Yesu wabweese kuleele kuri nde ti: «Ye wuri mu kiminu, Simoni mwaana Bariyoona; kari muswinyi na makila ko bikuyaabisiri dyo; ngo Taayi dyaami diri mu mayulu wukuyaabisiri dyo.
Yesu wabvutula, wamuleele ti: «Mbuti ye beeyaari kikabu kya Nzaambi, na wunde wuri mu kukuleele ti: Ha me maampa ma kunwa, nkani ye ketyee kumuloombo maampa, na nde ketyee kuha ye maampa ma mwooyo.»
«Ngwanwa mu ngwanwa me nyiluleele ti: wunde wuyuka maampu ma me, na wusa kanyi mu wunde wampeeke, lo wuri na kidziingu kyahele manunu. Nde wahele kwiisa ku mutsuundu, ngo wayeki wayisika mu lufwa mu kuluta ku bumwooyo.
Kutya kwa Taayi dyaami kuri ti, wunde wumono Mwaana na wusa kanyi mu nde, kabaka kidziingu kyahele manunu, na me sa nyamufulukisa mu kiluumbu kya manunu.»
Ngo mukyeetu mosi, nkuumbu Lidya, waba tuywiilaana, nde waba muyariki mansaanda mamabwe mabeenge, waba ku bvula dya Tyatira, nde waba bvuminaa Nzaambi. Mfumu wa dzibula mutima nde, kuri nde kangamini mu mimyo mya ba dzoonsaana Pawulo.
Hango-nkuumbu, saala kubakila mu nzila ya kanyi, mpisi heki mu bweese lusiilulu luba lwatswiikama kuri bobanso bapalila mu Abalaami, kari bani bapalila mu mangisi ko, ngo bapalila se mu kanyi dyaandi. Nde wuri taayi dya beetu-banso,
Mu bubwo, mu Kiristo Yesu, lusakumunu lwa Abalaami luri lwatubuka natee kuri bahele kuba Bayudayo, mpisi heki tutaambuleenu Mpeeve yi bari batusa lusiilulu mu kanyi.
Mukwongo, beetu turi biyiriki bya Nzaambi, nde watuyirika mu Kiristo Yesu, mu kuba na biyiriki byabibwete, bi kari katekesele kuyirika, mpisi tubisalila.