 Pet 2:2

Bunu mwaa-baala bansoombo, dilileenu beene dyadibwete, dya maampu ma Nzaambi, mpisi heki mu nde beenu lubuuka mu kubaka mvuukulu,

2 Pet 1:4

Mu byo bari bamusiila nsiilulu dzantalu na dzibvuriri bunene, mpisi heki mu dzo, beenu luba kintwaari mu nzelu ya kinzaambi, mu kubata nyiimunu dzadzibi dziri mu nsi.