Dibuundu dyaba na kidzuunu mu Yudaya dyodinso, mu Ngalili na mu Samariya, dyatuunguma na dyadyaata mu kibvumi kya Mfumu, na mu mboondulu ya Mpeeve Yangisi, dyo dyaba Kwefununaana.
Hango me nyisyaamisa beenu bampaangi, mu kyaari kya Nzaambi, mu kuyekele manyutu meenu bunu kikabu kyamwooyo, kyangisi na kyabweeye kuri Nzaambi. Yiyo ngo nsambukulu yangwanwa kuri beenu.
Me Pawulo, nyilusyaamisa me-meene mu bundeembu, na mu mutima-bubwete wa Kiristo. Bakweleele ti, me nyiri na nsoni habaanaa nyiri ha kakati dya beenu, ngo kasi nyakasuka habaanaa nyiri la na beenu;
Beetuneenu ngo turi bamonikisi ba Kiristo, buni ti Nzaambi wuri mu kulusyaamisa mu beetu; beetu tuluyiingikila mu nkuumbu ya Kiristo, taambulee kubweese kuyukusuna na Nzaambi.
Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.
na dyaatileenu kunsa ntiilu, bunubwo se Kiristo kari kalutiila, na kayekele nyutu yaandi kuri Nzaambi mu kikabu na mu kumudzusa, mu ntoono beetu, bunu mananaasi ma mfuku yayibwete.
Beenu ngo bari dyaatileenu mu kiteesu kyayelemene na Musamu Wamubwete wa Kiristo, mpisi heki, ti hayuku me nyiisiri kulumono, bunu pe nyahele kuba na beenu, me nyuka ti beenu luri na keketee mu mpeeve yomosi, na luri mu kwenwaana mu kitsimi kyokimosi, mu ntoono kanyi mu Musamu Wamubwete,
kuri ti beenu lwedyaatila mu nzelu yayelemene mu Mfumu, mu kubweeye kuri mu myominso, mu kubuta bimbutu mu mpisi kiyiriki kyakibwete, na kubuuka mu nyaabulu ya Nzaambi.
Beetu twaba kweluboondaana, kwelusyaamisaana, na kweluyingukilaana mu kuba na ndyaatulu yitiiri Nzaambi, nde wuri mu kuluteele mu kimfumu na mu nkeembu yaandi.
Hango-nkuumbu, beetu tunamitina kusaambila mu beenu, mpisi heki Nzaambi yeetu kamono ti, beenu lwayelemene na mbila yi kari kaluteele, na mu mpinu dzaandi kakukisa nzala yoyinso yakuyirika mamabwe yiri mu beenu, na kisalu kya kanyi.
Nde watubvuukisa, na watuteele mbila yangisi, kari mu ntoono biyiriki byeetu ko, ngo kasi bunu buri bitaasi bya nde-meene na bweese bu kari katuha mu Kiristo Yesu, tekesele mantaangu mahela kuwa.
kaluha makwa ma kuyirika myominso myamibwete, mu kukukisa kutya kwaandi, kayirika mu beetu mamo mamabwete, ha busu bwa Yesu Kiristo, kuri nde kuba nkeembu mu bibvu ngo bibvu. Amene!
Hango, bampaangi bangisi, beenu luri kintwaari mu mbila ya ku yulu, siilee mutima mu wunde wuri ntumu, na mukuutu bangaanga-nzaambi, wu turi twasiila kanyi, ngo Yesu.
Banduku ba mutima, me nyilusyaamisa bunu minzakikiri miri ku bunzeense, mu kukaanga mutima, mu kuhele kubwa mu nyiimunu dza muswinyi, dzikwenwaanisa muheebulu.
yaa lwebvutula mamabi mu mamabi ko, bunu pe kitari mu kitari ko. Ngo kasi yendee lwesakumuna, bukuri mu bubwo bari baluteele mbila, mpisi heki lutaambula lusakumunu ngo saala.
Nzaambi ya mabweese momanso, waluteele mbila mu kukoto mu nkeembu yaandi yahele manunu mu Kiristo Yesu, bu lumwiini mpasi mu mwaa-ntaangu, sa kabweese kalutelemese nde-meene, sa kalukumisa, sa kaluha makwa na sa kalusa na keketee.
Mpinu dza kinzaambi kyaandi, dzatuha byobinso biri mufunu mu kidziingu na kinzaambi, mu nyaabulu ya ngwanwa ya wunde watuteele mbila, mu nkeembu yaandi na mu makwa maandi.
Na mu lumalu di nyiloombo kuri ye, Mukyeetu, kari bunu ti lutumu lwamoono, me nyiri mu kutinina kuri ye ko, ngo luni lu turi twataambula, kuholosono munu mbandukulu ti, twetilisineenu beetu na beetu.