Mukaanda kuri bari Efeso 2:3 - Musamu Wamubwete 2013

³ Beetu-banso se twaba kintwaari na bo, na twaba kwedyaatilaana mu ntaangu yayikulu, bunu buri nyiimunu dza muswinyi weetu, mu kweyirika matiiri muswinyi na bitsimi byeetu byabibi. Mu mbeelu yeetu, twaba baala bayelemene kubwiilikila nkesi dza Nzaambi bunu bakaka.

Mukaanda kuri bari Efeso 2:3 ပူးပေါင်းရင်းမြစ်များ

Musamu wamubwete watina Malako 4:19

kasi minyoongi mya nsi yi, mawunu ma busina, na nyiimunu dza bitsuumbu-bitsuumbu, bu bikotiri mu bo, biswetikise Maampu, na meki bimbutu kubuta pe.

Musamu wamubwete watina Yowane 1:13

bahele kubutuka mu makila, mu kutya kwa muswinyi, na mu kutya kwa muutu, ngo kasi mu Nzaambi.

Musamu wamubwete watina Yowane 8:44

Taayi dya beenu ngo dyabulu, na beenu kutya kuyirika ma tiiri taayi dyeenu. Kuholosono kunu mbandukulu, nde mudzusi kari, na kasii ba kunsa ngwanwa ko, bukuri ngwanwa yahele mu nde. Habaanaa wudzoonso mya mpya, lo nde kusa bunu wudzoonso myamibwe, bukuri nde ngaa-mpya na taayi dya mpya.

Biyiriki bya Bantumu 14:16

nde Nde wuri mu biseendu byaluta, waha miswa kuri makaanda momanso, mu kunama manzila ma bo-meene.

Mukaanda kuri bari Loma 1:24

Hango-nkuumbu, Nzaambi kari kabayekele mu nsumukunu mu nzila ya nyiimunu dza mitima myaaku, mu kuhele kukiinsa manyutu ma bo-meene.

Mukaanda kuri bari Loma 11:30

Mukwongo, mu ntaangu yayikulu, beenu lwasiiri nko kuri Nzaambi, ngo kasi mu lumalu, beenu balubakila ngebe, ha lumbisa lwa nko dza bo.

Mukaanda kuri bari Loma 13:14

ngo kasi lwaateenu Mfumu Yesu Kiristo, na yaa lweyirika ma tiiri muswinyi ko, mu kuhele kuyukutisa nyiimunu.

Mukaanda kuri bari Loma 2:14

Mukwongo, mbuti bangooyi bahele na mangisi, bakwesalila mangisi bunubwo, bo bu bahele na mangisi, bo-meene ngo mangisi.

Mukaanda kuri bari Loma 5:10

Mukwongo, mbuti ha twaba bataatu, Nzaambi wasuusa nyukusunu ha kakati dya nde na beetu, mu lufwa lwa Mwaana waandi, lo dyaburi tuhele kubvula kuba babvuukusu mu bumwooyo bwaandi, ha tumwaayukusuna na nde?

Mukaanda kuri bari Loma 5:9

Hango mu lumalu, bu tweki twalulukusu mu makila maandi, lo dibvuriri bubwete diri nde sa katubvuukisa mu nkesi dza Nzaambi.

Mukaanda kuri bari Loma 6:12

Ngo yaa lutala ko ti, masumu maba na lutumu mu nyutu yeenu ya mfwiilu, mpisi luhele kutumuma mu nyiimunu dza nyutu.

Mukaanda kuri bari Loma 7:18

Me nyaari ti mamabwe mahele mu me, bu ntiiri kuleele ti, mu muswinyi waami. Nzala kuyirika mamabwe yiri mu me, kasi nyahele kubangisina kumayirika.

Mukaanda kuri bari Loma 9:22

Ngo Nzaambi watiiri kusoongo nkesi dzaandi, na kuyaabisa mpinu dzaandi, wakiindisa mutima mu nkindusulu yayinene mu bisa bya nkesi, bi bari bayirika mu ntoono ya mfukusulu.

