Mukaanda kuri bari Efeso 4:11 - Musamu Wamubwete 2013

¹¹ Na nde-meene wasa kuri ti, babamosi baba bantumu, bakaka babikiri, bakimi madingisi, bakaka se batari, na bakimi se bayikisi.

Mukaanda kuri bari Efeso 4:11 ပူးပေါင်းရင်းမြစ်များ

Musamu wamubwete watina Matayi 28:20

mu kubayikisa kukebe momanso ma nyabee lutumana. Na mono, me nyiri kintwaari na beenu, mu biluumbu byobinso, natee ku manunu ntaangu.»

Biyiriki bya Bantumu 13:1

Mu dibuundu dyaba ku Antyoke, kwaba babikiri na bayikisi: Barnaba, Simehoni wu baba teelaana ti Ningere, Lukyo wa ku Kirene, Manahene wunde wabuukiri ha kimosi na Erode mfumu mankoonsi mana, na Sawulo.

Biyiriki bya Bantumu 20:28

Seenee madyeele mu beenu-meene, na mu mpuumbu bimeeme yoyinso yiri Mpeeve Yangisi wulutelemisi mu kuba bakebi. Buunguleenu dibuundu dya Nzaambi di kari kabaka mu makila ma nde-meene.

Biyiriki bya Bantumu 21:8

Kiluumbu kyanama beetu twayende na twatubuka ku Kayisareya, na twakoto mu nzo dinginsi diri kuumbu Filipo, nde waba mosi mu bo nsaamu; tumi ha twadzakala ha nzo nde.

Mukaanda kuri bari Loma 12:7

mbuti kisalu, lo mu kisalu; mbuti muyikisi, lo mu nyikusulu;

1 Kol 12:4

Bikabu bya bweese biri mu bitsuumbu-bitsuumbu, ngo Mpeeve yiniyo;

Mukaanda kuri bari Efeso 2:20

Beenu lwatuunguma ha yulu lufulu lwa bantumu na babikiri, Kiristo Yesu nde-meene ngo tari dya ha kuumbu.

Mukaanda kuri bari Efeso 3:5

dziri mu biseendu byalabuka, basii yaabisa dzo kuri baala ba baatu ko, ngo mu lumalu, Mpeeve mwaayaabisa dzo kuri bantumu baandi bangisi, na kuri babikiri.

Mukaanda kuri bari Efeso 4:8

Hango-nkuumbu, diri dyaleelu ti: «Bu kamana kunwaata ku yulu, nde wakaanga bunkutu, na waha bikabu kuri baatu.»

2 Tim 4:5

Ngo ye, ba wasoongolo mu myominso, kuunda mpasi, sa kisalu kya budingisi, kukisa kisalu kyaaku.

Mukaanda kuri Bahebeleho 5:12

Beenu nkani lwayeki bayikisi na kidzika, kasi beenu, kubweese kusaka ti nkani muutu kaluyikisa misamu, nkati mya mbandukulu mya maampu ma Nzaambi, na lweki mu kiteesu kya kutya beene, nkani ka byandya byakuba ko.

Mukaanda Yuda 1:17

Ngo kasi, beenu banduku ba mutima, baambukee mwooyo, mu maampu matekisiri kuleele bantumu, ba Mfumu yeetu Yesu Kiristo.

Nyabusulu ya Yowane 18:20

Yulu, mono kiminu mu dyo! Beenu se bangisi, bantumu na babikiri, monee kiminu, bukuri Nzaambi tsuundisiri dyo mu ntoono bubi bu kaluyirikiri!

Nyabusulu ya Yowane 21:14

Kibaka kya bvula, kyaba kyatuunga ha yulu matari kuumi na moolo ma lufulu, na mu matari, mwatina mankuumbu kuumi na moolo, ma bantumu kuumi na boolo, ba Mwaana kimeeme.