Mukaanda kuri bari Efeso 2:22 - Musamu Wamubwete 2013

²² Mu nde, beenu se luri lwatuunguma mu kintwaari, mu kuba nzo yi dzakalaa Nzaambi mu Mpeeve.

Mukaanda kuri bari Efeso 2:22 ပူးပေါင်းရင်းမြစ်များ

1 Kol 3:16

Buri beenu lwahele kuyaaba ti beenu luri nzo-Nzaambi, na ti Mpeeve Nzaambi yadzakala mu beenu?

1 Kol 3:9

Bukuri beetu turi bakwesala kintwaari na Nzaambi. Beenu luri nseke Nzaambi, na luri nzo ya Nzaambi.

1 Kol 6:19

Buri beenu lwahele kuyaaba ti, nyutu beenu, ngo Nzo-nzaambi Mpeeve Yangisi, yiri mu beenu, yi luri lwataambula kuri Nzaambi, na lwahele kubweese kuba ba beenu-meene?

2 Kol 6:16

Nkya nyukusunu yiri ha kakati dya Nzo ya Nzaambi na biteki? Bukuri beetuneenu turi Nzo ya Nzaambi yamwooyo, bunu bwaleele Nzaambi ti: «Me sa nzakala ha kakati dya bo, na me sa nyeyende na bo, Me sa mba Nzaambi bo, na bo sa baba baatu baami.»

Mukaanda kuri bari Efeso 3:17

Nde kadzakisa Kiristo kunsa mitima myeenu mu kanyi, na luba lwamene myaansi na lwatuunguma kunsa ntiilu,

1 Yow 3:24

Wunde wukebaa ntumu dzaandi wasa kikuundi mu Nzaambi, na Nzaambi wasa kikuundi mu nde. Mu dimadi beetu tuyaabilaa ti, Nzaambi wasa kikuundi mu beetu, mu Mpeeve yi kari katuha.

1 Yow 4:13

Beetu tuyaabilaa ti twasa kikuundi mu nde, na nde wasa kikuundi mu beetu, bukuri nde watuha Mpeeve yaandi.

1 Yow 4:16

Beetu twayaaba, na twasa kanyi mu ntiilu yiri na Nzaambi mu beetu. Nzaambi ngo ntiilu; mpisi wunde wasa kikuundi mu ntiilu, lo wasa kikuundi mu Nzaambi, na Nzaambi wasa kikuundi mu nde.