Mukaanda kuri bari Efeso 4:12 - Musamu Wamubwete 2013

¹² Mimyo, mu kusa kuri ti, bangisi baba bayirima mu kusa kisalu, kya ntuungulu nyutu ya Kiristo,

Mukaanda kuri bari Efeso 4:12 ပူးပေါင်းရင်းမြစ်များ

Musamu wamubwete watina Luka 22:32

Ngo me nsambirye mu ye, mpisi heki kanyi dya ye dihele kubwa; ngo ye bu wubweese kubvutuka, lo kumisa bampaangi baaku.»

Biyiriki bya Bantumu 1:17

bukuri nde wabee mosi mu lutaangu lwa beetu, na nde wabakiri kibari kya kisalu kimaki.

Biyiriki bya Bantumu 1:25

mu kuholo kibeendu kya kisalu kya nde kya buntumu, kiri Yuda nde-meene yisukiri, mu kweende kukimi.

Biyiriki bya Bantumu 11:23

Nde bu katubuka, wamoono bweese bwa Nzaambi, wakeembe na wasyaamisa bobanso mu mutima mosi, mu kukaangama mu Mfumu,

Biyiriki bya Bantumu 20:24

Kasi ha miisu mya me, kidziingu kyaami kyahele mufunu, kasi miri mufunu kuri meenu kusukisa nzila yaami na kisalu ki nyataamburi kuri Mfumu Yesu, kya kweta kimbaangi mu Musamu Wamubwete mu bweese bwa Nzaambi.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 9:31

Dibuundu dyaba na kidzuunu mu Yudaya dyodinso, mu Ngalili na mu Samariya, dyatuunguma na dyadyaata mu kibvumi kya Mfumu, na mu mboondulu ya Mpeeve Yangisi, dyo dyaba Kwefununaana.

Mukaanda kuri bari Loma 12:5

bunubwo se, beetuneenu turi balaka, ngo turi nyutu mosi mu Kiristo, na mpisi muutu wuri kinamu mu nyutu mbaasi.

Mukaanda kuri bari Loma 12:7

mbuti kisalu, lo mu kisalu; mbuti muyikisi, lo mu nyikusulu;

Mukaanda kuri bari Loma 14:19

Hango-nkuumbu, hemese tusakee mamo ma kiyeengi, na ma ntuungulu ya beetu na beetu.

Mukaanda kuri bari Loma 15:14

Mu mitariri beenu, bampaangi baami, me nyirikiri kuyaaba ti, beenu se lwaluula mu mutima-bubwe, lwaluulusu mu nyaabulu yoyinso, na lwakuka mu kwelubusina beenu na beenu.

Mukaanda kuri bari Loma 15:2

Mpisi muutu mu beetuneenu kayirika ma kiminu kuri mbaasi yaandi, mu ntoono mamabwe mu ntuungulu.

Mukaanda kuri bari Loma 15:29

Me nyaari ti, ha nyikwiisa kuri beenu, me sa nyiisa kuri nyaluula mu lusakumunu lwa Kiristo.

1 Kol 12:27

Beenu luri nyutu Kiristo, na mpisi muutu kinamu kya nyutu.

1 Kol 12:7

Kuri muutu-muutu Mpeeve yamonokono mu kikabu, mu ntoono ya mamo mari mufunu.

1 Kol 14:12

Hango beenu se, bukuri luri na kuheme mu bikabu bya kimpeeve, sakee kuba babuukula mu bya ntuungulu ya dibuundu.

1 Kol 14:14

[Mukwongo], mbuti me nyisaambila mu mandiinga, lo kiluunsi kya me se kiri mu lusaambulu, kasi madyeele ma me mahele mu kusala.

1 Kol 14:26

Bampaangi, nki kwaandi? Mu ntaangu yi lukutukunaa beenu, mosi wuri na mukuunga, wakaka wuri na nyikusulu, mukimi wuri na nyabusulu, wuni wuri na ma kuleele mu ndiinga, wakaka wuri na mambangukulu: myominso miyirimina mu ntuungulu.

2 Kol 12:19

Kuholosono na kidzika, beenu kutsima ti beetu manyutu turi mu kukalila ha busu bweenu. Ngo ha busu bwa Nzaambi, mu Kiristo, beetu turi mu kudzoonso; na myominso mimyo, banduku ba mutima mu ntoono ya kulutuunga.