1 Kol 4:7

Mukwongo, na wumono kuri ti ye bvuriri? Nki ye wuri na byo, biri kari kutaambula wuri wataambula ko? Na mbuti kutaambula wuri wabitaambula, buri wuri mu kusa kimweese bunu ti wahele kutaambula?

2 Kol 7:1

Ngo banduku ba mutima, bukuri turi na nsiilulu dza bubwo, tutsyeemekeenu mu mamviindu momanso ma muswinyi na ma kiluunsi, na tukukiseenu bungisi kunsa kibvumi kya Nzaambi.

Mukaanda kuri bari Ngalatya 3:22

Ngo kasi, Matinu masoongo ti, bobanso bakaangama kunsa masumu, mpisi heki mu kanyi mu Yesu Kiristo, lusiilulu luba lwaha kuri bangaa-kanyi.

Mukaanda kuri bari Efeso 2:2

mu mo, beenu lwaba kwedyaatilaana mu ntaangu yayikulu, bunu buri bifu bya nsi yimayi, bunu buri lutumu lwa mfumu mpinu dza kingye-kingye, mpeeve yiyo yiri mu kwesala mu lumalu, ha kakati dya baala ba tungu.

Mukaanda kuri bari Efeso 4:22

lo luyelemini kuyisila ndyaatulu yatekesele ya mu muutu wamukulu, wukwesumuka mu nyiimunu dza mawunu.

Mukaanda kuri bari Kolosayi 1:21

Beenu se mu ntaangu yaluta, lwaba banzeense na bataatu mu bitsimi, mu ntoono biyiriki byabibi.

1 Tes 4:13

Bampaangi, beetu tutii ko ti beenu luba kunsa lubu, mu mitariri babo ba mwaafwa, mpisi luhele kwenyoongo bunu bakaka bahele na nsiitu.

1 Tes 5:6

Hango-nkuumbu, yaa tubweeneenu tolo bunu bakaka ko, ngo tubeenee naana na kuba na ndiilu na nwiinu byayelemene.

1 Tim 6:9

Ngo babo bari na nzala busina, bakoobwaanaa mu nsindukulu, mu myeete, na mu mburi nyiimunu dza buwulu na dzadzibi, dzikotisaana baatu kunsa mfukusulu na nzimbusulu.

Mukaanda kuri Tito 3:3

Mukwongo, mu ntaangu yayikulu beetuneenu se twaba biwulu, bangaa-nko, badziimbila, twaba mu bunkutu bwa nyiimunu na biminu bya bitsuumbu-bitsuumbu, twaba kwelutisa ntaangu mu mamabi na mu musoki, twaba baatu bari babele na bakwebelesene bo na bo.

1 Pet 1:14

Bunu baala bari na bintambukulu, yaa lunama kifwaani kya nyiimunu dza ntaangu yayikulu ko, yi lwaba lwakiri kunsa lubu.

2 Pet 2:14

Miisu mya bo myaluula mu kimpala, na banamitina mu kweyirika masumu. Bakwekoondo baatu bahele kukwiikama, mitima mya bo myayuku mu ntiki-mboongo, bo ngo baala ba mpopi.

2 Pet 2:18

Mukwongo, bakwedzoonso misamu myaminene myahele mufunu, bari mu kwekoondo mu nyiimunu dza muswinyi, mu buyala, babo babvuukila ha wuri dya mukuungi dya baatu bawumuka.

1 Yow 2:16

bukuri byobinso biri mu nsi, nyiimunu dza muswinyi, nyiimunu dza miisu na masiiku mu bya kidziingu, biri bya Taata ko, ngo kasi bya nsi.

1 Yow 2:8

Mukwongo, lutumu lwamoono me nyiri mu kulutinina; didyo diri dyangwanwa mu nde na mu beenu, bukuri mampimbisi mari mu kuluta, na buungi bwangwanwa bweki mu kuseme.