Mukaanda kuri bari Efeso 4:17 - Musamu Wamubwete 2013

¹⁷ Mu didyo, me nyileele na nyitswiikisa mu Mfumu ti, yaa lubweese kwedyaatila bunu bangooyi ko bakwedyaatila mu madyeele ma bo-meene mahele mufunu.

Mukaanda kuri bari Efeso 4:17 ပူးပေါင်းရင်းမြစ်များ

Musamu wamubwete watina Luka 16:28

bukuri me nyiri na bampaangi bataanu kukwo, mpisi keende kabalubula, kuri heki bo se bahele kwiisa, ku kibeendu kya mbamusunu kimaki."

Biyiriki bya Bantumu 14:15

na baleele ti: "Bampaangi, buri lusa mya bu mi? Beetu se turi na bitsimi byobimosi na beenu, beetu turi baatu bunu beenu; Musamu Wamubwete wutuluyaabisiri, ngo mu kubwoongolo myahele mufunu mi, mu kusyeeteke kuri Nzaambi ya mwooyo, wayirika yulu, butoto, mubu na byobinso biri mu byo;

Biyiriki bya Bantumu 18:5

Sila bo na Timoteho bu baba tubuka kuri ba mwaanangukina ku Makedonya, lo Pawulo wuri mu kwelutusa ntaangu, mu maampu ma Nzaambi, mu kweta kimbaangi ha busu bwa Bayudayo ti Yesu ngo Kiristo.

Biyiriki bya Bantumu 2:40

Mu maampu makimi malaka, nde watswiikisa na wabasyaamisa, waleele ti: "Bvuukeenu kweenu mu kiseendu kyakibi ki!"

Biyiriki bya Bantumu 20:21

Me nyaloombo kuri Bayudayo na kuri Bahelene mu nyiingulu madyeele mu Nzaambi na kusiila kanyi mu Mfumu yeetu Yesu.

Mukaanda kuri bari Loma 1:21

bukuri bu bayaaba Nzaambi, ka basii kumukeembese bunu Nzaambi ko, bunu pe kubvutula matoondo kuri nde ko. Kasi bayeki bamikangala mu nsimunu yaaku, na mitima mya bo mya buwulu miri kunsa mampimbisi.

1 Kol 1:12

Bu ntiiri kuleele ti: ha kakati dya beenu, wamosi wuleele ti: «me nyiri kwaami wa Pawulo»; wakaka ti: «me wa Apolo»; wakimi ti: «me wa Kefa»; wuni ti: «me wa Kiristo».

1 Kol 15:50

Ngo bampaangi, me bu nyiri mu kuleele ti: muswiini na makila ka bitsiitsa kukondolo saala dya kimfumu kya Nzaambi ko, na mbolulu ka yiri nkondolo kiteesu kyahele mbolulu ko.

2 Kol 9:6

Yaabee ti: Wunde wukuna mwaa-kwantele sa katolo se mwaa-kwantele, na wunde wukuna kwalaka sa katolo se kwalaka.

Mukaanda kuri bari Ngalatya 3:17

Me bu nyiiri mu kuleele ti: lulelusunu lwa Nzaambi lu katekesele kukaanga, ka lutsiitsa kuba lwayaalu kuri Mangisi ko mayisa, ha mambisa ma nkama na makuumi matatu ma mibvu, mu kubwiisa lusiilulu.

Mukaanda kuri bari Ngalatya 5:3

Me nyibweese kutswiikisa dyo, kuri mpisi muutu wutaambula kuteende bubakala ti, lo yelemini se kukukisa Mangisi momanso.

Mukaanda kuri bari Efeso 1:22

Nzaambi wasuusa byobinso kunsa bitaambi bya Kiristo, na wamusuusa mu kuba mutu ha yulu dibuundu dyodinso,

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Mukaanda kuri bari Kolosayi 2:18

Yaa lutala ko ti babo bakwemono kiminu mu kiteesu kya nkulukulu, na mu kwesaambila bambasi, baluwuungula. Bo bakwekengese bitotolo kwa buunu, na bakwesiika mu bitsimi bya kimuutu kyaaku.

Mukaanda kuri bari Kolosayi 2:4

Me nyiri mu kuleele mamo, mpisi heki muutu kahele kaluwumuna mu nzoonsulu dza lupyelu.

1 Tes 4:6

Mu dyaambu di, yaa kuba wuyirika ma lumvuki kuri mpaangi yaandi, bunu pe kumuwuna ko, bukuri beetu twatekesele ku luyaabisa na kusiingisa dyo ti: Mfumu wubvutulaana mamabi kuri bayirikaana ma bubwo.

1 Tim 5:21

Me nyi kuyingukila ha busu bwa Nzaambi, ha busu bwa Kiristo Yesu, na ha busu bwa bambasi ba Nzaambi ba bari basoolo ti, salila momanso mamo kwahele munsoori na kwahele bubayi.

1 Tim 6:13

Me nyikuloombiri ha busu bwa Nzaambi, nde wuhaanaa kidziingu kuri bitotolo byobinso, na ha busu bwa Kiristo Yesu, wateeri kimbaangi kyakibweete ha busu bwa Pontyo Pilato:

2 Tim 4:1

Me nyikuyingukila ha busu bwa Nzaambi, na ha busu bwa Kiristo Yesu, nde wukwiisa kutsuundisa bamwooyo na bafwa, na mu monokunu yaandi na mu kimfumu kyaandi,

1 Pet 1:18

bu luyaari kuri ti, kari mu bitotolo bifuukila ko, mboongo bunu pe woolo, beenu bari balukuula mu ndyaatulu yeenu yabuunu, yi luri lwakondolo kuri bataayi beenu,

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.