2 Kol 13:11

Mu misiiri ngo miri, bampaangi, monee kiminu, sakeenu kuba babaanguka, syamisinee beenu na beenu, beenee kitsimi kimosi, beenee na kiyeengi, na Nzaambi ya ntiilu na ya kiyeengi sa kaba na beenu.

2 Kol 13:9

Mukwongo, beetu tumonaa kiminu mpisi ntaangu yiri, beetu turi na buyonsi kasi beenu luri na makwa; mi turi mu kusambikilaa beetu miri ti beenu lubaanguka.

2 Kol 3:8

lo kisalu kya Mpeeve sa kyabvula nkeembu.

2 Kol 4:1

Hango-nkuumbu, bu turi na kisalu kimaki, beetu twahele kuholo-bito, bukuri mu ngebe dza Nzaambi turi twakitaambula.

2 Kol 5:18

Byobinso byafumuna kuri Nzaambi, nde wabweese kusa nyukusunu ha kakati dya beetu, na nde-meene mu Kiristo, na watuha kisalu kya kubweese kwesuusa nyukusunu.

2 Kol 6:3

Beetu twahele kubumisa muutu makya mu ntoono ti mosi, mpisi heki kisalu kihele kuba kyasaanu.

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

Mukaanda kuri bari Efeso 1:23

diri nyutu yaandi, nduululu ya wunde wuluulusaa byobinso mu bobanso.

Mukaanda kuri bari Efeso 4:16

Mu nde nyutu yoyinso yiri yayirima, na yasokomo kwakubwete, mu biyikulu byobinso byayikwaata, bunu buri kisalu kyayelemene na mpisi muutu, na yikwebuuka mu ntuungulu ya yo-meene kunsa ntiilu.

Mukaanda kuri bari Efeso 4:29

Yaa kupala ntoono ti mosi yayibi mu munwa weenu ko, ngo mbuti kuri yipala, lo yiba yayibwete, yiri mufunu mu ntuungulu, mpisi yiha bweese kuri babo bayuka.

Mukaanda kuri bari Efeso 4:4

Nyutu mosi yiri, na Mpeeve se mosi, bunubwo se bari baluteele mu nsiitu mosi, ya mbila yeenu.

Mukaanda kuri bari Kolosayi 1:24

Mu lumalu, me nyimono kiminu, kunsa mpasi mu ntoono beenu, na me nyiri mu kukukisa mpasi dza mbamunu Kiristo, mu muswinyi waami, mu ntoono nyutu yaandi, ngo dibuundu.

Mukaanda kuri bari Kolosayi 1:28

Nde beetu turi mu kweyaabisa, mu kulubula mpisi muutu, na kuyikisa mpisi muutu, mu madyeele momanso, mpisi muutu kaba nyirimunu yakuka mu Kiristo.

Mukaanda kuri bari Kolosayi 4:17

Leeleenu kuri Arkipo ti: Sa madyeele mu kisalu ki wuri wataambula mu Mfumu, mpisi sala kyo kwakubwete.

1 Tim 1:12

Me nyibvutula matoondo kuri wunde wampa makwa, Yesu Kiristo, Mfumu yeetu, bukuri nde wamwiini ti me nyayelemene mu kunsuusa mu kisalu.

2 Tim 4:11

Wuni Luka kitsu wuri na me. Holo Malako, mpisi lwiisa beenu boolo, mutwaala, bukuri nde wuri mufunu kuri me, mu ntoono kisalu.

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

Mukaanda kuri Bahebeleho 13:17

Beenee na bintambukulu kuri babo bakwelutwaalisa, na beenee batumuma kuri bo. Mukwongo, bo bakwekebe miheebulu mya beenu, bukuri bo sa batambikisa mabuungu. Seenee bubwo mpisi bo besala kisalu mu kiminu, nkani ka mu kwekuuma ko, bukuri babaa bakwekuuma, lo mimyo myahele ndaandu kuri beenu.

Mukaanda kuri Bahebeleho 6:1

Hango-nkuumbu, yaa tubeenee munu mu nyikusulu dzatete dza mu Kiristo ko, ngo tusakeenu nyikusulu dza baatu babuuka. Yaa tutuungee lufulu lukimi ko, mu kubweese kuyiinga madyeele, mu kusiisa biyiriki byafwa, na mu kusa kanyi mu Nzaambi;