Mukaanda kuri bari Efeso 4:14 - Musamu Wamubwete 2013

¹⁴ Haho lo tubweese kuba baala, banyingusu na bakweyende mu mpisi kiteembu kya nyikusulu dza kimpa kya baatu, mu lupyelu lwa bo ko, na mu mawunu na lumvuki lwa bo.

Mukaanda kuri bari Efeso 4:14 ပူးပေါင်းရင်းမြစ်များ

Musamu wamubwete watina Matayi 11:7

Bayiki babo bamanaa kubvutuka, Yesu wabeke kudzoonso kuri mampuumbu mu ntoono Yowane ti: «Nki beenu lweensyee kumono ku nsi ya nkatu? Dyaari dyanyingusu mu kiteembu?

Musamu wamubwete watina Matayi 24:11

Babikiri balaka bampya sa bateleme, na bawumuna baatu balaka.

Musamu wamubwete watina Matayi 24:24

Bukuri babo bari Kiristo dyampya na babikiri bampya sa bateleme. Bo sa bayirika bidiimbu byabinene na bimaangu, mu kiteesu kya kuwumuna, mbuti bwakuka basoolu.

Biyiriki bya Bantumu 23:21

Ye ngo wuri, yaa tambukila mya bo ko; baatu baluta lutaangu lwa makuumi mana bamwaamulebekele mweete. Bo balaburyee maalu mu bo-meene ti, natee badzusiri Pawulo tumi badiiri na banwiini. Mu lumalu bo bayirima, bakiingika lusiilulu lwa ye.

1 Kol 12:2

Ha lwaba lwakiri bangooyi, beenu luyaari dyaburi lwaba luri lwatwaalusu, mu kweyende kuri biteki, byahele na mbeembu.

1 Kol 14:20

Bampaangi, yaa luba mwaa-baala mu nsimunu ko; mu mitariri mamabi, beenee mwaa-baala, ngo mu nsimunu, beenee bakuutu.

1 Kol 3:19

Mukwongo, madyeele ma nsi yimayi ngo bulawuku ha busu bwa Nzaambi. Bukuri diri dyatinu ti: «Nzaambi wubakaa bangaa-madyeele mu mweete wabo-meene.»

2 Kol 2:17

Mukwongo, beetu turi bunu bakaka bakweyarika maampu ma Nzaambi ko; ngo kasi mu ngwanwa, mu nkuumbu ya Nzaambi na ha busu bwaandi, beetu turi mu kwedzoonsolo mu Kiristo.

2 Kol 4:2

Ngo kasi beetu twabisa mansweeki mansoni, tukwedyaatila kwahele mawunu, na twahele kwekitula maampu ma Nzaambi, ngo mu nsoongulu ngwanwa, beetu turi mu kwesaka kuri ti baatu batufyongokono, ha busu bwa Nzaambi.

Mukaanda kuri bari Ngalatya 3:1

Sa beenu bari Ngalatya bimpuumbulu! Na waluloko? Buri kari ha miisu mya beenu, bari bayirika kubaangula bunu bu bakomini Yesu Kiristo ha yulu kuruwa ko?

Mukaanda kuri bari Efeso 6:11

Lwateenu binwaanunu bya Nzaambi, mu kubangisina kuteleme na ngwii ha busu bwa biyiriki bya dyabulu.

1 Tim 3:6

Yaa kaba se wamoono mu dibuundu ko; mpisi heki masiiku mahele kumudzusa miisu, na kahele kubwa mu mutsuundu wu batsuundisila dyabulu.

2 Tim 1:15

Ye yaari dimadi ti bobanso bari ku Asya banyekele; mu bo kuri Fingelo na Eremongene.

2 Tim 3:13

Ngo baatu bababi na bangaa-bumpitu-bumpyoongo, sa bahamisa kudyaatila kunsa mabvuriri bubi, mu kwewumuna baatu, bu bari bawumuka bo-meene.

2 Tim 4:3

Mukwongo, sa kwaba ntaangu yiri, baatu babweese kukuunda kuyuka nyikusulu dzangwanwa ko, ngo bunu buri mantiilu maaku, bo sa basaka kuba na bayikisi balaka babaleele mi batiiri kuyuka.

Mukaanda kuri Bahebeleho 13:9

Yaa lutala ko ti, baluwumuna mu nyikusulu dza bitsuumbu-bitsuumbu dzanzeense. Bukuri buri bwabubwete, ti mutima kaba wasyaamusu mu bweese, nkani ka mu mangisi ma byandya, mari babo bakoomabvuminaa, babakilaa mo ndaandu ko.

Mukaanda wa Yakobo 1:6

Ngo kasi, kaloombo mu kanyi kwahele kuketekese, bukuri wunde wuketekesaana wafwanikina na mupaku maampa wa mubu, waningusu na wanaangunu mu kiteembu.

Mukaanda wa Yakobo 3:4

Monee se mabwaatu, bwooso mabeele mu bunene, masindukulu mu biteembu bya makwa, lo mo mari matwaalusu mu mwaa kisuunguki kyantele, kunu kutiiri munati.

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.

1 Yow 2:19

Bo bapariri ha kakati dya beetu, ngo basii kuba ba beetu ko; bukuri mbuti ngo, baba ba beetu, nkani baketi kudzakala na beetu. Bo bapariri mpisi diba dyayabakana ti bobanso bari ba beetu ko.

1 Yow 2:26

Me nyalutinini mamo mu dyaambu dya bakweludziimbisa.

1 Yow 4:1

Banduku ba mutima, yaa lwesiila kanyi mu mpisi mpeeve ko, ngo fyongokinee mampeeve, mbuti ma Nzaambi mari; bukuri babikiri bampya balaka bamwaakwiisa mu nsi.

Mukaanda Yuda 1:12

Bamaba ngo bo, bangaa-kisaangila, kunsa ndiilu yeenu ya kimpaangi, bakwekeembe mu ndiilu ya mawaamba kwahele boomo, bakwebuungula manyutu ma bo-meene, bo ngo matuti mahele maampa, makweheembeke mu kiteembu, miti mya manunu ndoolo, myahele na bimbutu, myafwa mfwa dzoolo, myataabuka.

Nyabusulu ya Yowane 19:20

Basiimba kibulu kikyo, ha kimosi na mubikiri wampya, waba kweyirikaa bimaangu ha busu bwa kibulu kikyo, mu kwedziimbisa baba na kidiimbu kya kibulu, na baba saambilaana kiteki kyaandi. Bo boolo babatuba bamwooyo ku lubila lwa mbaawu ya mile.